Qabridahar (cakaaranews)Jumce, 5ta January 2018.Gudiga joogtada ah ee golaha wakiilada shacabka DDSI ee qaabilsan dhanka qiimaynta iyo dabagalka mashaariicaha ayaa kormeer qiimayn iyo dabagal ah ku soomaray mashaariicaha horumaineed ee laga hirgaliyay gobolada jarar iyo qoraxey.
Hadaba, gudigan ayaa kormeerkoodii dabagalka ahaa ka bilaabay mashaariicaha laga hirgaliyay magaalada dhagaxbuur iyadoo kormerkana ay kuwahelinayeen gudoomiyaha gobolka jarar mudane cabdi cali mataan iyo waliba masuuliyiinta magaalada dhagaxbuur waxayna ugu horeen booqdeen mashruuca dhimaha ee Kuliyada xirfadaha farsamada gacanta ee magaalada dhagaxbuur, mashruuca xarunta quwada korontada ee magaalada dhagaxbuur, dhismaha dugsi sare oolaga fuliyay, fulinta qorshaha BBC, heerka iyo nidaamka shaqo ee dhalinyartii shaqo abuurka loo sameeyay, iyo waliba mashaariicaha kale ee magalada dhagaxbuur laga fuliyay sida wadooyinka.
Sidookale, gudiga oo kormeerkooda sii wata ayaa gaadhay mashaariicaha waawayn ee magalaada qabridahar sida jaamacada qabridahar, adeegyada kaabayasha dhaqaale ee magaalada qabridahar, qaab socodka shaqo ee dhalinyarada shaqo abuurka loo sameeyay ee magaalada qabridahar iyo waliba adeegyada horumarka ee magaalada qabridahare.
Ugudanbayna, gudigan ayaa waxay kormeerkooda ku mareen dhamaan mashaariicaha laga hirgaliyay goboladaas iygoo soo taabtay mashaaricaha waraabka ee baka, goomaar- wijiwaaji, iyo maraacato.