Jigjiga(Cakaaranews) Sabti 29ka April 2017. Maalqabeenka wayn ee dalkeena itoobiya mudane Sheekh Maxamed Xuseen Cali Alaamudiin ayaa deegaanka soo gaadhsiiyay deeq iskugu jirta raashin iyo calafka xoolaha oo uu ugu deeqay bulshada abaaruhu saameeyeen ee DDSI.

Haddaba. Deeqdan oo lagu wareejiyay masuuliyiinta xafiiska ka hortaga iyo u diyaargarowga masiibooyinka DDSI ayaa waxaa goobtii lagula kala wareegayay goob joog ka haa madaxwaynaha DDSI mudane Cabdi Maxamuud Cumar oo si wayn ugu mahad celiyay Sheekh Maxamed Xuseen Cali Alaamudiin madaxwaynaha ayaana sheegay in uu kaalin lama ilaawaanka ka gaystay sheekhu gar-gaarka la gaadhsiinayo bulshada abaaruhu saameeyeen ee DDSI, Wuxuuna madaxwaynuhu intaa ku daray  in deeqdan uu sheekhu ugu deeqay shacabka abaaruhu saameeyeen ee DDSI ay timaaday xili aad loogu baahan yahay madaxwaynaha DDSI ayaa tilmaamay in ay shacabka DDSI iyo xukuuamda DDSI si wayn ugu mahad celinayaan sheekh maxamed xuseen cali alaamudiin.

Waxaa kale oo uu madaxwaynuhu  xusay in deeqdan maanta uu keenay sheekhu iskugu jirto 10,000 oo kiintaal oo bariis ah, 10,000 oo kiintaal oo galay ah iyo 10,000 oo kiintaal oo calafka xoolaha ah nooca loo yaqaano alfa-alfa. Dhankiisa wakiilka ka socday shirada alaamudiin mudane Asiyaas Kabadhe ayaa sheegay in shirkada alaamudiin ugu deeqday deeqdan shacabka deegaanka soomalida itoobiya ee ay abaaruhu saameeyeen isaga oo sheegay in deeqdan oo ay sidaan 49gaadhi shirkadu gaadhsiinayo goobta loogu talagalay ee ay ku dhaqan yihiin shacabka abaaruhu saameeyeen. 

Dhankooda odayaasha deegaanka oo ka hadlay goobtii lagula kala wareegayay deeqdan ayaa siwayn u soo dhaweeyay deeqdan isugu jirta raashinka iyo calafka xoolaha kuwaasi oo si mug leh ugu mahad celiyay sheekh maxamed xuseen cali alaamudiin

Jigjiga(Cakaaranews) Sabti 29ka April 2017. Madaxwaynaha golaha sare arrimaha  islaamka dalkeena itoobiya sheekh Maxamed aamiin iyo wafti uu hogaaminayo ayaa soo gaadhay xarunta deegaanka ee magaalada jigjiga.

Waxayna Madaxwaynaha golaha sare arrimaha  islaamka dalkeena itoobiya Sheekh Maxamed Aamiin iyo waftiga uu hogaaminayo lakulmeen madaxwaynaha DDSI mudane Cabdi Maxamuud Cumar iyo mas’uuliyiinta golaha arrimaha islaamka ee DDSI, Iyadoo uu madaxwayne Cabdi Maxamuud Cumar uu si diiran usoo dhaweeyay waftigan. Wuxuuna madaxwaynuhu ka codsaday sheekha inuu shacabwaynaha dalka iyo kan deegaankaba halkaas ugu duceeyo.

Hadaba Madaxwaynaha golaha sare arrimaha  islaamka dalkeena itoobiya sheekh Maxamed Aamiin oo kusoo beegmay xili ay deegaanku abaar ka jirto ayaa ugu horayn bogaadiyay heshiiskii dhawaan dhexmaray labada dawlad deegaan ee deegaanka somaalida iyo deegaanka oromada ka gaadheen dhanka soohdimaha islamarkaana ugu mahad celiyay xukuumada federalka iyo ta deegaanka sida hagar la aanta ah ee ay uga qaybqaateen xaalada abaarta. Isagoo sheekhu uga mahad celiyay madaxwaynaha DDSI sida loosoo dhaweeyay iyo waliba horumarka lixaadka leh ee uu ku talaabsaday deegaanku.

Ugu danbayna Madaxwaynaha golaha sare arrimaha  islaamka ayaa guud ahaan shacabwaynaha dalka gaar ahaan deegaanka ugu duceeyay inuu allah ka dulqaado xanuunada iyo abaarta ka dhashay isbadalka cimilada islamarkaana uu siiyo roob khayrqaba iyo caafimaad deg deg ah.

Jigjiga (Cakaaranews)Axad 30ka April 2017.Madaxwaynaha DDSI mudane Cabdi Maxamuud Cumar oo hogaaminaya wafti balaadhan oo isugu jira mas’uuliyiinta heer deegaan iyo odayaal dhaqameedyada deegaanka ayaa saaka xarunta deegaanka ooga amba baxay dhinaca mashaariicaha waawayn ee biyoxidheenada Baka, Goomaar, Wijiwaaji iyo maraacaato halkaas oo xadhiga lagaga jari doono mashaariicahaas.

Gondher,(cakaaranews), Axad, 30ka April , 2017. Waxaa maanta  si rasmiya  ugu furmay magaalad gondher ee degaanka axmaarada  xuskii  7aad ee todobaadka forumka  magaalooyinka dalka oo ay sanadkan martigalinayso magaalada Gondher.

