Hadhagaala(Cakaaranews) Axad 9ka July 2017.  Waxaa si rasmi ah ooga furmay Xarunta Caafimaadka Ee  Degmada Hadhagaala  ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada hadhagaale iyo nawaaxigeeda ee gobolka siti. Oo uu qorshuhu yahay in looga faaiideeyo 1200 oo qof.

Hadaba mid kamida hawlwadeenada adeegani ayaa sheegay in uu adeegani Bilaashka ah ee qaliinka iyo daawaynta indhaha ee caafimaadka DDSI uu ka bilaabmay degmada hadhagaala  islamarkaana looga faaiidayn doono 1200 oo qof oo isugu jira qaliin, daawayn iyo muraayado. Iyadoo wakhti xaadirkana lagu jiro tijaabadii hore ee qof walba sida uu wax ooga qabo lagu ogaanayay islamarkaana lagu  jiro adeegii qaliinkii. Waxuuna intaa ku daray inuu adeegan qaliinka iyo daawaynta indhaha bilaashka ah uu maalmahan kasii socon doono degmada hadhagaala ee gobolka siti.

Ugu danbayna waxaa dhankooda ka hadlay qaar kamid ah bulshada loo samaynayo adeegan qaliinka iyo daawaynta indhaha bilaashka ah ee degmada hadhagaala iyo nawaaxigeeda oo sheegay inay aad oogu faraxsanyihiin adeegan ay xukuumadu ufilisay. Waxayna intaa ku dareen inay aad oogu mahadsanyihiin XDSHSI iyo Xukuumada keentay adeegan qaliinka iyo daawaynta indhaha bilaashka ah.

Jigjiga(Cakaaranews) Axad 9ka July 2017. Waxaa ka dhacay magaalada jigjiga gaar ahaan hoolka shirarka ee kaali2 ee xarunta madaxtooyada DDSI kulan balaadhan oo lagaga hadlayay hirgalinta mashruuca biyo galinta maamulka magaalada jigjiga gaar ahaan halka uu marayo qorshe dhawaan la kala qaatay oo ahaa hirgalinta biyo galinta maamulka magaalada jigjiga.

Hadaba Kulankan oo uu hogaamiyay Madaxwaynaha DDSI mudane Cabdi Maxamuud Cumar ayaa waxaa ka soo qaybgalay masuuliyiinta xafiiska horumarinta khayraadka biyaha DDSI, masuuliyiinta maamulka magaalada jigjiga , maamulada xaafadaha mm jigjiga iyo qaybaha kala duwan ee bulshada ku dhaqan xaafadaha mm jigjiga. Waxaana ugu horayntii ka hadlay kulankaasi Madaxwaynaha DDSI mudane Cabdi Maxamuud Cumar oo sheegay in ujeedada kulanku tahay sidii loo eegilahaa halka uu marayo qorshaha biyo galinta maamulka magaalada jigjiga gaar ahaan qorshihii dhawaan kulankii kan ka horeeyay lagu kala qaatay oo ahaa in muddo kooban lagu soo gabagabeeyo biyo galinta caasiamda deegaanka ee jigjiga

Wuxuuna  Madaxwaynuhu intaa kudaray in hirgalinta qorshahani suurtagalinayso in dhamaan xaafadaha maamulka magaalada jigjiga guri ka guri loo galiyo qasabadaha biyaha taasi oo xalwaara u noqonaysa biyo yaraanta magaalada jigjiga. Isagoo madaxwaynuhu xusay in sikasta oo biyo lagu gaadhsiin karo magaalada jigjiga lawada gaadhsiinayo biyaha iyadoo loo marayo biyo galiniyo  biyo dhaamin balse aysan bulshadu marnaba biyo la aan noqonaynin inta ay ka imanayaan biyogalinta ka imanaya faafan oo xal waaara u noqon doona biyo yaraanta magaalada jigjiga

Dhankooda masuuliyiintii loo xilsaaray fulinta qorshaha biyo galinta maamulka magaalada jigjiga ayaa sheegay in ay meelfiican u marayso fulinta qorshaha biyo galinta maamulka magaalada jigjiga islamarkaana dhawaan la soo gabagabayndoono in guri kasta oo ku yaala xaafadaha magaalada jigjiga la galiyo qasabadaha biyaha. Qaybaha kala duwan ee bulshada ku dhaqan xaafadaha magaalada jigjiga ayaa siwayn u soo dhaweeyay qorshahan biyo galinta maamulka magaalada jigjiga waxayna siwayn ugu mahad naqeen hogaaminta xukuumada DDSI ee suurtagalisay in la fuliyo qorshaha biyo galinta maamulka magaalada jigjiga

Godey(Cakaaranews) Isniin 10ka July 2017. Tababar loo qabtay shaqaalaha cuntada ee schoolada quudinta leh ee gobolka shabeele islamarkaana ujeedadiisu ahayd sidii fahan buuxa looga siin lahaa nidaamka cunta karida iyo maamulkeeda ayaa lagusoo gabagabeeyay magaalada godey ee xarunta gobolka shabeele.

Hadaba khabiirka fuliyaha kormeerka tayada waxbarashada mudane Axmednuur Yuusuf oo kamid ah kooxda haysay tababarkan ayaa sheegay inuu ujeedada tababarkan yahay sidii shaqaalahan cuntada ee ka hawlgala schoolada quudinta leh ee gobolka shabeele fahan buuxa looga siin lahaa qaabka loo maamulo cunta karinta dugsiyada quudinta leh. Wuxuuna intaa ku daray in sidoo kale labarayo sidii fayadhowrka cuntada guud ahaan loo hagaajin lahaa looguna Karin lahaa nidaam caafimaad qab leh. Wuxuuna khabiirku kula dardaarmay tababar qaatayaasha in ay tababarkan ka dhaqan galiyaan dhamaan schoolada ay ka kala yimaadeen.

