Jigjiga( Cakaaranews ) Talaado, 26ka April 2016. Madaxwaynaha DDSI mudane  Cabdi Maxamuud Cumar ayaa saaka soo afmeeray shirkii qiimaynta mashaariicaha biyo-xidheenada waa wayn ee kala ah: baka, goomaar, wiji-waaji iyo maraacaato isagoo kubooriyay in mudo 10 cisho ah lagu dhamaystiro waxa dhiman.

Hadaba shirkadaha iyo engineerada gacanta kuhaya mashaariicahan ayaa dhankooda balanqaaday inay kaga soo bixi doonaan mudada loo cayimay dhamaystirka waajibaadka shaqooyinka uyaala.

Dhanka kalana, madaxwaynaha DDSI mudane Cabdi Maxamuud Cumar oo uu weheliyo wasiirka ganacsiga iyo gaadiidka DDSI mudane Khadar Cabdi Ismaaciil ayaa gobolada iyo degmooyinka deegaanka kalahadlay arimaha kontarabanka sharci darada ah ee deegaanka soo gala. In kasta oo kontarabanka sharci darada ah aad loo yareeyay 5tii sano ee u danbaysay marka loo eego sanadihii hore. Wuxuuna madaxwaynuhu xusay in mas’uuliyiinta gobolada iyo degmooyinka deegaanku ay wada-shaqayn layeeshaan hay’adaha kuhawlan kahortaga kontarabanka sharci darada ah ee waxyeelaynaya nolosha iyo ganacsiga xorta ah ee kajira guud ahaan dalka.

Sidoo kale, wasiirka ganacsiga iyo gaadiidka mudane Khadar Cabdi Ismaaciil ayaa kawarbixiyay isbadalka waxkaqabad ee uu xafiisku kakeenay dhinaca ladagaalanka kontarabanka sharci darada ah isagoo wada shaqayn toos ahna laleh jibriyada. Wuxuuna wasiirku kula dar-daarmay gobolada iyo degmooyinka inay kasoo dhalaalaan shaqooyinka kaga aadan ladagaalanka kontarabanka.

 Ugudanbayna, gobolada iyo degmooyinka deegaanka ayaa balanqaad balaadhan kasameeyay arintaasi.

Adama(Cakaaranews) Talaado 26ka April 2016. Tababar uu soo agaasimay Wasaarada Adeega Shacabka iyo Horumarinta Cududa Shaqaalaha JDFI islamarkaana ujeedadiisu ahayd  Ka doodida Mashruuca qiimaynta iyo darajaynta Shaqada Ee Job and Evaluation Grade (JEG) iyo waliba daradar galinta shaqooyinka maamulka suuban oo ay kasoo qaybgaleen masuuliyiinta xidhiidhka dadwaynaha iyo masuuliyiinta warbaahinta ee Fadaraalka, deegaanada Dalka iyo labada ismaamul magaalo ayaa maanta lagu soo gabagabeeyay  Ayu International Hotel ee magaalada Adama ee Deegaanka Oromiya.

HadabaTababarkan oo socday mudo sadex cisho ah ayaa waxaa xidhitaankiisii ka hadlay Wasiiru-dawlaha Wasaarada Adeega Shacabka iyo Horumarinta Cududa Shaqaalaha mudane Tamasgan Tilahun  oo sheegay in tababarkan lagu soo bandhigayay faa’iidooyinka uu leeyahay  mashruuca qiimaynta iyo darajaynta shaqada ee looyaqaano (JEG) iyo waliba in shaqooyinkiisii ay soo dhamaadeen islamarkaana larabo in laga hirgaliyo dhamaan dalka sanadka soo socoda ee 2009 T.I. isagoo mashruucani muhiimadiisu ay tahay midaynta dhamaan mushaarka shaqaalaha dawliga ah ee shaqooyinka isku midka ah qabta. Wuxuuna suurta galinayaa in darajooyinka iyo shaqooyinka isku midka ahi ay mushaar iskumid ah noqdaan.

Sikastaba ha ahaatee mashruucan oo shaqooyinkiisa iyo daraasaadkiisu ay soo socotay mudo 4 sono ah ayaa si balaadhan ay uga doodeen masuuliyiintii tababarka qaadanaysay islamarkaana lagu soo gunaanaday si aad u heer saraysa iyadoo masuuliyiintu ay kalaqateen jahooyinkii iyo sidii uu deegaan kasta uga hirgali lahaa sanadka sooscoda ee 2009 T.i.

Jigjiga( Cakaaranews ) Talaado, 26ka April 2016. Madaxwaynaha DDSI mudane Cabdi Maxamuud Cumar ayaa maanta xadhiga kajaray mashruucii biyo xidheenka qabalaha waaji ee Degmada koonfurta jigjiga  ee dhawaan ladhagax dhigay.

Hadaba madaxwaynaha ayaa waxaa booqashadan xadhig kajarka ah ku wehelinayay marti sharafka khaaska ah ee Madaxwaynaha dawlada deegaanka Canfarta Mudane Xaaji Siyon oo khibrad kaqaadasho uyimid deegaanka, Afhayeenka Golaha Xildhibaanda DDSI ahna Gudoomiyaha XDSHSI mudane Maxamedrashiid Isaaq madaxwayne kuxigeenada DDSI, Golaha kabineega, Maamulada Gobolada iyo degmooyinka iyo waliba marti sharaf kale.