 Furitaankii xuskan ayaa waxaa ka soo  qaybglay masuuliyiinta ugu saraysa dalka   oo ay ka mid yihiin madaxwaynaha JDFI Mudane Dr  Mulatu  Teshome, Raysilwasaare ku xigeenka JDFI mudane  Dhamaqe mukonon,  wasiirka wasaarada horumarinta magaalooyinka iyo guriyaynta  JDFI  mudane Dr Ambachaw Mukonon, afhayeenka golaha wakiilada shacabka  JDFI mudane   Abadhule Gamadhu, madaxwaynaha deegaanka axmaarada  mudane Gedu Andargachew  iyo masuuliyiin ka kala socoday 230 magaalo oo ka mid ah magaalooyinka dalka oo ka qaybgalaya xuskan 7aad ee forumka  todobaadka  magaalooyinka dalka.

Xuskan  oo sanadkan halku  dhig looga dhigay" horumarka waara iyo maamulka suuban ee magaalooyinkeenu waa dib u curashadeena" ayaa waxaa si rasmiya   furay  madaxwaynaha JDFI  mudane dr mulatu Teshome  isaga oo sheegay in uu aad ugu  faraxsan yahay xuska todobaadka fooramka magaalooyinka dalka madaxwaynaha ayaa ka  ka warbixiyay dadaalka xoogan ee ay  dawlada dhexe u gashay hirgalinta siyaasadaha sagtarka  horumarinta  magaalooyinka  dalkeena taasi oo kor loo qaatay isku dheeli tirka horumarka magaalooyinka iyo wax soo saarka beeralayda iyo xoolo dhaqato beeralayda iyada oo dalka itoobiya dajistay siyaasado  lagu rabo ka mid noqoshada  wadamada dhaqaalahoodu meel dhexaadka yahay   si taasi loogu guulaystana uu  sagtarka horumarinta  magaalooyinka dalku la rabo in uu noqto mid xooga saara  nidaamka wax soo saarka warshadaha islamarkaana ay magaalooyinka dalku noqdaan kuwo  goobo  fursado  shaqo u abuuraya  muwadiniinta dalka.

Dhankiisa wasiirka wasaarada horumarinta magaalooyinka iyo guriyaynta JDFI  mudane Dr Ambachaw mokonnen oo ugu horayntii  u hambalyeeyay magaalooyinka dalka ee ka soo qaybgalay xuskan todobaadka foomarka magaalooyinka dalka ayaa  ayaa  sheegay in xuskani    yahay mid ahmiyada wayn u leh horumarinta magaalooyinka dalka  wasiirka ayaa ka warbixiayay sida wax looga qabtay qorshihii horumarinta sagtarka  magaalooyinka talka isaga oo  tilamaamay  in xuskani yahay mid looga goleeyay  in magaalooyinka dalka isku dhaafsataan aqoon iswaydaarsi  khibrad wadaag  islamarkaana  lagu gorfeeyo falanqaynta  siyaasadaha horumarinta magaalooyinka  dalkeena u dajisan.

Ugu danbayntii xuskan todobaadka magaalooyinka dalka oo si qurux badan uga furmay magaalada gondher  ayaa waxaa deegaanka soomalida itoobiya  uga qaybgalay 6 maamul magaalo ee DDSI  iyo 24 magaalo oo laga soo kala xulay 11ka gobol ee DDSI  waana tiradii ugu badnayd ee sanadkan ka qaybgasha xuska todobaadka fomarka  magaalooyinka  dalka taasi oo ku tusinaysa in deegaanka soomalida itoobiya xooga saaray hirgalinta qorshayaasha horumarinta magaalooyinka deegaanka waxayna inta uu socdo xuskani ku soo bandhigidoonaana waxqabadka magaalooyinka deegaanka iyo guulaha laga soo hooyay qorshayaasha u dajisan horumarinta magaalooyinka.

Qabridahar(Cakaaranews)Axad 30ka April 2017. Madaxwaynaha DDSI mudane Cabdi Maxamuud Cumar iyo waftigii balaadhnaa ee uu hogaaminayay oo sii maray degmooyinka iyo qabaleeyada tirada badan ee ku teedsan wadada dheer ee laamiga udhexeeya jigjiga ilaa qabridahar ay kormeer indha indhayn ah kusii mareen biyogalinta qabalaha higlooley ee degmada dhagaxbuur looga soo jiiday ceelka riiga ah ee laga qoday tuulada galiil oo 50km ujirta, Iyagoo waftigu ugasii gudbay dhinaca magaalada dhagaxbuur oo ay qado kadib usii dhaafeen dhanka degmada birqod.

Hadaba madaxwaynaha DDSI mudane Cabdi Maxamuud Cumar iyo waftigiisa ayaa gaadhay goobtii laga fuliyay mashruuca wayn ee waraabka Baka oo uu madaxwaynuhu halkaa xadhiga kagajaray, Iyadoo mashruucani yahay mid qabanaya biyo gaadhaya 3000,000 (sedex boqol oo kun oo mk) islamarkaana laga isticmaalayo 10,000(toban kun oo mk)

Sidoo kale mashruucan oo leh 4 bond oo uu midkiiba qaadayo biyo gaadhaya 270kw oo mk oo uu midkamid ahi buuxsamay islamarkaana looga faaiidaysanayo dhulbeereed dhan 6000 oo higter ayaa waxaa  fuliyay wakaalada dhismaha jidadka ee DDSI kuna baxday miisaaniyad dhan 191 milyan oo birr, Waxaana ka faaiidaysan doona bulsho dhan boqol kun oo deegaanka ah.

