Jigjiga(Cakaaranews) Axad 7da January 2018. Waxaa maalintii 3aad galay adeegii qaliinka iyo daawaynta indhaha ee bilaashka ahaa oo ka socda cusbitaalka wayn Ee jaamacada jigjiga ee Meles Memorial referral hospital. kaas oo ay ka faaiidaysanayaan dhamaan shacabka ku dhaqan deegaanka gaar ahaan shacabka gobolka faafan.
Hadaba adeegan qaliinka iyo daawaynta indhaha bilaashka ah oo looga faaiidaynayo shacabka deegaanka ee wax ka qaba dhanka araga ayaa waxaa kawarbixiyay Mudane Cabdulaahi Xambali oo ah hogaamiyahan kooxda wareegta ee qalitaanka iyo daawaynta indhaha ee waaxda ka hortaga iyo xakamayta cudurada indhaha ee xafiiska caafimaadka DDSI oo sheegay in qalintaanka iyo daawayntu si fiican usocoto islamarkaana uu maalmahan kasii socondoono isla cusbitaalka iyadoo looga faaiidaynayo guud ahaanba shacabka deegaanka.
Ugu danbayna waxaa dareenkooda ka hadlay shacbkii looga faaiidaynayay adeegan qaliinka iyo daawaynta indhaha ee bilaashka ahaa oo si farxadi ku dheehantahay usheegay inay aad oogu faraxsanyihiin adeegan ay aragoodii indhaha ee sanado ka maqnaa loogu soo celiyay. Waxayna umahad celiyeen xukuumada hirgalisay adeegan. 