Madaxwayne Cabdi Maxamuud Cumar oo kahadlay xafladan xadhig kajarka ah ayaa sheegay in baahida koobaad ilaa ta shanaad ee deegaanku ay tahay biyo islamarkaana ay xukuumada DDSI xooga saartay sidii ay shacabwaynaha deegaanka uga haqab-tiri lahayd baahida biyaha iyadoo man-power, Machinery iyo Budget kufilan usamasay si ay uga midho dhaliso yoolasheeda ku aadan baahida biyaha. Waxayna xukuumadu samaysay wakaalada Dabagalka Daraasaadka iyo Naqshadaynta. Taasoo guulo waa wayn kasoo hoyisay dhanka daraasaadka, Naqshadaynta iyo dabagalka ee khaastan biyaha si biyo looga helo dhulka hoostiisa gaar ahaan ceelasha dhaadheer. Sidaasdarteed ayay biyo xidheenadu waxay qayb ka yihiin qorshaha ay xukuumadu qaadatay si biyo la’aanta looga baxo. Wuxuuna intaa kudaray in biyaha galay biyo xidheenkan waaji ay u dhigmaan in kabadan 800 oo Barkadood biyahood oo looga faaiidaysan doono dhanka waraabka beeraha, bulshada iyo xoolahaba. Madaxwaynaha ayaana hadalkisii kusoo xidhay hambalyo iyo bogaadin ku aadan Maamulada Gobalada, Degmooyinka iyo dhamaan shacabwaynaha deegaanka isagoo carabka ku dhuftay in qorshahani yahay midkii lagaga qalin-jabin lahaa saboolnimida ee uu dalku kaga mid noqon lahaa wadamada uu dhaqaalahoodu dhex-dhexaadka yahay.

Sidookale waxaa xafladan kahadlay Madaxwaynaha Dawlada Deegaanka Canfarta, Madaxwayne Kuxigeenka DDSI ahna wasiirka Xafiiska Beeraha iyo Horumarinta Khayraadka Dabiiciga ah Marwo Sucaad Axmed Faarax iyo waliba kusimaha Gudoomiyaha Gobalka faafan ahna Gudoomiye kuxigeenka Gobolka oo dhamaantood bogaadiyay 174ka biyo-xidheen ee deegaanka laga dhisay ee uu kamidka yahay biyo-xidheenkan qabalaha waaji.

Ugudanbayna munaasabadan xadhig kajarka ah ayaa waxaa lagu soo afmeeray qado sharafeed si heer sare ah loo soo qaban qaabiyay.

Jigjiga(cakaaranews) Talaado, 26ka April 2016. Xaflad balaadhan oo si meeqaam sare ah loo soo agaasimay ayaa caawa ka dhacday  barxada wayn ee xarunta madaxtooyada cusub taasi oo ay ka soo qaybgaleen masuuliyiinta xukuumada DDSI ugu saraysa oo uu ka mid yahay  madaxwaynaha DDSI mudane Cabdi Maxamuud Cumar, madaxwayne ku xigeenada DDSI, afhayeenka golaha baarlamaanka DDSI ahna gudoomiyaha XDSHSI mudane Maxamedrashiid Isaaq, golaha wasiirada DDSI,gudoomiyayaasha gobolada, gudoomiyeyaasha degmooyinka, shaqaalaha dawlada, kooxaha fanka iyo suugaanka DDSI  iyo marti sharaf kale oo uu ka mid yahay madaxwaynaha deegaanka canfarta mudane Xaaji Siyon.

Xafladan  casho sharafta ah ayaa waxay ahayd mid lagu abaalmarinayay hogaamintii degmooyinka ee hormuudka noqotay islamarkaana  sida dhabta ah uga midho dhalisay fulinta qorshihii ay dajisay xukuumadu ee dhinaca biyo xidheenada  degmooyinka deegaanka. Xafladan ayaa waxay ka danbaysay ka dib markii la soo gabagabeeyay shirkii qiimaynta degmooyinka deegaanka ee diirada lagu saarayay dhinaca biyo xidheenada taasi oo lagu soo kala baxay darajada 1aad iyo 2aad.

Madaxwaynaha DDSI mudane Cabdi Maxamuud Cumar ayaa ka soo jeediyay xafladan khudbad ay ahmiyadeedu tahay qorshayaasha ay dajisay xukuumada ee ku salaysan ka jawaabida baahiyaha bulshada iyo fulinta qorshayaashaa. Wuxuuna sheegay madaxwaynuhu in ay xafladani tahay mid lagu abaalmarinayo gudoomiyayaashii sidii loogu talagalay u fuliyay qorshihii la kala qaatay ee dhinaca biyo xidheenada degmooyinka deegaanka. Waxaa kale oo uu sheegay madaxwaynuhu in ay xukuumada DDSI dadaal culus   ugu jirto sidii shacabka looga faa’iidayn lahaa  qabashada biyaha wabiyada, kaydinta biyaha cirka iyo soo saarida biyaha dhulka hoostooda si loo gaadho horumar waara.

Haddaba  waxaa caawa lagu abaalmariyay xafladan oo noqday hormuudka degmooyinka deegaanka ee biyo xidheenada ugu wanaagsan sameeyay darajada 1aad waxaa kaalinta 1aad biyo xidheenka degmada goday kaalinta 2aad biyo xidheenka degmada Awbare kaalinta 3aad biyo xidheenka degmada Dhagaxbuur. Waxaana gudoomiyayaasha sadexdaasi degmo caawa la gudoonsiiyay abaalmarino ah mid kiiba   hal baabuur oo cusub iyo shilimaad ay ka mid yihiin  laabtoobyo, moobilo, booto/jago dhul ah iyo waliba  jeeg lacageed.

Dhanka kale degmooyinka darajada 2aad loo qaatay waxaa ka mid ahaa degmada shilaabo, jigjiga iyo  hudhat waxaana gudoomiyayaasha sadexdaasi degmo la gudoonsiiyya shilimaad ay ka mid yihiin laabtoobyo, moobilo iyo bilado.

Jigjiga( Cakaaranews ) Arbaco, 27ka April 2016. Madaxwaynaha DDSI mudane Cabdi Maxamuud Cumar ayaa saaka hoolka shirarka ee xafiiskiisa kafuray shirkii golaha amaanka ee xiliilaha ahaa.