Sidoo kale madaxwayne CMC ayaa xadhiga kajaray mashruuca wayn ee waraabka Goomaar oo leh 5 bond oo uu midkiiba qaadayo 270,000 oo mk oo sedex kamid ahi wakhtixaadirkan buuxsameen. Mashruucan oo looga faaiidaysanayo dhulbeereed dhan 9000 oo higter ayaa waxaa fuliyay wakaalada dhismaha, iibka iyo adeega gaarka ah booliska, Waxaana ku baxday hanti dhan 193 milyan oo birr. Iskudarka boondhiyada labadan mashruuc ee Baka iyo Goomaar oo ah 9 bond ayaa waxay qaadayaan 2,430,000 oo mk, waxayna wadarta miisaaniyada lagu dhisay ay dhantahay 384 milyan oo bir. Halka uu dhul beeraadka looga faaiidaysanayo uu gaadhayo 15,000 oo higter .

Waxaana hubaal ah in fulinta dhismayaasha mashaariicahan waawayn ee waraabka oo mudo sanad un laga joogo la dhagaxdhigayay ay yihiin taariikhda markii ugu horaysay abid deegaanka laga hirgaliyo noocooda islamarkaana taabagalintooda loo maray dhibaatooyin ba,an balse hogaaminta deegaanka oo marwalba ka go’antahay horumarinta bulshada xooladhaqatada ah kana seexan waayay saboolnimadka calaamada u ah xoolodhaqatada ay qorshayaal cilmiyaysan iyo tabo ay wadinayad, Xilkasnimo, Daacadnimo, Kalsooni aqoon iyo waayo aragnimo ku dheehantahay kaga gudbeen caqabadihii soo wajahay. Ugu danbayna guushan xadhig kajarka ah ee taariikhda galay kasoo hoyiyay.

Iskusoo wadaduuboo madaxwaynaha, Mas’uuliyiintii iyo odayaashii deegaanka oo bogaadiyay xadhig ka jarka mashaariicahan ayaa ilaahay uga mahad celiyay ugana shukrinaqay, Waxayna madaxwaynaha iyo waftigiisu wakhti xaadirkan ku sugan yihiin magaalada qabridahar ee xarunta gobolka qoraxey.

Jigjiga(cakaaranews)Axad 30ka April 2017. Munaasabad si heersare ah loo soo agaasimay, laguna maamuusayay sanadguurada 7aad ee 7aadka cadaalada islamarkaana ay kasooqaybgaleen dhamaan mas’uuliyiinta hay’adaha cadaalada DDSI, shaqaalaha hay’adaha cadaalada, culimo awdiinka, oday dhaqameedyada deegaanka, ciidamada kaladuwan ee deegaanka iyo martisharafkale ayaa kaqabsoomay xarunta deegaanka ee magaalada jigjiga.

Hadaba, xuskan 7aadka cadaalada ayaa waxaa ugu horayn kahadlay Gudoomiyaha Maxkamada Guud ee DDSI mudane Cabdulaahi Ugaas Maxamuud oo sheegay in munaasabadani ay tahay munaasabad lagu xusayo 7aadka cadaalada oo 7 jirsatay. Wuxuuna xusay gudoomiyuhu in ay munaasabadani tahay mid ahmiyad wayn uleh deegaanka, lagana xusayo dhamaan deegaanka. Wuxuuna intaa kudaray in systemka dawladeed ee maanta deegaanku haysto ay kusalaysan yiihiin dhamaantood cadaalad. Cadaaladuna aytahay tiir balaadhan oo lagu hanto horumar iyo maamulsuuban.

Sidookale, wasiirka xafiiska xeer ilaalinta guud iyo cadaalada mudane Cabdijamaal Axmed Qaloonbi oo kahadlay munaasabadan ayaa sheegay in xuskani uu yahay xuskii 7aad islamarkaana ay cadaaladu tahay mid sal u ah ama ka turjumaysa dhamaan horumarka deegaanka kajira. Iyadoo dhamaan hay’adha cadaalada deegankuna ay yihiin kuwa kusalaysan nidaam cadaali ah. Wuxuuna tilmaamay in nidaamka cadaaladeed ee deegaanku uu marayo meeshii ugu fiicnayd ee uu abid gaadho.

Wuxuuna carabka kudhuftay masuulku in halkudhaga xuskani yahay ‘’Nidaamka tastuuriga ah ee kudhisan taageerada adag ee shacabka ayaan hanaanka maamulka suuban ku hirgalinaynaa’’

Dhanka kale Hogaankuxigeenka Xafiiska Nabadgalyada Maamulka iyo Cadaalada mudane ibraahim maxamud mubaarak oo sheegay in munaasabadani katurjumayso cadaalada iyo sinaanta qoomiyadaha iyo shucuubaha dalkeena. Wuxuuna xusay in sidookale  munaasabadani ay katurjumayso hanaanka dimuqraadiyadeed ee dalku haysto. Iyadoo xukuumada DDSI ay kakeentay guulo waawayn oo wax ku aal ah dhanka xasilinta nabadgalyada iyo cadaalada isagoo tilmaamay in ay balanqaadayaan inay sii xoojiyaan kudhaqanka  cadaalada

Ugudanbayna, culimo awdiinka iyo oday dhaqameedyada deegaanka oo dhamaantood tilmaamay in xuskan 7aadka cadaaladu uu yahay midlagu xasuusto dhibaatooyinki xumaa ee deegaanka soomaray islamarkaana lamaamuso meesha wanaagsan ee lagaadhsiiyay cadaalada deegaanka iyagoo tilmaamay in cadaaladu ay tahay waxyaabaha waawayn horumarka salka kuleh. Sikastaba ha ahaatee xuskan 7aadka cadaalada oo soconayaa maalmaha ayaa lagu wadaa in lagu sooobandhigi doono aqoon iswaydaarsiyo kaladuwan oo kusalaysan cadaalada deegaanka.