Ugu danbayna waxaa dhankooda ka hadlay qaar kamid ah tababar qaatayaasha oo sheegay inay waxbadan ka faaiideen tababarkan islamarkaana ay si fiican ooga dhaqan galin doonaan goobaha ay kala yimaadeen.

Godey(Cakaaranews) Isniin 10ka July 2017. Tababar kor loogu qaadayo garaadka siyaasadeed ee afhayeenada xidhibaanada baarlamaanka degmooyinka iyo maamul magaalooyinka deegaanka  ayaa ka furmay magaalada godey ee xarunta gobolka shabeele.

Hadaba tababar ayaa waxaa kasoo qaybgalay masuuliyiin sare oo heer deegaan ah oo uu ugu horeeyo afhayeenka golaha xildhibaanada baarlamanka ahna gudoomiyaha XDSHSI mudane Maxamedrashiid Isaaq, Madaxwayne kuxigeenka DDSI ahna Wasiirka xafiiska horumarinta beeraha iyo khayraadka dabiiciga ah marwo Sucaad Axmed Faarax, Wasiir kuxigeenka Xafiiska Maamulka DDSI mudane Deeq Cabdulaahi Buraale, Mas’uuliyiinta gobolka shabeele iyo kuwa mm ayaa waxaa ugu horayn furay afhayeenka golaha xildhibaanada baarlamanka ahna gudoomiyaha XDSHSI mudane Maxamedrashiid Isaaq oo sheegay inuu tababarkan yahay mid kor loogu qaadayo garaadka siyaasadeed ee  afhayeenada xidhibaanada degmooyinka iyo mm, si loo helo cudud tayo leh oo kamidha dhalisa horumarka la hiigsanayo.

Ugu danbayna wuxuu afhayeenku xusay intabarka uu halkaas kasii socon doono islamarkaana fahanbuuxa lagasiinayo xubnahan ku dhaqanka nidaamka tastuurka dalka iyo  awooda fulineed ee ay leeyihiin afheenada xildhibaanada baarlamanka degmooyinka iyo mm deegaanka. Wuxuuna afhayeenku intaa kudaray in uu XDSHSI dadaalo badan ugalay siduu kor oogu qaadilahaa garaadka aqooneed iyo midka siyaasadeed ee afhyeenada xildhibaanada baarlamanka degmooyinka iyo mm deegaanka.

Sikasataba ha ahaatee tababarkan  kor loogu qaadayo garaadka siyaasadeed ee afhayeenada xidhibaanada baarlamanka degmooyinka iyo maamul magaalooyinka deegaanka  ayaa socon doona mudo labo maalmood ah islamarkaana lagu bari doonaa cashiro la xidhiidha nidaamka federalismka iyo maamulka suuban.

Australia(Cakaaranews) Isniin 10ka July 2017.Waxaa gudoomiyaha jaaliyada Australia loo doortay mudane Axmed Xasan Dhalac oo ah xubin aqoon karti iyo waaya aragnimo leh islamarkaana shaqooyin fiican kasoo qabtay jaaliyada Australia. Wuxuuna gudoomiyaha iyo jaaliyadu  dhisa doonaan xubinhii kale ee ay jaaliyada kawada shaqayn lahaayeen.

Jigjiga(cakaaranews)Talaado 11ka July 2017. Kulan balaadhan oo uu soo agaasimay wakaalda dakhliga DDSI islamarkaana ay kasooqaybgaleen qaybaha kala duwan ee ganacsatada Deegaanku ayaa  sihabasami leh uga qabsoomay magaalada jigjiga.

kulankan ayaa wuxuu kusaaabsana sidii fahan buuxa looga siin lahaa dhamaan ganacsatada deegaanka nidaamyada cusub ee dakhliga ee bixinta canshuurta wakhtigeeda Iydoo laraacayo bayaanada cusub ee dakhliga ee kala ah bayaanka canshuurta dakhliga ee tirsigiisu yahay -983/2008 iyo bayaanka maamulka canshuurta ee isna tirsigiisu yahay 979/2008. Waxayna Bayaanadani qeexayaan inay isbadaleen bixinta canshuur sanadeedku.

Hadaba, kulankan ayaa waxaa kahadlay Maareeye kuxigeenka wakaalada dakhliga DDSI mudane Xasan Cali Xasan oo sheegay in isbadalka horumarineed ee deegaanku ay qayb wayn kaqaadanayso canshuur bixinta iyo dakhliga oo lasoo xareeyo  islamarkaana loo baahanyahay in ganacsatada iyo bulshaduba fahan buuxa kaqaataan nidaamka dakhliga iyo canshuur-bixinta.

Ugudanbayna ganacsatadii kazoo qaybgashay oo dareenkooda kahadlay ayaa sheegay in ay kulankani uu ahaa mid fahanbuuxa ay kaheleen dhanka bayaanada cusub iyo nidaamyada cusub ee canshuur bixinta. Waxayna tilmaameen inay raacayaan tilmaamaha lasiiyay islamarkaana ay dhaqan galinayaan.

Adhisababa (cakaaranews)Talaado 11da July 2017.Xukuumada DDSI ayaa Xaflad si heer sare ah loo soo agaasimay uqabatay ardayda ka qalinjabisay jaamacadaha magaalada adhisababa islamarkaana ay kasooqaybgaleen wasiirka xafiiska maamulka DDSI Mudane Cabdimahad Maxamed Cabaase, Wasiir-kuxigeenka Xafiiska Maamulka DDSI mudane Cabdiwali Xaaji Maxamed Dalmar, xildhibaano heer federal ah, waaldiintii ardayda iyo martisharaf kale.