Shirkan ayaa waxaa kasoo qaybgalay mas’uuliyiinta hay’adaha amaanka oo ay kamid yihiin janaralka ciidanka difaaca qaranka qaybta koonfur bari mudane janaraal Abraham woldemariam, janaraalka guud ee ciidanka gaarka ah ee Liyuu booliska mudane Cabdiraxmaan Cabdulaahi Buraale, hogaamada nabadgelyada iyo taliska kifladoorada deegaanka iyo waliba komishineerada komishinka booliska DDSI.

Hadaba madaxwaynaha DDSI mudane Cabdi Maxamuud Cumar oo ugu horayn furay shirkan ayaa kahadlay ajandaha shirka oo ahaa sii adkaynta iyo xoojinta xaalada nabadgelyada xuduudaha dalka iyo ladagaalanka ururada argagixisada ah sida al-qushaash isagoo sheegay in al-qushaash marka laga eego xaga diinta ay gabbaadka kadhiganayaan ee islaamka aysan waxba ka aqoonin oo kooda ugu sareeya uu dhinaca quraanka kagaadhay innaa ac-dhayn oo ay yihiin dad maskaxda laga guumaysto oo faataxada kali ah warqad loogu qoray iyagoo dhinaca dagaalkana ah fullayo markaba dhabarka jeediya oo aan udulqaadan karin xabbada ciidamada qaranka iyo kuwa deegaanka labadaba. Wuxuuna madaxwaynuhu intaa raaciyay in gawraca alqushaash ay kusamayso shacabka soomaaliya ay katahay hala idinka cabsado oo kali ah ee aysan ka ahayn geesinimo waayo waxay iska celin lahaayeen ciidamada dagaalada fool kafoolka ah lagala ee ay markaba dhabarka uduwayaan. Wuxuuna madaxwaynuhu hadalkiisa kusoo xidhay in alqushaash iyo dadyawga garabka la ah ee kuriyoonaya dhul aysan lahayn ay yihiin cadaw si cad ugu soo gardarooday deegaanka soomaalida. Cidii kusoo gardaroota deegaankana markaaba looga jawaabi doono gardarada sharci darada ah sidii hada kahorba dhacday.

Shirkan ayaana lagu gorfeeyay xaalada nabadgelyada xuduudaha dalka guud ahaan iyagoo halkaana lagu soo bandhigay tabaha taagta daran ee al-qushaash iyo qaabdhismeedkooda oo baryahan danbe qabiilo kuxidhmay. Waxaana lagu soo gabagabeeyay in ladagaalanka argagixisada al-qushaash ee damaaciday meelo kamid ah deegaanka lasii xoojiyo si aysan mar danbe u hawaysaninba.

Ugudanbayna, madaxwaynaha ayaa mahadcelin balaadhan udiray ciidamada qaranka iyo ciidanka gaarka ah ee kusugan xuduudaha dalka guulihii ay kasoo hoyiyeen ladagaalanka argagixisada. Wuxuuna kubooriyay inay halkaa kasii wadaan wadaniyada difaaca iyo naf uhurida dalkooda.

Jigjiga (Cakaaranews) Arbaco 27ka April 2016. Kooxaha Manchester City iyo Real Madrid ayaa barbaro gool la’aan ah ku kala baxay kulankii lugta hore ee Etihad Stadium ka dhacay waxayna labada kooxood ku kala bixi doonaan kulanka lugta danbe ee Santiago Bernabue. Inkasta oo ay Real Madrid qaybtii danbe ee kulakan ay heshay fursado goolal cadaan ah loo fishay oo ay kala heleen Casemiro iyo pepe haddana goolhaye Joe Hart ayaa Sky Blues ka bad baadiyay in garoonkooda wax gool ah looga dhaliyo halka Navas uu dhamaadkii kualnkan badbaadiyay fursadii ugu halista badnayd ee City.

Manchester City ayaa Etihad Stadium ku soo dhawaysay Real Madrid kulanka lugta hore ee Champions Leaque-ga wareegiisa afar dhamaadka.Manchester City ayaa ku fikiraysay in ay ka faa iidaysato jamaahiirteeda iyo garoonkeeda waxayna maanka ku haysay culayska ay Santiago Bernabue kaga horeeya ee kulanka lugta labaad. Ugu danbayna waxay labada koxoodba isku mari waayeen barbaro 0-0 ah iyadoon wada sugi doono wareega lugta 2aad ee garoonka Real Madrid ee Santiago Bernabue.

.

Jigjiga( cakaaranews )Arbaco 27ka April 2016, Tababar kusaabsan aalada looyaqaano KEIZAN islamarkaana ah Aalad cusub oo kor loogu qaadayo nidaamka maaraynta qalabyada kala duwan ee dawlada ayaa maanta loo qabtay qaarkamaida shaqaalaha Xafiiska Adeega Shacabka iyo Horumarinta Cududa Shaqaalaha DDSI kaaso ka qabsoomay isla xafiiska.

Tababarkan oo uu soo agaasimay xafiiska tababarada iyo kor uqaadida xirfadaha TVET ayaa waxaa fulinayay macahadka KEIZAN eeJDFI (Ethiopia KEIZAN Institute). Wuxuuna mid lamid ahi tababarkan uu ka socdaa Kuliyada Macalimiinta DDSI.

Hadaba tababarkan ayaa waxaa shabakada cakaaranews uga waramay Gadh/Wadeenka G/S Kobcinta Awooda Fulineed ee Haayadaha Dawliga ah ee Xafiiska Adeega shacabka iyo Horumarinta Cududa Shaqaalaha DDSI mudane Cabdulaahi Muxumed Qaloonbi oo sheegay in tababarkani uu yahay mid muhiim u ah shaqaalaha xafiiska. Maadaama oo uu xafiisku u taaganyahay ka shaqaysiinta iyo hirgalinta barnaamij kasta oo ku aadan dhanka shaqada, shaqaalaha, iyo waliba qalabyada shaqooyinka Lagu fuliyo oo dhan. Wuxuuna intaa kudaray in baranaamijkan KEIZAN uu yahay barnaamij sahlaya dhanka habasami u isticmaalka qalabyada technolojiga, Documentiga archive-yada iyo waliba qalabyada kale ee  iska caadiga ah.