Dhagaxbuur(Cakaaranews) Isniin 1da May 2017. Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayo oo maalintii shalay ahyd xadhiga kajaray mashaariico horumarineed islamarkaana ku caraabay magaalada qabridahar ayaa maantana sidoo kale xadhiga ka jaray mashaariico horumarineed oo waawayn.

Haddaba madaxwaynaha DDSI mudane Cabdi Maxamuud Cumar ayaa maanta xadhiga ka jaray mashaariico waawayn oo ay ka mid yihiin mashruuca waraabka beeraha ee maraacaato oo ka mid ah mashaariicaha waawayn ee bulshada lagaga saarayo saboolnimada waxaana ku baxay mashruucan aduun lacageed oo dhan 160 millayn oo bir kaasi oo lehna 4 goobood oo biyaha lagu kaydiyo wuxuuna waraabinayaa dhulbeereed dhan 9kun oo higtar.  Sidoo kale wuxuu madaxwaynuhu xadhiga kajaray mashruuca waraabka beeraha ee wijiwaaji oo ay ku baxday aduun lacageed oo dhan 188 millayn oo bir kaas oo leh 5 goobood oo biyaha lagu kaydiyo wuxuuna waraabinayaa dhulbeereed dhan 6000 oo higter.

Intaasi ka dib waxa uu madaxwaynaha DDSI mudane Cabdi Maxamuud Cumar  xadhiga ka jaray kuliyada waxbarashada macalimiinta ee qabridahar oo ay dhismaheedu ku baxday aduun lacageed oo dhan 86 millyan oo birr, Taas oo ay wax ka barandoonaan ardayda gobolada Shabeele, Afdheer, Liibaan, Doolo iyo Qoraxey. Sidoo kale waxa uu madaxwaynaha DDSI xadhiga ka jaray cusbitaalka waayn ee magaalada qabridahar oo ah cusbitaal casriya oo ay ku baxday aduun lacageed oo dhan 30 millayn oo birr, cusbitaalkan oo leh dhamaan waaxaha ay cusbitaaladu leeyihiin oo casriya ayaa waxa uu leeyahay 320 qol iyo 350 sariidood.

Kadib markii ay madaxwaynaha DDSI iyo waftigan balaadhan ee uu hogaaminayo xadhiga ka jareen mashaariicahaas kaladuwan ee horumarineed ayaa waxay u soo baxeen dhinaca magaalada dhagaxbuur oo ay wakhti xaadirkan ku sugan yihiin.

Jigjiga,(cakaaranews), Isniin, 1da, May , 2017 Waxaa ka dhacay hoolka shirarka ee kuliyada maaraynta iyo adeega shacabka  DDSI kulan ay ujeedadiisu tahay sidii loo sii xoojin lahaa tayada xaqiijinta xirfadlayaasha islamarkaana loo gorfayn lahaa geedi socodyada tayada imtixaanka  ardayda ka soo qalinjabisa kuliyadaha waxbarashada  deegaanka  dhinacooda fiican dhinaca ay ka liitaan iyo sidii loo  dhisilahaa gudiyada  qiimaynta xaqiijinta tayada xirfadlayaasha(( Panel Assessors).

Kulankaasi oo ay soo  diyaarisay xarunta xaqiijinta tayada xirfadlayaasha DDSI oo ay ka soo qaybgaleen masuuliyiinta xarunta xaqiijinta tayada xirfadlayaasha DDSI  ayaa loo qabtay xubno ka kala socda xafiisyada ay ka mid yihiin xafiiska caafimaadka, beeraha, xafiiska  horumarinta magaalooyinka dhismaha iyo warshadaha DDSI, xafiiska maaliyada mm jigjiga iyo xubno  ka socday shirkado gaar loo leeyahay.

Waxaana furitaankii kulankaasi ka hadlay maareeyaha xarunta xaqiijinta tayada xirfadlayaasha DDSI mudane Mubaarak Axmed oo sheegay in ujeedada kulankani tahay mid lagaga hadlayo sidii loo xoojin lahaa nidaamka tayada xaqiijinta xirfadlayaasha iyo sidii ay sagtarada kala duwan ee ka soo qaybgalay kulankani  kaalinta kaga aadan uga qaadan lahaayeen. Maareeyaha ayaa intaasi ku daray in kulankan lagu dhisidoona gudiga qiimaynta tayada xirfadlayaasha  kuwaasi  oo u kuurgalidoona tayada geedi socodka imtixaanada laga qaadayo  ardayda ka soo baxda kuliyada deegaanka ee  la xaqiijinayo tayada waxbarashadood iyo goobaha lagu qaadayo imtixaanaadka.

Gabagabadii kulankaasi  waxaa lagu doortay gudiga qiimaynta xaqiijinta tayada xirfadalyaasha  oo kuwaasi  oo  u kuurgalidoona geedi socodka tayada imtixaanaadka ardayda.

Buuhoodle(Cakaaranews) Isniin 1da May 2017. Dalkeena itoobiya oo taariikh ahaanba horay loogu yaqiinay/loogana bartay u danqashada iyo u kaalmaynta walaaladooda ku nool dalalka Africa, ayaa jawaab deg-deg ah ka bixiyay masiibadii ama dhibaatadii caafimaad daro ee lasoo daristay bulshada ku nool deegaanka Buuhoodle, isagoo udiray; dhakhaatiir, daawooyin iyo agab/qalab caafimaad oo kaladuwan, maalmo kadibna udiray Raashin tira badan.