Hadaba, xafladan ayaa waxaa ugu horayn khudbad muhiim ah ka soojeediyay Wasiirka Xafiiska Maamulka DDSI mudane Cabdimahad Maxamed Cabaase oo ugu horayn u hanbalyeeyay dhamaan ardayda ka qalinjabisay jaamacadaha magaalada adhisababa. Wuxuuna  sheegay wasiirku in sanadkan ardayda kaqalinjanisay jaamacadaha adhisababa ay dhan tahay 195 arday taasoo aad uga badan ardaydii ka qalinjabisay sanad hore. Sidookale wasiirka ayaa  hanbalyo u diray dhamaan ardayda faraha badan ee u dhalatay deegaanka ee kaqalinjabisay jaamacdaha dalka oo dhan. Wasiirka oo hadlkiisa sii wata ayaa xusay in cadowga koobaad ee deegaanku yahay saboolnimada  islamarkaana ay xukuumada deegaanku u guntaday sidii deegaanku uga bixilahaa saboolnimada islamarkaana xukuumada deegaanku ay dhigatay qorshayal kaladuwn oo ay kamid yihiin in lahelo cudud waxbaratay oo tayo leh.

Wuxuuna wasiirku kuladardaamay qalinjabiyayaasha in cilmiga ay barteen ay si fiican oo daacadnimo ah ugu adeegaan bulshadooda islamarkaana ay kafogaadaan musuqa, ninjeclaysiga iyo qabyaalada.

Dhankakale, ardaydii qalinjabisay  iyo waalidiintii kasooqaybagalay xafladan oo dareenkooda kahadlay  ayaa sheegay in ay aad ugu faraxsanayihii xaflada ay u qabatay xukuumada DDSI. Waxayna sheegin in xafladani ay ahayd mid ay aad ugu qiiroodeen sida qurxuxda badan ee ay xukuumadoodu u sharaftay. Waxayna balan qaadeen in culuumtii ay barteen ay si daacad ah oo wadaniyad ah ugu adeeganyaan bulshadooda.

Iskusoo wada duuboo, xafladan oo lagu soo bandhigay ciyaar dhqameedyo kaladuwan ayaa jawi wanagsan oo farxadi kudheehan tahay kusoo dhamaatay.

Hadhagaale(Cakaaranews) Arbaco 12ka July 2017. Waxaa lasoo gabagabeeyay ololihii qaliink iyo daawaynta indhaha oo ay Bulshada Kunool  Degmada hadhagaale iyo nawaaxigeeda Ee Gobolkani siti kasocdey, Kasoo bulshadu Kafaaiidaysanayeen adeegani qalniinka oo ay Bogaadiyeen Adeegani islamarkaana Juhdi Badan Ay Ku Bixisay Xukuumada Deegaanka sidii bulshada deegaanku u heli lahaayeen adeegan qaliinka iyo daawaynta indhaha ayaa Waxaa lasoo gabagebeeyay ololihii qalitaanka indhaha iyo daawaynta ee degmada hadhagaale iyo nawaaxigeeda ee  gobolka siti iyadoo maalmihii udanbeeyayba kasocday  adeegan bulshada loogu soo celinayo aragooda indhaha.

Hadaba Hogaamiyaha kooxdan wareegta ee qalitaanka indhaha mudane Cabdulaahi Xambali  ayaa sheegay in uu adeegani Bilaashka ah ee qaliinka iyo daawaynta indhaha lasoo gabagabeeyay  islamarkaana loo adeegay bulsha dhan  841 qof oo isugu jira 381 oo qof oo laga daaweeyay indhaha iyo 135 qof oo lagu sameeyay qaliin indhaha ah, halka 325 qofna lasiiyay muraayadaha indhaha, Wuxuuna intaa kudaray ay sidii loogu talagalay usoo gabagabeeyeen ololahan qaliinka iyo daawaynta indhaha. Uganasii gudbi doonaan degmada ma’eyso ee isla gobolka siti.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada hadhagaale iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha.

Jigjiga(cakaaranews)Arbaco 12ka July 2017. Si loo daba jaro shaqo la’aanta islamarkaana looga baxo saboolnimada ayaa xukuumada DDSI ay qaadatay qorshayaal kuwajahan shaqoabuurka dhalinyarada iyo waliba siinta lacago daymo ah dadka hayntoodu yartahay. Iyadoo maantana masuuliyiinta  Maamulka Magaalada Jigjiga oo uu horkacayo Kusimaha Maayorka ahna  Maareeha Guud ee Maamulka magaalada Jigjiga mudane Fadxi Shugri Axmed ay dhul balaadhan oo dhan 76 hector  kuwareejiyeen iskaashatooyin dhalinyaro ah oo kakooban 56 iskaashato.

Hadaba, Kusimaha Maayorka MMJ ahna Maareeha Guud ee Maamulka magaalada Jigjiga mudane Fadxi Shugri Axmed oo lahadlay warbaahinta deegaanka ayaa sheegay in maanta ay dhul  dhan 76 hictor kuwareejiyeen 56 iskaashato oo dhalinyaro ah. Kuwaasoo ahaa dhalinyartii xukuumada DDSI ay u samaysay shaqo abuurka. Wuxuuna intaa kudaray masuulku in iskaashatooyinkan dhalinyarta ahi isugu jiraan iskaashatooyinka  Beeraha, Naaxinta-xoolaha, Digaaga, iyo waliba iskaashatooyinka shinida Malabka.

