Shiniile(Cakaaranews) Isniin 9ka January 2017. Waxaa si rasmi ah uga furmay degmada shiniile xarunta gobolka siti Shirkii qiimayta warbixinta waxqabadka 6da bilood ee dhinacyada horumarka, nabadgalyada iyo maamulka suuban oo ay kasoo qaybgaleen dhamaan masuuliyiinta degmooyinka uu gobolku ka koobanyahay.
Hadaba shirkan oo ay hogaaminayeen masuuliyiinta gobolka siti oo uu ugu horeeyo gudoomiyaha gobolka siti mudane cabdiwali maxamed, madaxa arrimaha siyaasada gobolka siti mudane Cabdi Cumar ayaa waxaa ugu horayn ka hadlay gudoomiyaha gobolka siti mudane Cabdiwali Maxamed oo sheegay inuu kulankani yahay Shirkii qiimayta warbixinta waxqabadka 6da bilood ee dhinacyada horumarka nabadgalyada iyo maamulka suuban waxa qabsoomay iyo waxaan qabsoomin iyo sababta ay uqabsoomi wayeen hadayna jirin qorsho loogu talagalay inuu fulo 6dii bilood ee lasoo dhaafay. Wuxuuna gudoomiyuhu intaa kudaray inuu shirku inoo socon doono mudo 3 cisho ah islamarkaana degmo degmo loosoo jeedin doono warbixinada waxqabadka 6da bilood.