Hadaba deeqdan daawada ah ee maanta lagu wareejiyay maamulka cusbitaalka Daryeel ee magaalada Buuhoodle oo iskugu jirta dawooyinka iyo qalabka caafimaadka taasi oo noqonaysa gargaarkii 3aad ee ay gaadhsiiso xukuumada DDSI cusbitaalka Daryeel oo maanta loogu adeegayo ama lagu daawaynayo 295 bukaan oo uu haleelay cudurka shuban-biyoodku.

Deeqdan deegaankeenu gaadhsiiyay bulshada Buuhoodle ayaa hadii lacag loo badalo noqonaysa aduun lacageed oo aad u tiro badan taasoo ayna awoodi karin in ay iska bixiyaan bulshada ku nool buuhoodle ee ay abaarta iyo cuduradu saameeyeen.

Dhankooda deegaanka buuhoodle ayaa si wayn looga soo dhoweeyay gurmadkan balaadhan, maadaama uu si muuqda/ la arki karo wax uga badalay xaaladii cakirnayd ee haysatay bulshada buuhoodle.Bulshada reer Buuhoodle ayaa waxay maanta naga cod sadeen in aan fariin mahad-naq ah iyo abaal aan la'gudi karin ka gaadhsiino XDSHSI ee uu hormuudka uyahay MW DDSI mudane Cabdi Maxamuud Cumar iyagoo sheegay isaga la'aanti in ayna tani dhacdeen  iyo sida deg-dega ah ee ay ugu soo gurmatay xukuumadu.

Jigjiga(Cakaaranews) Talaado 2da May 2017. Madaxwaynaha DDSI mudane Cabdi Maxamuud Cumar iyo waftigii uu hogaaminayay oo xalay uhoyday magaalada dhagaxbuur ayaa dib ugsoo laabtay xarunta deegaanka ee magaalada jigjiga kadib markuu soo gabagabeeyay socdaalkii uu xadhiga kagajaryay mashaariicihii horumarineed ee kaladuwanaa, Wuxuuna madaxwaynuhu wakhti xaadirkan ku suganyahay xarunta deegaanka ee magaalada jigjiga.

wajaale,(cakaaranews)Talaado,2da, May, 2017. Waxaa ka dhacay hoolka shirarka ee maamulka magaalada tog-wajaale kulan ay ujeedadiisu tahay sidii kor loogu qaadilahaa tayada adeeg bixinta la gaadhsiinayo bulshada.

kulankaasi waxaa ka soo qaybgalay masuuliyiinta iyo shaqaalaha maamulka magaalada tog wajaale waxaana furitaankiisii ka hadlay maayorka maamulka magaalada tog-wajaale mudane Maxamuud Cabdi Muxumed oo warbixiyay dadaalka ay xukuumada DDSI ugu jirto taaba galinta qorshayaasha horumarineed taasina ay sal u tahay in xooga la saaro tayada adeegyada la gaadhsiinayo bulshada, wuxuuna maayorku si qoto dheer uga warbixiyay ahmiyada iyo ujeedooyinka kulankaasi  oo ah sidii ay  shaqaalaha maamulka magaalada tog wajaale u dar-dargalin lahaayeen shaqooyinka iyo adeegyada loo hayo bulshada.

Dhankooda shaqaalaha ka soo qaybgalay kulankaasi ayaa sheegay in ay xooga saaridoonaan sidii shacabka loo gaadhsiin lahaa adeegyo deg deg ah oo leh tayo iyo  xushmada si looga midho dhaliyo yoolasha horumarineed ee la hiigsanayo.

Addisababa(Cakaaranews) Talaado 2da May 2017. Madaxwaynaha DDSI mudane Cabdi Maxamuud Cumar ayaa kadib markuu kasoo galay socdaalkii uu xadhiga kagasoo jarayay mashaariicihii kaladuwanaa ee horumarineed xarunta deegaanka uga ambabaxay dhanka xarunta dalka ee magaalada addisabab, Isagoo howlo shaqo, Shirar, Iyo Howlo muhiim ah utagay xarunta dalka ee magaalada addisababa.

Jigjiga,(cakaaranews), talaado, 2da May, 2017. Waxaa ka furmay madasha shirarka ee kuliyada maaraynta iyo adeega shacabka DDSI kulan balaadhan oo  ah  wadatashi lagu qiimayanayo  tiirarka  yoolasha horumar waara ee afka qalaad loo yaqaano sustainable development goals   (SDG) ee sanka 2017  iyo heer daboolka waxqabadka qorshaha koboca iyo isbadalka dhaqaalaha jaanqaadkiisa 2aad (GTP2ga) ee sanadkii 2008TI.

Kulankaasi  oo uu soo diyaariyay xafiiska maaliyada iyo horumarinta dhaqaalaha DDSI ayaa waxaa ka soo qaybgalay wasiirada, iyo wasiiro ku xigeenada xafiisyada heer deegaan, maareeyayaasha iyo maareeyayaal ku xigeenka wakaaladaha DDSI, masuuliyiin ka socday heer faderaal oo ay ka mid tahay wasiiru dawlaha wasaarada shaqaalaha  iyo arimaha bulshada JDFI marwo Warkinash Birru , gadhwadeenada geedi socodka qorshaynta xafiisyada heer deegaan, ganacsato , wakiilo ka socday bulshada xoolo dhaqadata  iyo xoolo dhaqato beeralayda degmooyinka deegaanka, ururada dhalinyarada iyo  haweenka DDSI 

Waxaana furitaankii kulankaasi ugu horayntii ka hadlay wasiirku xigeenka xafiiska maaliyada iyo horumarinta dhaqaalaha DDSI mudane  Jamaal Faarax Warmooge oo soo dhawayn ka dib ka warbixiayay ujeedooyinka iyo ahmiyada kulankaasi isaga oo sheegay in guulo waawayn laga soo hooyay  fulinta qorshayaasha, istaraatajiyadaha iyo yoolasha horumarineed ee u dajisan dalka iyo deegaanka wasiirku xigeenka ayaa intaasi ku daray in mudda uu socdo kulankani diirada lagu saari-doono fulinta qorshyaasha horumarka waara (SDG) , waxqabadka qorshaha isbadalka koboca dhaqaalaha (GTP2ga) ee sanadkii 2008TI  iyo sidii loogu diyaar garoobay fulinta qorshayaasha horumarineed ee soo socda.