Wuxuuna tilmaamay in dhalinyartan uu u rajaynayo inay noqdaan kuwo kafaaiidaysta dhulkan islamarkaana kamidho dhaliya noocyadan shaqo ee ay qabanayaan oo ay noqdaan kuwo anfaca naftooda iyo bulshadoodaba.

Dhankiisa wasiirka xafiiska dhalinyarda iyo ciyaaraha mudane cabdi Bile oo goobjoog ka ahaa dhulkan lagu wareejiyay dhalinyarada ayaa isna dhankiisa dhalinyarta iskaashatada ah u soojeediyay dardaaran. Isagoo seegay in dhalinyartani ay noqdaan kuwo ay kudaydaan dhalinyarta kale ee shaqo la,aanta ah islamarkaana ay layimaadaan shaqo iyo waxsoosaar kudayasho leh.

 Ugudanbayna, iskaashatooyinkii dhalinyarta ahaa oo dareenkooda kahadalay ayaa sheegay in ay aad ugu faraxsan yihiin shaqo abuurkan heerka sare ah ee ay xukuumada DDSI usamaysay waxayna u mahad celiyeen dhamaan heerarka kaladuwan ee xukuumada DDSI ee uu ugu horeeyo Madaxwaynaha DDSI mudane Cabdi Maxamuud Cumar.

Jigjiga(Cakaaranews) Arbaco 12ka July 2017.Waxaa maanta si rasmi ah  uga furmay madasha shirarka ee qaryaan dhoodaan kal-fadhigii 5,aad ee golaha 5,aad ee xildhibaanada DDSI.

Hadaba kal-fadhigan 5aad ee golaha 5aad ee xildhibaanada DDSI ayaa waxaa ugu horayn furay afhayeenka golaha xildhibaanada ahna gudoomiyaha XDSHSI mudane Maxamedrashiid Isaaq oo xaqiijintii tirada kooramka xildhibaanada kadib soo bandhigay anjandayaasha iyo bayaanada horyaala kal-fadhigan 5aad ee golaha 5aad ee xildhibaanada DDSI, kuwaasi oo ay ka mid ahaayeen anjandaha hadal qoraalkii kal-fadhigii 4aad, ansaxinta warbixinta waxqabadka golaha xildhibaanada DDSI ee sanad miisaaniyeedka 2009TI, ansaxinta warbixinta waxqabadka xukuumada DDSI ee sanad miisaaniyeedka 2009ti, warbixinta waxqabadka hantidhawrka guud ee DDSI ee sanadka 2009TI, iyo warbixinta waxqabadka maxkamada guud ee DDSI ee sanadka 2009ti.

Sidoo kale waxa uu afhayeenku sheegay in ay kal-fadhigan 5aad horyaalaan bayaano door ah oo ay ka mid yihiin ansaxinta bayaanka miisaaniyada dheeriga ah ee sanadka 2009ti, ansaxinta bayaanka miisaaniyada guud ee sanad miisaaniyeedka 2010ti, ansaxinta bayaanka dib loo habeeyay ee xafiiska ganacsiga , gaadiidka iyo warshadaha DDSI, ansaxinta bayaanka aas aaska shirkada horumarinta shaqo abuurka ee tabac iyo maal,ansaxinta bayaanka aas aaska shirkada horumarinta iyo suuqgaynta xoolaha DDSI. Kal-fadhigan oo maanta furmay ayaa sii socondoona maalmaha soo socda iyada oo anjandayaashan iyo bayaanadan si qoto dheer ay uga doodidoonaan xubanaha golaha xildhibaanada DDSI.

Jigjiga(cakaaranews)Khamiis, 13ka, July 2017.Tababar ay si wada jir ah usoo agaasimeen xafiiska waxbarashada DDSI iyo hay’ada Save the children oo taageero lacageed kahelaya Hay’ada USAID oo kaashanaysa mashruuca READ TA iyo Research Triangle Institute(RTI) ayaa tababarka tababarayaasha u qabtay qaar kamid ah macalimiinta deegaanka. kaasoo si habsami leh uga bilowday xarunta deegaanka ee magaalada jigjiga, iyo waliba magaalada dhagaxbuur ee xarunta Gobolka jarar.

Tababarkan ayaa waxaa kasooqaybgalay macalimiin laga soo kalaxulay dhamaan degmooyinka gobolada deegaanka kuwaasoo tiradoodu dhantahay 350 macalin oo loogu talagalay inay qaaataan tababarka tababaranimo ee macalimiinta luuqada afka soomaaliga.

Hadaba, tababarkan ayaa waxaa ugu horayn kawarbixiyay wasiirka xafiiska waxbarashada DDSI mudane Ibraahim Aadan Mahad oo sheegay in tababarkani uu kabilawday magaalada jigjiga iyo waliba magaalada dhagaxbuur islamarkaana macalimiinta kasooqaybgashay labada tababar ay dhanyihiin 350  macalin. Wuxuuna intaa kudaray wasiirku in magaalada dhagaxbuur ay tababarka kuqaadanayaan 170 macalin oo lagsoo kala xulay degmooyinka gobolada kala ah Jarar, Qoraxey, Shabeele, Afdheer, Doolo iyo Nogob meesha sidookalana ay magaalada jigjiga tababarka kuqaadanayaan macalimiinta laga soo kala xulay degmooyinka Gobolada Faafan, Siti, Dhaawa, liibaan iyo Erer. Wasiirka oo hadalkiisa sii wata ayaa xusay intababarkan ay iska kaashadeen xafiiska waxbarashada DDSI, hay,ada Save The Childeren oo taageero lacageed kahelaya mashruuca READ TA iyo waliba Hay’ada USAID. Wuxuna tilmaamay wasiirku in ujeedada tababarkani yahay kor uqaadida barashada iyo nidaamka baris barasho ee luuqada afka hooyo ee dhamaan macalimiinta luuqada afka soomaaliga iyo ardayda dugsiyada ee fasalada 5aad ilaa 8aad.