Wuxuuna agaasinku hadal kiisii kusoo gabagabeeyay in marka uu tababarku dhamaado ay guda galayaan sidii ay deegaanka uga hirgalin lahaayeen barnaamijkan cusub ee KEIZAN.

Jigjiga( Cakaaranews ) Khamiis, 28ka April 2016. Madaxwaynaha DDSI mudane Cabdi Maxamuud Cumar oo uu weheliyo madaxwayne kuxigeenka ahna wasiirka xafiiska hawlaha guud iyo horumarinta magaalooyinka dhismaha iyo warshadaha DDSI mudane Cabdixakiin Cigaal Cumar iyo waliba wasiirka ganacsiga iyo gaadiidka DDSI mudane Khadar Cabdi Ismaaciil ayaa gagida diyaaradaha caalamiga ah ee garaad wiil-waal duhurnimadii maanta si heer sare ah ugu soo dhaweeyay wafti uu hogaaminayo madaxwaynaha dawlad goboleedka jubba-land mudane Axmed Maxamed Islaan oo uu kamid yahay wasiirka boostada iyo isgaadhsiinta dawlada soomaaliya mudane Geele Jaamac.

Hadaba Waftigan oo booqasho deegaanka kusoo gaadhay ayaa waxaa socdaalkooda kuwehelinayay mudane Dr. Gurey Fidaariyagoo saaka kasoo kicitimay xarunta dalka ee adhisababa.

Kadibna, waftiga ayaa waxaa si toos ah loogu sii qaaday guryaha martida ee Qaryaan Dhoodaan. Halkaas oo uu kusoo dhaweeyay madaxwayne kuxigeenka ahna madaxa xarunta dhexe ee XDSHSI mudane Cabdicasiis Maxamed Cabdi iyadoo goobtaasna qado sharafeed loogu sii diyaariyay.

Adama(Cakaaranews) Khamiis 28ka April 2016. wadatashi uu soo agaasimay Wasaarada Adeega Shacabka iyo Horumarinta Cududa Shaqaalaha JDFI islamarkaana ujeedadiisu ahayd  sidii looga wada tashan lahaa Mashruuca qiimaynta iyo darajaynta Shaqada Ee Job and Evaluation Grade (JEG) iyo waliba daradar galinta shaqooyinka maamulka suuban oo ay kasoo qaybgaleen masuuliyiinta xafiisyada adeega shacabka iyo waliba agaasimada Geedisocodyada muhiimka ah ee maaraynta cududa shaqaalaha ee Fadaraalka, deegaanada Dalka iyo labada ismaamul magaalo ayaa maanta lagusoo gabagabeeyay Ayu International Hotel ee magaalada Adama ee Deegaanka Oromiya.

HadabaTababarkan oo socon doona mudo 3 cisho ah ayaa waxaa DDSI uga qaybgalay Gadh/Wadeenka G/S Muhiimka ah ee Kobcinta Awooda-fulineed ee Haayadaha Dawliga ah ee Xafiiska Adeega Shacabka iyo Horumarinta Cududa Shaqaalaha DDSI mudane Cabdulaahi Muxumd Qaloonbi iyo Gadh/Wadeenka G/S muhiimka ah ee Maaraynta cududa shaqaalaha ee Xafiiska Adeega Shacabka iyo Horumarinta Cududa Shaqaalaha DDSI mudane Maxamed Cabdikariim  oo sheegay in tababarkani yahay mid wada tashi ah oo ku aadan Mashruuca qiimaynta iyo darajaynta Shaqada Ee Job and Evaluation Grade (JEG)  islamarkaana lagu kala qaadanayo jihooyinkii looga hirgalin lahaa dhamaan haayadaha dawliga ah ee kajira JDFI. Waxayna intaa ku dareen in tababarkan ay kasoo qaybgaleen dhamaan agaasinada dhigooda ah ee xafiisyada dawlad deeganada dalka. Iyagoo  tilmaamay  in doorka kaga aadan ka deegaan ahaan ay soo bandhigeen islamarkaana ay diyaar u yihiin hirgalinta barnaamijkan sanadka soo socoda ee 2009 T.I.

ugudanbayna waxay xuseen in mashruucani uu dalka kasoo socday mudo 4 sono ah islamarkaana larabo in dhamaan dalka laga hirgaliyo. Waxayna carabka ku dhufteen in mashruucani uu leeyahay faa’iidooyin farabadan oo ay ka mid yihiin midaynta dhamaan mushaarka shaqaalaha dawliga ah ee shaqooyinka isku midka ah qabta (equal job equal payments),  iyo waliba in mashruucani uu midaynayo qaabdhismeedka shaqaalaha dalka oo dhan. Wuxuuna suurta galinayaa in darajooyinka iyo shaqooyinka isku midka ahi ay mushaar iskumid ah noqdaan. Iyo waliba in shaqo kasta ay yeelan doonto mushaar u dhigma shaqadaas.

Jigjiga(cakaaranews) khamiis, 28, April, 2016, Madaxwayne ku xigeenka ahna wasiirka waxbarashad  DDSI mudane Mawliid Haayir Xasan  ayaa kulan xafiiskiisa kula yeeshay gudoomiye yeesha Gobolada iyo Degmooyinka ee  gobolada Faafan iyo Siti waxayna kulankaasi ujeedadiisu ahayd sidii loo sii xoojin lahaa fahan buuxana looga siin lahaa maamulada  barnaamijka quutinta gudsiyada  oo ah mid ay dawlada deegaanka gaar ahaan xafiiska waxbarashadu fulinayo.