Sidoo kale waxaa furitaankii kulankaasi ka hadashay wasiiru dawlaha wasaarada shaqaalaha iyo arimaha JDFI marwo warkinash  Birru oo sheegay in guud ahaan dalkeena itoobiya ku talaabsaday taaba galinta isbadal horumarineed isaga oo ka faa’iidaysanaya koritaanka dhaqaalaha ee ay ka mid yihiin qorshaya koboca iyo isbadalka dhaqaalaha (GTP2ga) iyo qorshayaasha yoolasha horumarka waara (SDG) kuwaasi oo ay ka markhaati kaceen wadamada qaarada Africa, caalamka iyo qaramada midoobay, wasiiru dawlaha ayaa sheegtay in ay mihiimtahay in la sii joogteeyo taabagalinta qorshayaashan

Kulankaasi ayaa maalmaha soo socda ka sii socondooma madasha shirarka ee kuliyada maaraynta iyo adeega shacabka DDSI.

Addisababa(Cakaaranews) Arbaco 3da May 2017.  Mas’uuliyiinta ugu saraysa dalka oo uu ka mid yahay Raisal-wasaaraha JDFI mudane Hailemariam Desalegn oo uu wehelinayo madaxwaynaha DDSI mudane Cabdi Maxamuud Cumar ayaa si meeqaam sare ah ugu soo dhaweeyay garoonka diyaaradaha caalamiga ah ee bole ee caasimada dalka madaxwaynaha dalka somaaliya mudane Maxamed Cabdulaahi Farmaajo oo booqasho shaqo ku soo gaadhay dalkeena itoobiya. soo dhawaynta ayaa dhinaca kale waxaa ku wehelinayay masuuliyiinta kooxaha fanka iyo suugaanta DDSI oo ciyaaro dhaqameedka ku soo dhaweeyay madaxwaynaha dalka soomaliya mudane Maxamed Cabdilaahi Farmaajo waxaana la filayaa inta uu joogo madaxwaynaha dalka soomaliya in uu kulamo lagu sii xoojinaya xidhiidhka labada dal la yeesho masuuliyiinta ugu saraysa dalkeena itoobiya

Jigjiga(cakaaranews)Arbaco 3da May 2017.Waxaa maanta kafurmay xarunta deegaanka ee magaalada jigjiga Tababar uusoo agaasimay xafiiska caafimaadka DDSI islamarkaana kusaabsanaa kahortaga xanuunada faafa gaar ahaan nafaqo-darada iyo shuban-biyoodka.

Hadaba, tababarkan oo ah tababarka tababarayaasha ee (TOT) ayaa waxaa looqabtay xirfadlayaal caafimaad oo kakala socday gobolada doolo,jarar,qoraxey,Erar Iyo Nogob  ayaa waxaa furitaankiisii kahadlay Wasiirka Xafiiska Caafimaadka DDSI mudane Xasan Ismaaciil Cali oo sheegay in tababarkani yahay tababarka tababarayaasha ee looyaqaano (TOT) islamarkaana ay kasooqaybgaleen  xirfadlayaal caafimaad oo kakalayimid gobolada.

Wasiirka oo hadalkiisa sii wata ayaa sharax dheer kabixiyay ahmiyada iyo ujeedooyinka lagaleeyahay tabbarkan. Wuxuuna kubooriyay kaqaybgalaaysha in mudada uu socdo tababarku sifiican looga faa’iidaysto casharada islamarkaana si cilmiyaysan oo heersare ah loo gaadhsiiyo goboladii ay kakalyimaadeen xirfadlayaashu.

Ugudanbayna, dhankooda kaqaybgalayaashii tababarkan ayaa sheegay in ay aad ugu faraxsan yihiin kasooqaybgalka tababarkan. Waxayna tilmaameen inay sifiican uga faaiidaysanayaan casharada, una sii gaadhsinayaan goobihii ay kakalayimaadeen.

Jigjiga,(cakaaranews), Arbaca,3da May, 2017.Masuuliyiinta maamulka magaalada jigjiga  iyo masuuliyiinta xafiiska caafimaadka DDSI ayaa ku wareejiyay masuuliyiin ka socotay  bangiga  ganacsiga dalkeena itoobiya  dhul  dhan 3,000 oo kaaraamitir oo uu  bangigu  ka dhisayo xarun caafimaad oo laga hirgalinayo xaafada 17aad ee maamulka magaalada jigjiga. Taasi oo  munaasabadii lagula kala wareegayay dhulkan  ay  ka soo qaybgalay masuuliyiin ay ka mid yihiin wasiirka xafiiska caafimaadka DDSI mudane Xasan Ismaaciil Cali, ku simaha maayorka maamulka magaalada jigjiga ahna maareeyaha maamulka magaalada jigjiga mudane Fadxi Shugri  iyo masuuliyiinta bangiga ganacsiga itoobiya laantiisa jigjiga iyo deridhawa.