Sidookale, Gadh-wadeenka Geedisocodka Horumarinta Maclimiinta iyo Hogaaminta waxbarashada mudane Farxaan Cabdi Makhtal oo isna dhankiisa kahadlay ayaa sheegay in tababarkani yahay Training of Trainers (TOT) tababarka tababarayaasha macalimiinta luuqada afka hooyo ee fasalada 5aad ilaa 8aad, kaasoo dhamaan macaliinta afka soomaaliga ay sii tababari doonaan kadib markii ay macalimiintani qaataan tababarkan. Wuxuuna xusay in tababarkani uu soconayo mudo 10 cisho ah kadibna loo diyaar garoobi doono tababaradii ay sii qabanlahaayeen tababarayaashu ee dhamaan gobolada deegaanka. wuxuuna kuladardaarmay macalimiinta in inta uu tababarku socdo ay casharada siffican uqataan  wakhtiga iyo nidaamkana ilaaliyaan.

Ugudanbayna, macalimiintii kasooqaybgashay tababarkan tababaranimo ayaa sheegay in ay aad ugu faraxsan yihiin islamarkaana ay sifiican uga faa'iidaysanayaan inta uu socdo tababarku. Waxayna tilmaameen inay casharada ay bartaan usii gudbinayaan macalimiintii kale ee loogu talagalay sida ugu wanaagsan.

Jigjiga(Cakaaranews) Khamiis 13ka July 2017. waxaa  xarunta deegaanka ee magaalada jigjiga lagusoo gabagabeeyay kal-fadhigii 5,aad ee golaha 5,aad ee xildhibaanada DDSI oo mudo labo maalmood ah kasocdey hoolka shirarka ee qaryaan dhoodaan.

Hadaba kal-fadhigan 5aad ee golaha 5aad ee xildhibaanada DDSI oo uu hogaaminayay afhayeenka golaha xildhibaanada ahna gudoomiyaha XDSHSI mudane Maxamedrashiid Isaaq ayaa waxaa lagusoo jeediyay islamarkaana lagu ansixiyay ajandayaashii golaha 5aad ee kal-fadhiga 5aad ee xildhibaanada DDSI horyaalay oo ay kamid ahaayeen ansixinta hadal qoraalkii kal-fadhigii 4aad, warbixinta waxqabadka golaha xildhibaanada DDSI, Warbixinta waxqabadka xafiiska maamulka DDSI, Warbixinta waxqabadka maxkamada guud ee DDSI,  Warbixinta waxqabadka hatidhawrka guud ee DDSI iyadoo guud ahaanba uu goluhu codbuuxa ku ansixiyay dhamaan ajandayaasha kalfadhigan.

Sidoo kalana waxay golaha xildhibaanada DDSI ay codbuuxa ku ansixiyeen miisaaniyada guud ee sanad miisaaniyadeedka 2010TI ee deegaanka oo cadadkeedu dhan yahay 15,305,930,020(shan iyo toban bilyan sadex boqol iyo shan milyan,  sagaal boqol iyo sodon kun iyo labaatan birr).

Sikastaba ha ahaatee kal-fadhigan 5aad ee golaha 5aad ee xildhibaanada DDSI ayaa waxaa lagu ansixiyay bayaano kale oo si xeel dheer oo cilmiyeysan loogu suntay qorshe bulshada deegaanka loogu abuurayo shaqooyin saboolnimada lagaga saarayo.

jigjiga(cakaaranews) Khamiis 13ka, July 2017.waxaa ka furmay magaalada jigjiga tababar uu soo diyaariyay xafiiska cafimaadka DDSI oo ku saabsanaa diyaarinta iyo fulinta qorshayaasha adeega caafimaadka taasi oo laga duulayo barnaamijka halbeega waxqabadka isku dheelitiran ee afka qalaad lagu yidhaahdo Balanced Score Card (BSC) ee dhinaca adeega caafimaadka, waxaana loo qabtay dhamaan madax xafiiseedyada caafimaadka degmooyinka, maamulka magaalooyinka, maareeyayaasha xarumaha caafimaadka degmooyinka iyo maamul magaaloyinka DDSI.

Hadaba, tababarkan ayaa waxaa furitaankiisii ugu horayn ka hadlay Wasiirka xafiiska Caafimaadka DDSI mudane Xasan Ismaaciil Cali oo ka warbixiyay ahmiyada iyo ujeedooyinka tababarkan islamarkaana tilmaamay in in hirgalinta iyo kudhaqmida barnaamijkan BSC uu yahay mid lagamamaarmaan ah faaiido badana uleh dhanka adeeg bixinta adeegyada caafimaadka.

wasiirka ayaa intaasi ku daray in barnaamijka halbeega waxqabadka isku dheeli tiran yahay mid suurta galinaya ka guul gaadhida qorshayaasha adeega caafimaadka gaar ahaan adeega caafimaadka la gaadhsiinayo bulshada ee ay bixiyaan xarumaha caafimaadka deegaanku. Wuxuuna  ku booriyay kaqaybgalayaashii tababarkan in ay ka faaiidaystaan, fahan buuxana ka qaataan mudada uu tababarkani socdo si looga guul gaadho ujeedooyinka qorshayaasha caafimaadka.