Waxaana kulankaasi ugu horayntii ka hadlay madaxwayne ku xigeenka DDSI ahna wasiirka waxbarashada DDSI mudane Mawliid Haayir Xasan oo ka warbixiyay ujeedooyinka iyo ahmiyada laga leeyahay barnaamijka quutinta caruurta dugsiyada waxka barata  wuxuuna tilmaamay madaxwayne ku xigeenku in loogu talagalay dugsiyada ku yaala meelaha ay abaaraha cimilada isbadashay keentay saamaysay gaar ahaana gobolka siti iyo faafan si uuna hal arday ah  uga habsaamin isguulka saamaynta abaarta darteed.  Wuxuuna  madaxwayne ku xigeenku maamulada gobolada iyo degmooyinka kula dar dar-daarmay  in ay fahan buuxa ka qaataan barnaamijkan si loogu fuliyo sidii  loogu talagalay.

Jigjiga( Cakaaranews ) Jamce, 29ka April 2016. Madaxwaynaha DDSI mudane Cabdi Maxamuud Cumar oo ay weheliyaan madaxwaynaha jubbaland mudane Axmed Maxamed Islaan iyo waftiguu hogaaminayay ayaa saaka booqasho indha-indhayn iyo khibrad wadaag isugu jirtay kugaadhay biyo-xidheenka qabalaha Waaji ee degmada koonfurta jigjiga ee dhawaantan xadhiga laga jaray oo buux dhaafsamay.

Madaxwayne Cabdi Maxamuud Cumar ayaana sheegay in biyo-xidheenkani kamid yahay 174 biyo-xidheen oo heer deegaan iyo heer degmo laga dhisay sanadkan oo intooda badan biyo galeen isagoo ilaahay uga mahadceliyay hirgalinta qorshaha guud ee xukuumada.

Dhanka kale, madaxwaynaha dawlad goboleedka jubbaland mudane Axmed Maxamed Islaan oo kahadlay qorshahan ayaa aad ugu hambalyeeyay xukuumada DDSI,XDSHSI iyo hogaaminta deegaanka heerarkooda kaladuwan oo ugu horeeyo madaxwayne CMC isagoo xusay in arintan ay kaqaateen khibrad wayn oo aysan horay ugu lahayn dhanka biyo-xidheenada maadaama uu deegaankoodu leeyahay togog iyo wabiyo kudara badda oo ay badduna dhanaan tahay. Wuxuuna intaa kudaray in biyo-xidheeno ay kasamaysan doonaan togoga iyo wabiyada kahor intaysan badda kudarin oo dhanka waraabka beeraha ay uga faaiidaysan doonaan.

Sidoo kale, Waftiga ayaa aad ugu bogay biyaha intaa le’eg ee laqabtay iyo tabta cilmiyaysan ee loo qabtay iyo waliba fikiradii iyo kartidii xalaasha ahayd ee kadanbaysay qorshahan.

Ugudanbayna, waftiga ayaa duhurnimadii soo hadh-galay guryaha martida ee qaryaan dhoodaan iyadoo uu roobab badani kadayaan xarunta deegaanka ee jigjiga iyo nawaaxigeeda.

Jigjiga( cakaaranews )Sabti 30ka April 2016,Madaxwaynaha DDSI mudane Cabdi Maxamuud Cumar oo ay wehelinayaan waftigii ka socday Dawlad Goboleedka Jubaland ee uu hogaominayay Madaxwaynaha Jubaland Mudane Axmed Maxamed Islaan, madaxwayne kuxigeenka DDSI ahna madaxa xarunta dhexe ee XDSHSI mudane Cabdicasiis Maxamed Cabdi iyo Masuuliyiin sar-sare oo labada dhinac ah ayaa duhurnimadii maanta si heer sare ah ugu soo dhaweeyay Gagida Diyaaradaha caalamiga ah ee Garaad Wiil-Waal Madaxwaynaha Dawlad Goboleedka Gal-mudug Mudane Cabdikariim Guuleed iyo wafti uu hogaaminayo.

Waftigan oo booqasho ku yimid xarunta deegaanka ee magaalada jigjiga iyagoo saaka kasoo kicitimay xarunta dalka ee adhisababa ayaa ugu horayn waxay indho indhayn ku sii mareen  Xarunta Madaxtooyada DDSI, kadibna waxaa si toosa loogu sii qaaday Guryaha Martida ee Qaryaan Dhoodaan. Halkaas oo qado sharafeed heer sare ah  loogu diyaariyay oo gaar ahaan madaxwaynayaashu si khaas ah ugu wada qadeeyeen.

Jigjiga( Cakaaranews ) Sabti, 30ka April 2016. Madaxwaynaha DDSI mudane Cabdi Maxamuud Cumar oo ay weheliyaan waftigii uu hogaaminayay madaxwaynaha Jubaland mudane Axmed Maxamed Islaan ayaa saaka socdaal indha-indhayn ah kusoo maray meelo kamid ah magaalada jigjiga ee xarunta deegaanka iyagoo kashaaheeyay muqaaxi shaah oo kutaala badhtamaha magaalada kana mid ah goobaha ay bulshadu isugu timaado si ay bulshada ula wadaagaan dareenkooda.

Kadibna waftiga guud oo uu hogaaminayo madaxwayne CMC ayaa booqday xarunta madaxtooyada ee DDSI iyagoo halkaa kusoo indha-indheeyay dhismayaasha kaladuwan ee sida casriga ah loo dhisay oo ay kamid yihiin xafiiska madaxwaynaha, guryaha kaladuwan ee martida, guryaha shirarka ee uu kamidka yahay hoolka shirarka waa wayn ee KALI.

Waftiga ayaana bogaadiyay horumarkan dhismayaasha kaladuwan ee sida casriga ah loo dhisay iyagoo sheegay inay khibrad balaadhan kaqaateen.

Ugudanbayna, waxaa la abaaray dhanka garoonka diyaaradaha si loo soo dhaweeyo wafti lasugayay oo uu hogaaminayay madaxwaynaha ismaamul goboleedka galmudug.

