Jigjiga( Cakaaranews) Sabti, 14ka may 2016. Kadib heshiiskii qoraalka ahaa ee ay dhawaantan kalasixiixdeen dawlada federalka ah ee itoobiya iyo soomaaliya ee ay gaar ahaan wadagaleen dawlada deegaanka soomaalida itoobiya iyo dawlad goboleedka galmudug soomaaliya ee xadka wadaaga ayaa waxaa dhacday in maleeshiyaad kaxun heshiiskaas labada dhinac oo kasoo jeeda dhinaca galmudug inay si gardaro ah kusoo galeen gudaha itoobiya oo ay kudileen 3 ruux oo shacab ah gaadhina kugubeen.

Balse dawlad goboleedka galmudug oo kaxun arintaasi ayaa islamarkiiba gacanta kudhigtay maleeshiyaadkii oo kaga talaabo-qaaday xabsi iyagoo waliba sharciga latiigsan doona.

Si kastaba ha ahaatee, heshiiskii labada dhinac ay wadagaadheen oo ahaa heshiis midaynaya nabad kuwada noolaanshaha labada shacab ee walaalaha ah ayaan ahayn mid marnaba kuburaya shaqsiyaad kaxun walaaltinimada shacabka labada wadan ee xuduuda wadaaga.

Dhanka kalana, dawlada deegaanka soomaalida itoobiya ayaa soo dhawaysay talaabada deg-dega ah, kaxumaanshaha arintan iyo waliba go’aan qaadashada dawlad goboleedka galmudug oo kutilmaantay mid hirgalisay heshiiskii islamarkaana kuboorisay galmudug inay halkaa kasii wadaan dadaalka nabadaynta labada shacab iyo waliba kamidaysnaanta ladagaalanka cadawga shacabka labada dhinac ee walaalaha ah.

Arintan oo xalkeeda lagu dhameeyay si xeer dhaqameed ah oo raali galinaysa xeerka iyo dhaqanka labada shacab ee walaalaha ah siina xoojinaysa daris wanaaga labada wadan ayaa maalmihiiba waxaa kulan kayeeshay gudiyo kasocday labada dhinac iyadoo dhanka deegaanka soomaalida itoobiya ay kasocdeen: gudoomiyaha gobolka doolo mudane Maxamuud Cali, janaralka ciidamada difaaca qaranka ee kifladoorka 13,aad mudane janaraal Khadiir, janaraalka ciidanka gaarka ah ee liyuu booliska mudane janaraal Cabdiraxmaan Cabdulaahi Buraale iyo xubno kale. dhanka galmudugna wasiirka madaxtooyada galmudug mudane xuseen qaasim yuusuf, wasiirka amniga galmudug mudane Cismaan Ciise Nuur, taliyaha nabadsugida galmudug mudane saadiq cumar xasan iyo taliye kuxigeenka ciidanka galmudug qaybta 21,aad mudane cabdulaahi aadan xuseen (ciro).

Jigjiga( Cakaaranews )Axad 15 May 2016. Munaasabad lagu abaalmarinayay waxsoosaarka faaiidada shirkadaha farsamada gacanta oo ay goobjoog ka ahaayeen dhamaan heerarka kaladuwan ee hogaaminta XDSHSI ee heer deegaan, Heer Gobol iyo Heer Degmo oo uu ugu horeeyo Madaxwaynaha DDSI mudane Cabdi Maxamuud Cumar, wasiirudawlayaal heer federal ah iyo marti sharaf kale ayaa caawa kadhacday Hoolka shirarka ee Kaali.

Hadaba mid kamid ah qorshayaasha ay xukuumadu u qaadatay in ay saboolnimada kaga saarto shacabka ayaa ah kor u qaadida waxbarashada farsamada gacanta iyo xirfadaha iyadoo sagaalka gobol ee deegaanka ka samaysay 9 kuliyadood oo lagu barto nooc kasta oo farsamo gacan ah.

Sidaadarteed, ardaydii  kaqalinjabisay kuliyadaha farsamooyinka gacanta iyo xirfadaha ee gobolka shabeele, Qoraxay iyo jigjiiga ayaa la isugu xidhay shirkado soosaara qalabyada kaladuwan sida kuraasta, miisaska, sabuuradaha, sariiraha, iyo marfashyada kuwaas oo ay kamidyihiin shirkada Halgan, Tayo-wanaag, Bulxan,  Miyir, Daruuri iyo Dahare iyagoo caawa hoolka shirarka ee kaali lagu abaalmariyay kadib markii ay hirgaliyeen qorshihii ay xukuumadu saboolnimda kaga saaraysay shacabkeeda iyo kagudubkii fikirkii cidhiidhyanaa ee mashaqaystenimada.