Ugudanbayna kaqaybgalayaashii tababarka oo dareenkooda kahadlay ayaa sheegay in ay sifiican uga faaiidaysanayaan islamarkaana ay ka dhaqangalainayaan goobihii iyo xarumihii ay kakalayimaadeen.

Jigjiga (Cakaaranews) Jumce 14ka July 2017. Madaxwaynaha DDSI mudane Cabdi Maxamuud Cumar ayaa gagida diyaaradaha caalamiga ah ee garaad wiilwaal kusoo dhaweeyay marwada 1aad ee dalka marwo Roman Tesfaye.

Hadaba booqashada socdaalka marwada 1aad  ayaa ujeedadiisu yahay islamarkaana ay ka qaybqaadanaysaa  daahfurka mashruuca barnaamijka 2aad ee nafaqada heer qaran iyo 1000ka maalmood ee nolosha bina ,aadamka ugu horaysa. waxayna soo dhawayn kadib waftigu usoo kicitameen dhanka xarunta deegaanka ee magaalada jigjiga.

Jigjiga(cakaaranews) jumce,14ka July , 2017. Xafiiska waxbarashada DDSI ayaa maanta u qaybiyay gaadiidka  mootooyinka ee loo yaqaano zuzukida u qaybiyay 28 degmo oo ka mid ah degmooyinka deegaanka gaar ahaan xafiisyada waxbarashada degmooyinkaasi.

Haddaba, wasiirka xafiiska waxbarashada DDSI mudane Ibraahin Aadan Mahad oo goobtan  lagula kala wareegayay gaadiidkan ugu waramay warbaahinta deegaanka ayaa ka warbixiyay ujeedooyinka loo siinayo degmooyinka iyo shaqooyinka lagu qabanayo mootooyinkan wasiirka ayaa sheegay in 28ka mooto lagu wareejinayo masuuliyiinta ka socoto 28 degmo oo ah kuwa  uu ka  hawlago mashruuca loo yaqaano wash one program. Wasiirka oo hadalkiisa sii wata ayaa masuuliyiinta mootooyinka lagu wareejinayay kula dar-daarmay in gaadiidkan xilwayn iska saaraan ilaalintiisa iyo daryeelkooda islamarkaana u adeegsadaan oo kaliya shaqadii loogu talagalay si ay uga midho dhaliyaan shaqooyinka loogu talagalay u adeegsiga gaadiidkan.

Ugu danbayntiina masuuliyiinta ka socday degmooyinka ee lagu wareejiyay mootooyinkan ayaa sheegay in ay gaadiidkani kaalin mug leh ka qaadanayaan dar-dargalinta shaqooyinka ku saabsan dhinaca adeega waxbarashada waxayna  balan qaateen  in ay sidii loogu talagalay u ilaalinayaan daryeelka  gaadiidkan.

Ma,eyso(Cakaaranews) Sabti 15ka July 2017. Waxaa si rasmi ah ooga furmay Xarunta Caafimaadka Ee  Degmada ma,eyso  ee gobolka siti ololihii Daawayntii Iyo Qaliinkii Indhaha bilaashka ahaa Oo Ay Kafaa,iidaysanayaan shacabka Degmada ma,eyso iyo nawaaxigeeda ee gobolka siti. Oo uu qorshuhu yahay in looga faaiideeyo dhamaanba bulshada ku dhaqan nawaaxigaas ee wax ka qaba indhaha.

Hadaba Hogaamiyaha kooxdan wareegta ee qalitaanka indhaha mudane Cabdulaahi Xambali  ayaa sheegay in uu adeegani Bilaashka ah ee qaliinka iyo daawaynta indhaha ee caafimaadka DDSI uu ka bilaabmay degmada ma,eyso  islamarkaana looga faaiidayn doono bulsha aad tira badan oo isugu jira qaliin, daawayn iyo muraayado. Iyadoo wakhti xaadirkana lagu jiro tijaabadii hore ee qof walba sida uu wax ooga qabo lagu ogaan lahaa. Waxuuna intaa ku daray inuu adeegan qaliinka iyo daawaynta indhaha bilaashka ah uu maalmahan kasii socon doono degmada ma,eyso ee gobolka siti.

Ugu danbayna waxaa dhankooda ka hadlay qaar kamid ah bulshada loo samaynayo adeegan qaliinka iyo daawaynta indhaha bilaashka ah ee degmada ma,eyso iyo nawaaxigeeda oo sheegay inay aad oogu faraxsanyihiin adeegan ay xukuumadu ufilisay. Waxayna intaa ku dareen inay aad oogu mahadsanyihiin XDSHSI iyo Xukuumada keentay adeegan qaliinka iyo daawaynta indhaha bilaashka ah.

Jigjiga(Cakaaranews) Sabti 15ka July 2017. Munaasabad balaadhan oo si qurux badan loo soo agaasimay oo lagu daah-furayay barnaamijka xaqiijinta nafaqada caruurta ee 1000ka maalmood ee nolosha bini-aadamka ugu horaysa ayaa ka dhacday caasimada jigjiga gaar ahaan hoolka shirarka ee kaali2.

Hadaba Munaasabadan oo ah mid heer qaran ayaa waxaa ka soo qaybgalay mas’uuliyiinta ugu saraysa xukuumada DDSI oo ay ka mid yihiin madaxwaynaha DDSI mudane Cabdi Maxamuud Cumar, madaxwayne ku xigeenka DDSI ahna wasiirka horumarinta beeraha iyo khayraadka dabiiciga ah ee DDSI marwo Sucaad Axmaed Faarax, masuuliyiinta heer federaal ah oo ay hogaaminasay marwada 1aad ee dalka marwo Roman Tesfaye iyo marti sharaf kale.