Waxaana warbaahinta DDSI la hadlay wasiirka xafiiska caafimaadka DDSI mudane xasan ismaaciil cali iyo ku simaha maayorka maamulka magaalada jigjiga ahna maareeyaha maamulka magaalada jigjiga mudane fadxi shugri kuwaasi oo ugu horayntii u mahad celiyay bangiga ganacsiga dalkeena itoobiya oo ka qayb-qaadanaya hawlaha horumarka bulshada waxayna ka warbixiyeen ahmiyada ay xaruntan caafimaad u yeelandoona bulshada ku dhaqan xaafada 17aad ee maamulka magaalada jigjiga waxayna intaasi ku dareen in  ay xaruntan caafimaad ee uu hirgalinayo bangiga ganacsiga itoobiya in ay adeeg caafimaad siintoonto bulshada ku dhaqan xaafada 17aad ee maamulka magaalada jigjiga..

Dhankooda masuuliyiinta bangiga ganacsiga itoobiya laanta jigjiga iyo deridhawa oo la hadlay warbaahinta ayaa sheegay in uu bangiga ganacsiga dalkeena itoobiya ka qayb-qaadanayo hirgalinta qorshayaasha horumarineed waxayna sheegeen in xaruntan caafimaad ee maanta lagu wareejiyay dhulkii laga dhisilahaa ay ku soo gabagabaynayaan muddo aad u kooban si ay xaruntu u bixiso adeeg caafimaad bulshada.

Qaybaha kala duwan ee bulshada ku dhaqan xaafada 17aad ee maamulka magaalada jigjiga ayaa siwayn u soo dhaweeyay xarunta caafimaad ee loo dhisayo, waxayna u mahad celiyeen bangiga ganacsiga itoobiya iyo xukuumada DDSI.

Danood (cakaaranews)Khamiis 4ta May 2017. Si looga gaashaanto roobyaraanta ay keento isbadalka cimilada aduunku ayaa waxay xukuumada DDSI dadaal badan kubixisay islamarkaana ay qorshayaal u qaadatay dhanka biyaha maadaama oo ay biyuhu yihiin adeegyada ugu muhiimsan bulshada deegaanka. Waxaana dhamaan dagmooyinka deegaanka lagasameeyay biyo xidhoono yarayar iyo kuwo waaywaayn. Iyada oo degmada donod ee gobolka doolo oo kamid ahayd goobihii ay abaartu saamay ay sifiican ubuuxsameen biyoxidheenkii degmada iyo braagihii waawaynaa ee laga dhisay degmadaasi.

Hadaba, mas’uuliyiin isugujirta heerdeegaan, heergobol iyo heer degmo oo kormeer indhoindhayn ah kuwasoo  ay kamid ahaayeen maareeyaha kuliyada macalimiinta ee Dr Cabdimajiid xuseen mudane kifaax cabdulaahi macalin, gudoomiye kuxigeenka gobolka doolo mudane malow ibraahim iyo waliba kusimaha gudoomiyaha degmada donod ahna hogaanka nabadgalyada degmada donod mudane xasan shekh maxamed oo sheegay in allaha raxmaanki ihi uu kumanaystay degmada donod roobab khayrqaba oo sifiican ubuuxiyay biyo xidhenkii waynaa ee xukuumada DDSI kahirgalisay degmada donod iyo waliba dhamaan baraagihii iyo baliyadii ay dhistay degmadu. Waxayna masuuliyuuntu xuseen in sidookale xukuumada DDSI ay ceeldheer oo riig ah kaqoday degmada islamarkaana loogu talagalay in uu bulshaa adeeg biyo oo nadiif ah uu siiyo. Waxayna kula dardaarmeen bulshada degmada in ay sifiican uga faaiidaystaan biyahan.

Ugudanbayna, qaarkamid ah bulshada dagmada donod ayaa sheegay in ilaahay kumahadinayaan nimcadan roobabka ah uusiiiyay, waxayna tilmaameen in sidookale mahadcelin balaadhn usoojeedinayaan xukuumada DDSI ee uguhoreeyo madaxwaynaha DDSI mudane Cabdi Maxamuud Cumar. Kaasoo hirgaliyay balamihii uu kaqaaday bulshada degmada donod.

Yaxoob(cakaaranews)Jumce 5ta May 2017. Rajmantiga 15aad ee Ciidanka gaarka ah ee kahawlgala qaarkamid ah degmooyinka gobolka erer ee fiiq, sagag iyo yaxoob ayaa deeq raashin ah oo isugujirta Bariis, Baasto Saliid, sonkor iyo bustayaal gaadhsiiyay bulshada kudhaqan qabalaha bashuuro ee katirsan degmada yaxoob ee Gobolka Erer. deeqdaas oo ay ciidanku kasoojareen mushaarkooda.

Hadaba, Gudoomiyaha Gobolka Erer mudane Axmed shuun Sugule iyo Taliyaha Rajmantiga 15aad ee Ciidanka Gaarka ah mudane Mataan Feetin Xasan oo goobjoog ka ahaa qaybinta deeqdan ayaa warbaahinta deegaanka lahadlay oo sheegay in deeqdan raashinka ahi ay si is xilqaan leh oo wadaniyadi kujirto ay ciidanka gaarka ahi usoogaadhsiiyeen bulshadooda ay abaartu saamaysay ee kudhaqan centerka bashuuro ee katirsan degmada yaxoob. Waxayna xuseen in deeqdani ay kakoobantahay bariis, baasto, saliid, sonkor iyo bustayaal. Taasoo  ay ciidanka gaarka ahi mushaarkooda kasoojareen.

Dhankakale, bulshada deeqda lagaadhsiiyay ayaa sheegay in ay aad ugu faraxsanyihiin islamarkaana ay aad ugu mahadcelinayaan ciidamada gaarka ah iyo waliba maamulka gobolka Erer. Waxayna tilmaameen in deeqdan lasoogaadhsiiyay ay tahay wakhti ay aad ugu baahnaayeen.