Jigjiga(cakaaranews) sabti, 30ka April, 2016 kulan uu soo diyaariyay xafiiska horumarinta khayraadka biyaha DDSI ayaa ka dhacay hoolka shirarka ee kuliyada maaraynta iyo adeega shacabka DDSI.   kulankaasi ayaa waxay ujeedadiisu ahayd  mid lagu kala qaadanayay cashiradii laga bartay hirgalinta qorshihii biyo xidheenada sanadkii 2008TI iyo sidii loogu diyaar garoobilahaa fulinta qorshaha biyo xidheenada 2009ka TI.

Kulankaa oo loo qabtay maamulada degmooyinka iyo gobolada DDSI ayaa waxaa furitaankiisii ka soo qaybgalay  masuuliyiin ay ka mid yihiin wasiirka horumarinta khayraadka biyaha DDSI murwo Fartuun  Mahadi Cabdi, wasiirka xafiiska maaliyada iyo horumarinta dhaqaalaha DDSI mudane Axmed cabdi Maxamed, wasiir ku xigeenka xafiiska madaxtooyada DDSI mudane Ibaahin Aadan mahad (Sacab) iyo wasiir ku xigeenka xafiiska biyaha mudane cabdiraxmaan curaagte.

Waxaana furitaankii kulankaasi ka hadashay wasiirka xafiiska horumarinta khayraadka biyaha DDSI marwo Fartuun Mahdi Cabdi oo ka warbixiyay qorshihii 2008da ee dhinaca biyo xidheenada guulaha laga soo hooyay iyo cashiradii laga qaatay fulinta qorshahaasi waxayna sheegtay wasiiradu in cilmigii iyo waayo aragnimadii laga bartay fulinta qorshihii hore lagu hirgalindoona qorshahan biyo xidheenada 2009TI.

Intii uu kulankani socday waxay booqdeen masuuliyiinta heer deegaan, maamulada degmooyinka iyo goboladu biyo xidheenka  waaji ee laga hirgaliyay  degmada koonfurta jigjiga halkaasi oo ay siwada jir ah tusaale   uga qaadanayeen.

Jigjiga( Cakaaranews ) Sabti, 30ka April 2016. Munaasabad si heer sare ah loo soo abaabulay oo lagu soo dhawaynayay wufuudii kasocotay dawlada soomaaliya oo ay kamid yihiin: wasiirka boostada iyo isgaadhsiinta dawlada soomaaliya mudane Maxamed Jaamac Mursal, madaxwaynaha ismaamulka Jubbaland mudane  Axmed Maxamed Islaan, madaxwaynaha dawlad goboleedka Galmudug mudane Cabdikariin Xuseen Guuleed iyo mas’uuliyiin kale oo wehelinaysay ayaa caawa kadhacday xarunta madaxtooyada DDSI.

Hadaba munaasabadan ayaa waxaa kasoo qaybgalay mas’uuliyiinta ugu saraysa xukuumada DDSI oo ugu horeeyo madaxwaynaha DDSI mudane Cabdi Maxamuud Cumar, dhamaan martida loo qabtay xafladan soo dhawaynta ah, hogaaminta sare ee xukuumada deegaanka, kabineega DDSI, maamulada gobolada iyo degmooyinka, heerarka kaladuwan ee shaqaalaha xafiisyada heer deegaan,heerarka kaladuwan ee bulshada sida:  odoyaal dhaqameedka deegaanka, hooyooyin, dhalinyaro iyo marti sharaf kale.

Waxaana ugu horayn lagu furay casho sharaf si heer sare ah loo soo diyaariyay oo uu madaxwaynuhu ufuray dhamaanba kasoo qaybgalayaasha munaasabadan. Kadibna, waxaa lagalay hoolka shirarka dhexe ee xarunta madaxtooyada iyadoo munaasabadii soo dhawayntu si habsami leh halkaa uga bilaabantay.

Kooxaha fanka iyo suugaanta deegaanka ayaana ugu horayn masraxa kusoo bandhigay heesihii iyo dhaantooyinkii hidaha iyo dhaqanka ee uu deegaanku caanka ku ahaa iyagoo runtii gil-gilay soona jiitay dareenka kasoo qaybgalayaasha munaasabadan.

Waxaana bilawgii furitaanka xafladan lagu soo dhaweeyay wasiirka boostada iyo isgaadhsiinta dawlada soomaaliya mudane Maxamed Jaamac Mursal oo sheegay inuu aad ugu farxay uguna riyaaqaynsoo dhawaynadii iyo booqashooyinkii kaladuwanaa isagoo runtii kamarkhaati kacay inaysan jirin cid haysata maanta  nabadgelyada deegaanka soomaalida kajirta iyo horumarka deg-dega ah ee uu deegaanku gaadhay oo mudan kudayasho. Wuxuuna kubooriyey xukuumada iyo shacabkaba inay sii adkeeyaan nabadgelyada ay haystaan waayo nabadgelyo-daro dhibaatada ay leedahay waxaa tusaale idiinku filan ayuu yidhi wasiirku, ‘‘soomaaliya’’. Wuxuuna mahadcelin balaadhan halkaa uga soo jeediyay dhamaanba xukuumada iyo shacabka DDSI oo uu ugu horeeyo madaxwayne CMC isagoo ugudanbayna xusay inuu khibrad wayn kakorodhsaday booqashaduu deegaanku kuyimid.