Waxaana ugu horayntii ka hadlay munaasabadan daah-furka ah Madaxwaynaha DDSI mudane Cabdi Maxamuud Cumar oo salaan kadib ka warbixiyay dhibaatooyinka ka jiray dhinaca nafaqada caruurta kaasi oo sababi jiray dhimasho badan oo soo food saarta dhalaanka. madaxwaynaha ayaana sheegay ka dib markii ay JDFI iyo deegaanada dalku sanadihii ugu danbeeyay dajisteen jihooyin iyo istaraatiijiyado lagu xaqiijinayo nafaqada caruurta uu guulo wax ku aal ah laga soo hooyay barnaamijka 2aad ee naqafaqada caruurta 1000ka maalmood ee ugu horaysa nolosha aadamaha iyo guud ahaan cudurada faafa.

Wuxuuna  Madaxwaynuhu xusay  dadaalka ay xukuumada DDSI ugu jirto sidii loo taaba galin lahaa guud ahaanba adeegyada caafimaadka ee DDSI taasi oo xooga lagu saarayo soo saaritaanka bulsho caafimaad qabta. Madaxwaynaha ayaa intaa kudaray in xukuumada DDSI ay sii dar-dargalinayso sii xoojinta iyo joogtaynta dadaalka lagu xaqiijinayo barmaamijka nafaqaynta kunka maalmood ee ugu horaysa nolosha aadamaha.

Dhankeeda marwada 1aad ee dalkeena itoobiya marwo Roman tesfaye oo ka hadashay furitaankii munaasabadan ayaa ugu horayntii si qoto dheer ugu mahad naqday mas’uuliyiinta xukuumada DDSI sida diiran ee loogu soo dhaweeyay deegaanka iyo marti galinta barmaamijkan nafaqada kunka maalmood ee ugu horaysa nolosha aadamaha. ayaa sheegtay in guud ahaana dalkeena itoobiya fiiro gaar ah la siiyay sidii kor loogu qaadilahaa barnaamijka nafaqada 1000ka maalmeed ee ugu horaysa nolosha aadamaha marwada ayaa tilmaantay in deegaanka soomalida itoobiya ka mid yahay deegaanada guulaha waawayn ka soo hooyay xaqiijinta barnaamijkan nafaqada iyo guud ahaanba adeegyada caafimaadka gaar ahaan kuwa Intii ay socoday munaasabadani waxaa lagu soo bandhigay warbixino ku salaysan soonyaalkii taariikheed ee barnaamijka nafaqada kunka maalmood oo ugu horaysa noloshada aadamaha dhibaatooyinkii caafimaad ee uu ku hayn jiray caruurta dalkeena wakhtiyadii hore iyo guulaha maanta laga soo hooyay xaqiijintiisa iyo waliba jihooyinka lagu soo joogtaynayo.

Ugu danbayntii waxay marwada 1aad ee dalku gudoonsiiyay madaxwaynaha DDSI Mudane Cabdi Maxamuud Cumar shahaado sharaf ah muujinaysa guulaha ay xukuumada DDSI ka soo hooysay xaqiijinta nafaqada kunka maalmood ee nolosha aadamaha ugu horaysa taasi oo tilmaamasay in uu madaxwaynaha DDSI mudane cabdi maxamuud cumar noqday safiirka nafaqada deegaanka.

Ma,eyso(Cakaaranews) Axad 16ka July 2017. Waxaa lasoo gabagabeeyay ololihii qaliink iyo daawaynta indhaha oo ay Bulshada Kunool  Degmada ma,eyso  iyo nawaaxigeeda Ee Gobolkani siti kasocdey, Kasoo bulshadu Kafaaiidaysanayeen adeegani qalniinka oo ay Bogaadiyeen islamarkaana Juhdi Badan Ay Ku Bixisay Xukuumada Deegaanka sidii bulshada deegaanku u heli lahaayeen adeegan qaliinka iyo daawaynta indhaha bilaashka ah ayaa Waxaa lasoo gabagebeeyay ololihii qalitaanka indhaha iyo daawaynta ee degmada ma,eyso iyo nawaaxigeeda ee  gobolka siti iyadoo maalmihii udanbeeyayba kasocday  adeegan bulshada loogu soo celinayo aragooda indhaha.

Hadaba Hogaamiyaha kooxdan wareegta ee qalitaanka indhaha mudane Cabdulaahi Xambali  ayaa sheegay in uu adeegani Bilaashka ah ee qaliinka iyo daawaynta indhaha lasoo gabagabeeyay  islamarkaana loo adeegay bulsha dhan 715 qof oo isugu jira 313 oo qof oo laga daaweeyay indhaha iyo 121 qof oo lagu sameeyay qaliin indhaha ah, halka 281 qofna lasiiyay muraayadaha indhaha, Wuxuuna intaa kudaray ay sidii loogu talagalay usoo gabagabeeyeen ololahan qaliinka iyo daawaynta indhaha. Uganasii gudbi doonaan degmada afdem ee isla gobolka siti.

Ugudanbayna waxaa dhankooda ka hadlay qaar kamid bulshada aragooda dib uhelay ee ku dhaqan degmada ma,eyso  iyo naawaaxigeeda oo u waramay warbaahinta deegaanka ayaa sheegay inay aad oogu faraxsanyihiin qalitaankan iyo daawaynta indhaha loo sameeyay islamarkaana bogaadiyay howshan caafimaad ee ay bulshadu dib oogu helayaan aragooda indho. Waxayna aad oogu mahad celiyeen xukuumada DDSI oo runtii dadaal dheer ugashay siday bulshada deegaanku uheli lahaayeen aragooda indhaha.