Sikastaba ha ahaatee, waxaa xusid mudan in deeqdani aysan ahayn markii ugu horaysay ee ay ciidamada gaarka ahi gaadhsiiyeen bulshada, waxayna mararbadan ooo kaladuwan gaadhsiiyeen deeqo noocan ah senterada degmooyinkaas.

Jigjiga(Cakaaranews) Jumce 5ta May 2017. Mashruuca kor uqaadida nolosha bulshada haynteedu liidato iyo damaanada qaadka cuntada(UPSNP) ee mmj ayaa si rasmi ah udaahfuray inuu shaqo abuur usameeyo bulsho dhan 5000 qof.

Hadaba munaasbadan lagu daahfurayay mashruucan oo ka dhacday xaafada 14 ee mmj ayaa waxaa kasoo qaybgalay mas’uuliyiinta ugu saraysa mmj oo uu kamid yahay kusimaha maayarka mmj ahna maareeyaha mmj mudane Fadxi Shukri Axmed i iyo maareeyaha wakaalada hor-shirkadaha yaryar,kuwa-dhexe,shaqo abuurka iyo damaanad qaadka cuntada mmj mudane Cabdulaahi Cabdi Cilmi ayaa waxaa ugu horayn ka hadlay kusimaha maayarka mmj ahna maareeyaha mmj mudane Fadxi Shukri Axmed oo sheegay in ay xukuumadu dadaal iyo juhdi badan galisay siduu mashruucan looga hirgalinlahaa mmj islamarkaana uu mashruucan waxbadan ka badali doono nolosha bulshada kafaaiidaysanaysa iyo waliba bilicda magaalada jigjiga. Wuxuuna masuulku intaa kudaray in loo baahan yahay in mashruucan looga faaiidaysto sidii loogu talagalay.

Dhanka kale waxaa isana munaasabadan ka hadlay  Maareeyaha Wakaalada Hor-Shirkadaha Yaryar, kuwa-dhexe, shaqo abuurka iyo damaanad-qaadka cuntada mudane Cabdulaahi Cabdi Cilmi oo sheegay inuu mashruucan wajigiisa 1aad ay kafaaiidaysanayaan 5000 qof oo ah dadka danyarta ah oo kamid ah 3 xafadood oo mmj ah islamarkaana ay wajigiisa 2aad kafaaiidaysan doonaan intaa in la eg oo dad ah, Wuxuuna maareeyu intaa kudaray inuu mashruucan uu daahfurkiisu kaalinta koobaad kagalay dalkeena, Sidoo kale wuxuu maareeyuhu xusay in 5000 ee qof lagu wareejiyay qalabkii ay ku shaqayn lahaayeen islamarkaana loo samaynayo nidaamka kaydsiga kaasoo bulshadana kadhigi doona kuwo heer gaadha.

Ugu danbayna waxaa dhankooda ka hadlay qaar kamid ah bulshadii kafaaiidaysanayay mashruucan oo sheegay inay aad uugu faraxsanyihiin camalkan loo sameeyay iyo qalabkan lagu wareejiyay islamarkaana ay faaiidaysan doonaan fursada shaqo ee ay ka heleen mashruucan.

Jigjiga(Cakaaranews) Sabti 6da May 2017. Xafiiska waxabarashada DDSI ayaa sheegay ina dhamaan dalkeena itoobiya looga diyaargaroobay imtixaanaadka heer qaran ee fasalada 10 iyo 12 iyo 8aadba islamarkaana ay si habsimi leh ooga dhici donaan dhamaan dalkeena itoobiya.

Hadaba Wasiirka xafiiska waxbarashada DDSI mudane Ibraahim Aadan Mahad oo kawarbixiyay sida uu xafiiska waxbarashada DDSI oogu diyaargaroobay iyo waliba qaabka uu udhici doono imtixaanada kaladuwan ee fasalada 10aad,12aad, iyo 8aadka islamarkaana sheegay in nidaamyadii uu udhici lahaa  uu xafiisku dajiyay si uu imtixaanku u noqdo mid  tayaysan, Wuxuuna wasiirku intaa ku daray in sanadan 2009TI ay imtixaanka fasalka 10aad ufadhiisan doonaan in kabadan 15,000 oo arday halka imtixaanaadka fasalka 12aad ay ufadhiisan doonaan 9000, oo ardayda deegaankeena ah, Fasalka 8aadna ay ufadhiisan doonaan in kabadan 27,000 oo ardayda deegaankeena ah, Sidoo klae Wuxuu wasiirku xusay in imtixaanaadka heer qaran uu balaabmi doono bisha 9aad ee ginbood kuna bilaabmi doono fasalada 10aad, Iyadoo imtixaanaadka fasalada 10 ee deegaanku uu ka dhici doono 151 goobood oo deegaanka ah, Halka uu imtixaanka fasalada 12aad uu bilaabmi doono dhamaadka isla bisha ginbood oo ku began 28ka bisha ginbood wuxuuna ka qabsoomi doonaa 88 goobood.

Ugu danbayna wuxuu wasiirku sheegay in imtixaanka fasalada 8aad oo ah mid heer qaran ah uu isana bilaabmi doono 7da bisha sane isagoo socon doona ilaa 9ka bisha sane, Wuxuuna wasiirku intaa ku daray inuu imtixaanadka fasalada 8aad ay ka qabsoomi doonaan 487 goobood islamarkaana ay u fadhiisan doonaan in kabadan 27,000 oo ardadayda deegaanka ah. Wuxuuna wasiirku kula dardaarmay ardayda inay ka feejignaadaan waxyaabaha anshax xumada ah oo kow ka yahay qishka kaasoon lagu miisaami Karin aqoonta uu ardaygu leeyahay.