Sidoo kale, madaxwaynaha dawlad goboleedka jubbaland mudane Axmed Maxamed Islaan oo lagu soo dhaweeyay madasha shirka ayaa khudbad dhaxal-gal ah oo dhinacyo badan taabanaysa kasoo jeediyay goobtaasi isagoo kawarbixiyay dhibaatada nabadgelyo-daradu leedahay ee kamuuqata soomaaliya. Xusayna nabadgelyada  iyo horumarka kahanaqaaday deegaanka inay yihiin kuwo in lagaga daydo mudan oo ay markhaati kayihiin isagoo gaar ahaan carabka kudhuftay biyo-xidheenadii, dhismayaashii sida casriga ah loo dhisay iyo booqashadii magaalada jigjiga ay soo booqdeen iyagoo lug iyo baabuurba bilaa istaaf kusoo maray. Sheegayna inay khibrad wanaagsan kaqaateen waxyaabihii ay kusoo arkeen booqashooyinkii kaladuwanaa. Wuxuuna kacodsaday xukuumada iyo shacabka deegaankaba maadaama aan nahay dad walaalo ah oo daris ah laakiin kaladawlad ah inaan waxyaabo badan kacaawino. Madaxwaynaha ayaana hadalkiisii kusoo xidhay mahadnaq wayn oo uu usoo jeediyay xukuumada DDSI ee uu ugu horeeyo madaxwaynuhu isagoo heerarka kaladuwan ee bulshadana kubooriyay inay sii halkaa kasii wadaan wanaaga ay maanta haystaan ee aysan dib unoqon. Wuxuuna amaan gaar ah usoo jeediyay madaxwaynaha DDSI mudane Cabdi Maxamuud Cumar isagoo kubooriyay xukuumada iyo shacabkaba inay garabtaagnaadaan.

Sidoo kale, madaxwaynaha dawlad goboleedka galmudug mudane Cabdikariin Xuseen Guuleed ayaa kamahadceliyay xafladan soo dhawaynta qaaliga ah sheegayna inay tahay mid taariikhi ah oo uu aad ugu faraxsan yahay. Wuxuuna madaxwaynuhu si wayn ula dhacay nabadgelyada iyo horumarka uu ku arkay deegaanka oo uu sheegay inuusan marnaba sidan kafilanaynin isagoo kawarbixiyay nabadgelyodarada taala soomaaliya. Wuxuuna hadalkiisii kusoo xidhay inuu diyaar uyahay xalinta khilaafkii xuduuda labada dhinac.

Dhanka kale, madaxwaynaha DDSI mudane Cabdi Maxamuud Cumar oo soo xidhay xaflada ayaa ugu horayn soo dhaweeyay mas’uuliyiinta kasocotay dawlada soomaaliya isagoo sheegay inay faxad utahay in caawa munaasabadan la isugu yimaado sababtoo ah waa halgankii EPRDF ay qawmiyadaha itoobiya usoo gashay ee ay kudhalatay itoobiyada cusub ee maanta ee kudhisan danaha shacabka ee xiligii dhargiga madhici jirin ayuu yidhi in munaasabad noocan ah la isugu yimaado. Wuxuuna madaxwaynuhu intaa kudaray in dalka itoobiya uu tusaale u yahay wada noolaanshaha diimaha, dhaqanka, luuqadaha iyo jinsiga intaba iyo in diinta islaamku ay kusoo horaysay dalka itoobiya sida boqorkii caadilka ahaa ee Najaashi ee uu rasuulku (N.N.K.H)sheegay, muhaajiriintii usoo kicitimay itoobiya ee nabada lagu sooray iwm. Madaxwaynaha ayaana hadalkiisii kusoo xidhay in xukuumadiisa iyo shacabkiisuba ay hadh iyo habeen kago’antahay ladagaalanka argagixisada alqushaash iyo kuwa lamidka ah sababtoo ah waa xil, dhaqaale iyo siyaasad doon. Diintana waxba kama yaqaanaan ayuu yidhi isagoo xusay in heshiiska shacabka xuduuda labada dhinac iyo guud ahaanba garab istaaga iyo wada shaqaynta shacabka walaalaheen ah ee soomaaliya aan diyaar unahay. Waxaana tusaale cad u ah ciidamada Amisom-Ethiopia ee gudaha soomaaliya kuladagaalamaya cadawga shacabka soomaaliya ee alqushaash.

Jigjiga( Cakaaranews ) Axad, 1da may 2016. Heshiiskii kusaabsanaa dhanka xuduuda ee labada wadan ee Jamhuuriyada Dimoqraadiga Federalka Itoobiya  iyo dawlada fadaralka ah ee soomaaliya ayaa meel fiican maraya iyadoo wadahaladii labada dawladood kadib ay maanta kulan yeesheen madaxda dawlad deegaanada labada dhinac ee khaasatan xuduuda wadaaga madaxwaynaha DDSI mudane Cabdi Maxamuud Cumar iyo madaxwaynaha dawlad goboleedka Galmudug soomaaliya mudane Cabdikariin Xuseen Guuleed.

Hdaba, Heshiiskan oo ay goob-joog ka ahaayeen marti sharaftii dawlada soomaaliya kasocotay ee deegaanka booqashada kuyimid oo uu ugu horeeyo wasiirka boostada iyo isgaadhsiinta dawlada soomaaliya mudane Maxamed Jaamac Mursal, madaxwaynaha dawlad goboleedka jubbaland mudane Axmed Maxamed Islaan iyo hogaaminta dhinaca amniga ee deegaanka oo uu ugu horeeyo wasiirka nabadgelyada maamulka iyo cadaalada DDSI mudane Yaasiin Cabdi Waris iyo mas’uuliyiin kale ayaa guul midho dhal ah maraya iyadoo lafilayo inuu soo gabagaboobo maalinta bari ah ee inagu soo aadan.

Wixii kasoo baxana dib ayaan idiinka soo tabin doonaa.

Jigjiga ( Cakaaranews ) Axad 1da May 2016 Kooxda Arsenal ayaa guul muhiim ah garoonkeeda kagagaadhay kooxda Norwich City, waxaana Guushan Gunners u horseeday Danny Welbeck oo ciyaarta badal ku soo galay isaga oo markii uu Ciyaarta ku jiray saddex daqiiqo oo kaliya kooxdiisa ka dul qaaday culayska Norwich City ay ku Haysay.Jamaahiirta Arsenal ayaa kulankan soo bandhigay cadhada ay u hayaan Wenger waxayna si Wayn uga soo hor jeedsadeen joogitaanka Wenger ee Emirates Stadium.

