Jigjiga,(cakaaranews), khamiis , 4ta, January, 2018. Waxaa magaalada Raaso ee xarunta degmada Raaso ee gobolka afdheer lagu qabandoonaa todobaadka soo socda haddii alleh-idmo shirwayne balaadhan oo ay yeelan doonaan XDSHSI iyo shacabwaynaha DDSI kaasi oo lagaga hadli doona dhibaatooyinkii la soo maray, waxqabadkii 7dii sano ee la soo dhaafay xukuumada DDSI iyo jihooyinka horumarineed, Nabadgalyo iyo maamulka suuban mustaqbalka soo socdo.
Haddaba, degmada Raaso oo sanado ka hor uun ahayd tuulo ayaa wakhti xaadirkan qaabilaysa kumanaan qof oo ka qaybgalaya shirwaynahan taasi oo tusaale cad u ah horumarka deegaanka ka hanan qaaday iyo in ay tuuladii hore loo odhan jiray Raaso ay maalinba maalinta ka dambaysa sii balaadhanayso iyada oo ugu dambayn maanta gaadhay heer ay marti galinayso shirwaynaha XDSHSI iyo shacabwaynaha DDSI taasi oo ah wax illahay lagu mahad celiyo.