Leeyi(Cakaaranews) Isniin 17ka July 2017.Ciidanka gaarka ah ee DDSI ayaa sanadahii ugu danbeeyay ka shaqaynayay horumarka deegaanka kadib markay meel saaraan cadowgii shabacabka nabadiidka ahaa ee ubbo islamarkaana bilaabay inay ka shaqeeyaan horumarka qaybihiisa kala duwan sida jidadka, Daawaynta xoolaha iyo qodida baaragaha.

Hadaba ciidanka gaarka ah ee deegaanka ayaa deeq raashin ah oo isugu jira raashinka noocyadiisa kaladuwan, daawada dadka iyo ta xoolaha gaadhsiiyay bulshada ku dhaqan degmooyinka iyo tuulooyinka gobolka dhaawa.

Mas’uuliyiinta ciidanka gaarka ah ee liyuu boliceka ee waday deeqdan raashinka ah ayaa sheegay inay maalmihii ugu danbeeyay ay deeqdan raashinka ah ka qaybinayeen degmooyinka gobolka dhaawa sida hudhat iyo mooyaale islamarkaana ay deeqadn ka koobantahay raashinka noocyadiisa kaladuwan, daawada dadka iyo ta duunyada. Wuxayna mas’uuliyiinta ciidanka gaarka ah deegaanka ee qaybinayay raashinkan intaa ku dareen in ay raashinka ku bixinayaan sida bulashadu u kala taagdarantaahay iyagoo mudnaanta siinaya dadka da,da ah. Sidoo kale waxay mas;uuliyiintu intaa ,u dareen inay deeqdan raashinka ah wada gaadhsiin doonaan dhamaan degmooyinka iyo tuulooyinka hoos yimaada gobolka dhaawa.

Dhanka kale waxaa iyana dhankooda ka hadlay qaar kamid ah bulshada ku dhaqan degmooyinka iyo tuulooyinka gobolka dhaawa ee la gaadhsiiyay deeqdan raashinka ah oo sheegay inay aad oogu faraxsanyihiin deeqdan raashinka ah ee uu ciidinka liyuu boliceku soo gaadhsiiyeen, islamarkaana ay bogaadiyeen deeqdan raashinka iyo daawada isugu jira ee ciidanku deegaanku mushaarkiisa kasoo jaray.

Sikastaba ha ahaatee deeqda ay ciidanka gaarka ah ee deegaanku gaadhsiiyeen bulashada deegaanka ayaan ahayn midi ugu horaysay balse marar badan kasoo qaybiyeen gobolada deegaanka uu ka koobanyahay islamarkaana ay sii gaadhsiin doonaan goobaha kale ee udhiman.

Jigjiga,(cakaaranews), Isniin, 17ka , July, 2017. Waxaa lagu soo gabagabeeyay magaalada jigjiga tababar  socday mddo 45 maalmood ah oo  ku saabsan sida loo cilad bixiyo matoorada ceelasha biya kaasi oo  soo diyaariyay xafiiska tababarada xirfadaha iyo farsamada DDSI.

Haddaba, tababarkan oo loo qabtay 70 xubnood oo laga soo kala xulay dhamaan degmooyinka deegaanka gaar ahaan goobaha laga hirgaliyay mashaariicaha ceelasha biyaha DDSI  ayaa waxaa soo xidhitaankiisii ka soo qaybgalay masuuliyiin heer deegaan ah oo ay ka mid yihiin wasiir ku xigeenka xafiiska xirfadaha tababarada iyo farsamada DDSI mudane Cabdirisaaq Saxane Cilmi, wasiirka dhaqanka iyo dalxiiska DDSI mudane Baashe cabdi ismaaciil iyo maareeye ku xigeenka wakaalada jidadka DDSI mudane  Cabdilaahi maxamed cabdi.

Waxaana, ka hadlay xidhitaankii tababarkan wasiir ku xigeenka tababarada xirfadaha iyo farsamada DDSI mudane Cabdirisaaq Saxane Cilmi oo ka warbixiyay ahmiyada iyo ujeedooyinka tababarkan isaga oo sheegay  dadaalka xoogan ee ay xukuumada DDSI ugu jirto sidii  shacabka deegaanka looga xaqab tirilahaa helidaanka biyaha nadiifta ah taasi oo guud ahaanba deegaanka laga hirgaliyay mashaariicaha biyaha gaar ahaan ceelasha dhaadheer(riigaga)  islamarkaana loo baahan yahay in aan la arag ceel biyood aan shaqaynayn, wasiir ku xigeenka ayaa sheegay in uu tababarkani yahay mid ku salaysan sidii meesha looga  saarilahaa  ciladaha ku yimaada matoorada ceelasha wuxuuna ku booriyay wasiir ku xigeenku xubahan qaatay tababarkan in ay ka midho dhaliyaan ujeedooyinka iyo ahmiyada laga lahaa tababarkan,

Qaarka mid ah xubnahan  tababarkan  loo soo xidhayay oo dhankooda la hadlay warbaahinta deegaanka ayaa sheegay in mudadii uu socday tababarku fahan buuxa ka qaateen nidaamka loo cilad bixiyo matoorada ceelasha waxayna balan qaateen in ay sidii loogu talagalay u fulinayaan casharadii ay ka barteen mudadii uu socday tababarku. Ugu danbayntii wasiir ku xigeenka xafiiska tababarada xirfadaha iyo farsamooyinka DDSI mudane cabdirisaaq saxane ayaa gudoonsiiyay xubnahan  qaatay tababarka shahaadooyin ka turjimaya xirfadii ay barteen mudadii uu socday tababarku.