Sikastaba ha ahaatee, shirkadahan oo isugu jira agoontii ciidanka gaarka ah, hormuudkii nabada qaatay ee horay uga midka ahaan jiray nabad diidkii UBBO, dhalintii deegaanka ee kuliyadaha farsamooyinka ka soo qalinjabisay ayaa waxaa lagu abaalmariyay waxsoosaarkoodii farsamada gacanta iyagoo dugsiyada deegaanka u sameeyay in kabadan 40kun oo kursi iyo miisas. Waxayna faa’iidada ay ka heleen waxsoosaarkoodu uu noqday sidan: shirkada Halgan 1.784,861, Tayowanaag 1.757,251,Bulxan 1,784,861, Miyir 1,512,275, Daruuri 1,092,352, Dahare 1.512,275. Kuwaas Oo wadarta faaiidada ay heleen ay noqonayso 9,443,875.

Abaalmarintan ayaa waxaa gudoonsiiyay shirkadaha wasiiiru dawlaha wasaarada isgaadhsiinta xogaha casriga ah JDFI Marwo ifraax cali muuse, wasiiru dawlaha xafiiska Raisal wasaaraha JDFI marwo farxiya Maxamed Cumar, wasiirka Xafiiska Tababarada Farsamada iyo Xirfadaha DDSI mudane Naasir Xasan Axmed iyo waliba Wasiir kuxigeenka Xafiiska Maamulka DDSI mudane Ibraahim Aadan Mahad

Ugudanbayna waxaa halkaas iyana lagu abaal mariyay kuliyadaha farsamada gacanta iyo xirfadahada DDSI ee shabeele, Qoraxay, iyo Jigjiga.

Jigjiga (cakaaranews) Isniin 16ka May 2016. Kadib markii loo qabtay tababar heerarka kala duwan ee hogaaminta XDSHSI islamarkaana uu ka socday hoolka shirarka ee kaali mudo 10 maalmood ah ayaa maanta lagu soo gunaanaday munaasabad lagu maamusayo soo dhawaynta xuska sanad-guurada25aad ee 20ka Ginboot

Hadaba munaasabadan ayaa waxaa khudbad muhiim ah ka soo jeediyay Madaxwaynaha DDSI mudane Cabdi Maxamuud Cumar oo sheegay in munaasabadan lagu soo dhawaynayo xuska sanad guurada 25aad ee 20ka Ginboot oo ah maalinkii afka dhulka loo daray  kaligii taliskii dhargiga islamarkaana ay tahay maalin mudan in lasoo dhaweeyo iyadoo munaasabadanina ay tahay tii ugu horaysay ee sidan oo kale u dhacda maadaama oo ay u dhanyihiin guriga dhamaan Heerarka kala duwan ee hogaaminta XDSHSI sida hogaamintii heer-deegaan ilaa iyo heer degmo. Wuxuuna Madaxwaynahu intaa ku daray in xiligii laga takhalusay kaligii taliskii dhargiga 1983 ay xisbiga talada dalka JDFI haya ee  EPRDF qabteen munaasabad soo dhawayna oo ku beegnayd maanta oo ay tahay taariikhdu 8da Ginboot. Wuxuuna hadalkiisii ku soo gunaanaday odhaahyo dhiiri galin ah oo ay kamid ahaayeen dib-u curashadu hawaarto.

Sikastaba ha ahaatee, waxaa iyaguna dhinacooda ciyaaro wacdaro leh ku soo bandhigay ardayda hooyga agoonta waalidkood nabad diidka UBBO uu laayeey ee magaalada jigjiga. kuwaasoo soo bandhigay ciyaaro aad u farxad galiyay guriga oo ahaa ciyaaraha sarkiska qaybahooda kaladuwan.

Ugudanbayna munaasabadan oo ay u dhanaayeen dhamaan qaab-dhismeedka DDSI qaybahooda kaladawan iyo waliba dhamaan shaqaalaha heer deegaan ayaa waxaa iyana meesha kamaqnayn kooxaha fanka iyo suugaanta oo halkaas  ku soo bandhigay heeso wadani ah oo katurjumaya 20ka Ginboot iyo waliba heeso katurjumaya horumarka balaadhan ee deegaanka ka hanaqaaday.