Arsenal ayaa Emirates Stadium ku soo dhawaysay kooxda Norwich City oo u dagaalamaysa sidii ay Baaqi ugu sii ahaan lahayd Premier Leaque-ga, laakiin Arsenal ayaa sidoo kale maanka ku haysay In ay ka sii fogaato kooxda culayska ku soo haysa ee Manchester United oo kaalinta afaraad u Ordaysa.Arsenal ayaa kulankan ciyaaraysay iyada oo 64 dhibcood hore uga soo heshay 34 kulan oo Ay hore u soo ciyaartay waxayna shan dhibcood kahoraysay Manchester United oo kaalinta lixaad Ugu jirta 59 aad dhibcood inkasta oo ay West ham 59 dhibcood ku soo gashay kaalinta shanaad ka Hor kulanka Manchester United. Balse kooxda Red Devils ayaa wali hal kulan gacanta ku haysata Waana sababta ay Gunners walwalka udareemaysay. Arsenal ayaa sidoo kale doonaysay in ay Kaalinta saddexaad soo gasho si Manchester City ugu latar tanto kaalinta saddexaad sidaa Daraadeed kulankan ayaa ahaa kulan aad ugu muhiim ah tababaraha culaysku haysto isla markaana Jamaahiirtiisu ku mudaahaaraadaysay ee Arsene Wenger. Waxayna kulan ciyaartan ay ku Dhamaatay 1-0 oy guushu ku raacday kooxda arsenal.

Jigjiga( cakaaranews )Isniin 2da May 2016, Waxaa saaka si habsami leh uga furmay hoolka shirarka ee Xafiiska Madaxwaynaha kal-fadhigii 11aad ee Golaha Kabineega DDSI.

Hadaba kalfadhigan ayaa waxaa furay Madaxwaynaha DDSI mudane Cabdi Maxamuud Cumar Isagoo ajandayaashii kulankan oo ahaa:- Dagdag u dhamaystirida mashaariicaha waawayn ee kasocda heer deegaan ilaa heer degmo iyo dardar-galinta hawlaha waxbarashada soo hordhigay Golaha Kabineega DDSI.

Golaha Kabineega ayaana si wayn u falanqeeyay ajandayaasha shirkan iyadoo si durba loo dhameeyo mashaariicaha waawayn political leaders dardargaliya oo dabagala lagu kala qoray si mudo bil ka-yar loogu soo gaba-gabeeyo iyo in xooga lasaaro daradar-galinta, dabagalka, iyo hawlgalinta macalimiinta si looga midho dhaliyo qorshihii waxbarashada ee sanadkan.

Ugudanbayna kalfadhigan ayaa waxaa la iskula qaatay in wakhti gaaban gudihii lagaga midho dhaliyo ajandayaashii lasoo bandhigay.

Erar( cakaaranews ) Isniin 2da May 2016, Biyo-xidheen wayn oo laga dhisay centerka Casbuli ee degmada Erar ayaa buux dhaafay islamarkaana ay bilaabeen bulshadii aagaas dagnayd inay kafaa’iidaystaan kadib markii raxmadii roobku sifiican uga da’day aagaas.

Gudooiye Kuxigeenka Degmada Erar mudane Saacid Badal oo ay wehelinayaan Madaxa Arrimaha Xisbiga Degmada Erar Mudane Maxamed Dayib Daahir iyo Madaxa Xafiiska Beeraha Degmada Erar mudane Bashiir Xasan ayaa booqasho ku gaadhay goobta uu kuyaalo biyo xidheenku si ay u soo indho indheeyaan cadadka biyaha ah ee galay Biyo xidheenka.

Hadaba Gudoomiye kuxigeenka Degmada Erar mudane Saacid Badal oo uwaramay shabakada wararka ee cakaaranewsayaa sheegay in uu buuxsamay biyo xidheenkii laga dhisay centerka Casbuli ee degmda erar islamarkaana ay bilaabeen abaa-bulkii iyo wacyigalintii dadkii kafaa’iidaysanlahaa. Isagoo xusay in ay arkeen oo ay lakulmeen dad badan oo guda-galay abuurashada beeraha,

Ugudanabyna Gudoomiye kuxigeenka ayaa tilmaamay in shacabka kudhaqan degmada Erar ay uriyaaqeen sida loogu guulaystay hadafkii laga lahaa biyo xidheenka. Taas oo ahayd mid kamida wadooyinka loomarayo kamidho dhalinta qorshaha Kobaca iyo Isbadalka Dhaqaalaha wajigiisa 2^aad (GTP2)

Qabridahar ( Cakaaranews ) Isniin 2da May 2016 Jawaab celin deg deg ah oo xukuumada DDSI uga Talagashay dadka ay saameeyeen fatahaaduhu ee ku sugnaa agagaarka togaga iyo wabiyada ayaa saaka Qaybintii u horeysay laga bilaabay qabaleeyo kamid ah maamulka magaalada qabridahar iyo kuwo Degmada ahba.

Hadaba wasiirka xafiiska ka hortaga iyo u diyaar garowga masiibooyinka DDSI mudane maxamed Daahir ismaaciil oo u waramay warbaahinta deegaanka ayaa sheegay inay goobihii ugu horeeyay ay Gaadh siyeen gurmad isugu jira raashin bustayaal iyo teendhooyin wuxuuna wasiirku intaa ku daray inay Gaadhsiin doonaan dhamaan goobaha ay fatahaada togaga iyo kuwa wabigaba sameeyeen tanina aysan Ahayn midi ugu horeysey ee uu xafiisku qabto balse uu xafiisku kasoo qayb qaatay goobaha ay ka Dhaceen masiibooyinka dabiiciga ah .

Ugu danbayna waxa uu wasiirku sheegay  inuu xafiisku shaqadiisii haysto una taaganyahay sidii uu uga Jawaabi lahaa baahida bulshada deegaanka waxa uuna wasiirku xusay in qaybinta agabkan uu kala qayb Qaatay gudoomiyaha gobolka qoraxey mudane yuusuf aadan yuusuf iyagoo siwada jir ah uga bilabaay Xarunta gobolka qoraxey ee degmada qabridahar.