Qabridahar(cakaaranews)Arbaco, 3da January 2018. Waxaa si heersare ah loogu soo dhaweeyay magaalada qabridahar ee xarunta gobolka qoraxay ardaydii ugu horaysay ee nasiibka uyeelatay jaamacada qabridahar islamarkaana ay qaabishay jaamacadu kuwaasoo isugujira qoomiyadaha kaladuwan ee dalkeena kana ka kala yimid 9ka dawlad deegaan iyo labada ismaamul ee uu dalku koobanyahay.
Hadaba, ardaydan cusub ayaa waxaa duleedka magaalada kusoodhaweeyay shacabka qaybihiisa kaladuwan ee ku nool magalaada qabridahar kuwaasoo ay wahelinayaan masuuliyiin isugijirta heer gobol heer maamul magaalo, heer degmo iyo waliba qaarkamid ah masuuliyiinta iyo shaqaalaha jaamacada Qabridahar.
Dhanka kale, qaarkamid ah bulshada ree qabridahar ee soo dhawaynaysay ardaydan cusub ee jaamacada qabridahar lagu soo qoray oo dareenkooda kahadlay ayaa sheegay in ay aad ugu faraxsan yihiin sida diiran ee qalbiga furan ee ay usoo dhawaynayaan ardaydan cusub ee isugujirta dhamaan qoomiyadaha dalka ee kakala yimid dhamaan dalka oo dhan. Waxayna tilmaameen in ay taageero dhankasta ah lagarbtaagnaanayaan ilaa inta ay waxbarashada wataan.
Sidookale, qaarkamid ah ardayada lasoodhaweeyay ee kakalatimid deegaanada dalka iyo 2da ismaamul ayaa sheegay in maanta aysan dareenkooda qiyaasikarin islamarkaana aysan filanaynin in soodhawayn noocan ah waxayna u mahadceliyeen dhamaan bulshadii soodhawaysay.
Iskusoowada duuboo, jaamacada qabridahar ayaa kamid ah 11 jaamacadood oo cusub kuwaasoo laga kaladhisay qaarkamid ah deegaanada dalka. Iyado jaamacadanina ay tahay jaamacada 2aad ee deegaanka soomaalida Itoobiya. Waxayna sanadkan 1aad ee ugu horeeya qaabishay 1200 oo arday islamarkaana ay u diyaarisay adeegyadii jiifka cuntada iyo waliba waxabarshadii iyo agabkeedii.