Image may be NSFW.
Clik here to view.
Jigjiga,(cakaaranews), talaado, 26ka September, 2017. Maareeyaha guud ee shirkada dhismaha jidadka DDSI mudane mudane Cabdilaahi Wali Xasan oo xafiiskiisa ugu waramayay warbaahinta deegaanka ayaa sheegay in shirkada oo ka duulaysa fulinta iyo hirgalinta qorshayaasha ee u dajisan xukuumada DDSI ay xooga saartay sanadkii tagay ee 2009TI hirgalinta dhismayaasha jidadka, mashaariicaha waraabka iyo taaba galinta buundooyinka hal-bawlaha u ah horumarka bulshada deegaanka.
maareeyaha ayaa sheegay in shirkadu dadaal xoogan ugu jirto fulinta qorshayaasha horumarineed oo isugu jira dhismayaasha jidadka oo sahlaya isku socodka bulshada deegaanka, hirgalinta hawlaha horumarka nabadgalyada iyo koboca dhaqaalaha dalka iyo deegaanka, mashaariicaha,biyo xidheenada waraabka looga faa’iidaysanayo maareeya ayaa sheegay in qorshayaasha ay shirkadu gacanta ku haysay ee la soo gabagabeeyay sanadkii 2009TI ay ka mid yihiin mashruuca waraabka Baka kaasi oo ka kooban dhismayaal kala duwan oo suurta galinaya in uu waraabiyo mashruucu, dhulbeereed dhan 600,000 oo Higter islamarkaana ay shirkadu dhamays tirtay gacanka dheer ee biyaha qaada, sidoo kale la dhamays tiray 17 barkadaha biyaha qaybiya iyo 4 Boondhiyada biyaha kaydiya kuwaasi oo ay shirkadu dhamays tirtay sanadkii tagay ee 2009TI.
maareeyaha ayaa sidoo kale sheegay in shirkadu sanadkii 2009TI hirgalisay mashaariico kale oo mugwayn kuwaasi oo wakhti xaadirkan bixinaya adeegyadii loogu talagalay gaar ahaan dhinaca dhismayaasha jidadka iyo buundooyinka sahlaya isku socodka bulshada deegaanka, dadka, duunyada iyo gaadiidka u kala goosha gobolada iyo degmooyinka DDSI. maareeyaha ayaa tilmaan dheer ka bixiyay dhibaatooyinkii hore uga haysan jiray bulshada deegaanka dhinaca jidadka ee isku socodka degmooyinka deegaanka balse markii ay xukuumada DDSI dajisay ayuu yidhi maareeyuhu qorshayaal cilmiyaysan in laga guul gaadhay xal u helida jidadka isku xidha gobolada iyo degmooyinka deegaanka.
Maareeyaha ayaa intaasi ku daray in ay wakhtixaadirkan shirkadu gacanta ku hayso mashaariico waawayn oo muhiim u ah taaba galinta qorshayaasha horumarika kuwaasi oo ay ka mid yihiin, buundooyin, mashaariicaha dhinaca biyo xidheenada waraabka looga faa’iidaysanayo iyo mashaariico dhinaca jidadka ah kuwaasi oo wakhti kooban lagu soo gabagabayn doono, maareeyaha ayaa ug dambayntii sheegay in shirkada dhismaha jidadka DDSI leedahay awood fulineed oo suurta galinaya taaba galinta iyo ka midho dhalinta qorshaha u dajisan shirkada sanadka 2010TI.