Jigjiga( cakaaranews )Talaado 17ka May 2016. Kulan video conference lagu yeeshay islamarkaana lagaga wada hadlayey Hawlaha abaabulka guulaha sanad guurada 25aad ee 20ka ginboot ayaa kaqabsoomay Hoolka shirarka ee maqal iyo muuqaalka ee xafiska adeega shacabka iyo horumarinta cududa shaqaalaha DDSI. Kaasoo ay kasooqayb galeen wasiiru dawlayaal, madax xafiiseedyo iyo agaasimada xidhiidhka dadwaynaha ee  dawlad deegaanada dalka JDF.I iyada oo ay deegaankeena uga qayb galeen wasiirka xafiiska xidhiidhka arrimaha dawlada, dhaqanka iyo dalxiiska DDSI Mudane eng. idiris ismaacil oo ay wehelinayeen xubnaha xidhiidhka dadwaynaha ee xafiisyada heer deegaan.

Hadaba wasiiru dawlaha Hay'adaha dawlada ee Golaha wakiilada shacabka  JDFI mudane Amanuel oo kulankan Hogaaminayey ayaa sheegay in soo dhawaynta xuska sanad guurada 25aad ee 20ka ginboot ay muhiim tahay in lagu xuso waxqabadyadii ay qabteen deegaanadu isagoo Xukuumada DDSI Ku amaanay waxqabadka wanaagsan ee dhinacyada horumarka iyo maamulka suuban. Wuxuuna carabka ku dhuftay in dimuqraadiyada iyo horumarka dalku uu marayo meeshii ugu fiicnayd ee uu abid soomaro.

Sidookale, waxaa isna dhinaciisa ka hadlay wasiirka xafiiska xidhiidhka arrimaha dawlada, dhaqanka iyo dalxiiska DDSI Mudane eng. idiris ismaacil oo sheegay in shirkan lagaga wada arinsanayay soo dhawaynta iyo abaabulka sanad-guurada 25aad ee 20ka ginboot. Wuxuuna intaa ku daray in xukuumada iyo XDSHSI ay wadaan diyaar garaw adag oo loogu jiro munaasabada 20ka ginboot oo ay kadhimantahay 11 cisho oo kaliya iyadoo shirkana uu ahaa mid ay deegaanada iyo ismaamuladu ay iskula qaada dhigayeen waxqabadkii dawlada 25ka sano dhinacyada horumarka iyo maamulka suuban. Wuxuuna wasiirku xusay inay wakaaladaha wararka ee WAALTA, EBC iyo Wakaalada warbahinta DDSI ay deegaanka kawadaan dukumentry film 20ka ginboot ah xafiskiisuna uu daabici doono documentiyada guulahii lagaadhay 25ka sano.

Ugu danbayna waxaa ka hadlay shirkan gadhwadeenka xidhidhidhka deegaanada ee Wasaarada xidhidhka arrimaha dawlada JDFI Ato yamane Abraham oo ku booriyay dhamaan xubnihii kasoo qaybgalay in door kooda kaga aadan ay kaqaataan horumarka dalka islamarkaana ay baahiyaan bulshadana gaadhsiiyaan wixii laqabtay iyo waliba waxa laqaban doono intaba.

Adhisababa( Cakaaranews ) Khamiis, 21ka April 2016. Madaxwaynaha DDSI mudane Cabdi Maxamuud Cumar oo uu weheliyo Wasiirka Wasaarada Shaqada iyo Shaqaalaha JDFI mudane Cabdifataax Sheekh Cabdulaahi ayaa maanta kulan qado sharaf ah oo si heer sare ah loo soo agaasimay Madaxwaynaha Puntland mudane Cabdiwali Maxamed Cali gaas ugu sameeyay huteelka caalamiga ah ee Sheraton ee kuyaala xarunta dalka ee adhisababa.

Kulankan oo ay goob joog ka ahaayeen mudane Dr. Guray Fidaar, mudane Bashiir Cabdulaahi Caydaruus, iyo waliba xubno kale oo labada dhinac wehelinayay ayay ujeedadiisu ahayd ugu horayn soo dhawayn uu madaxwayne Cabdi Maxamuud Cumar dalka kusoo dhawaynayay madaxwaynaha Puntland mudane Cabdiwali Maxamed Cali Gaas iyo waliba in laga wada hadlo hawlaha argagixisada al-qushaash.

Hadaba Madaxwaynaha DDSI mudane Cabdi Maxamuud Cumar ayaa soo dhawayn iyo qado sharaftii kadib madaxwaynaha puntland kalahadlay xaaladaha argagixisada isagoo tilmaamay in argagixisada ay si cilmiyaysan ugala dagaalamaan dhanka istaratiijiyada iyo in guud ahaan shacabka soomaaliya ay uguntadaan sidii ay gacantooda iskaga celin lahaayeen ugulana dagaalami lahaayeen dhamaanba ururada argagixisada. Wuxuuna madaxwaynuhu intaa raaciyay in xukuumada DDSI iyo shacabka deegaankeeduba ay hadh iyo habeenba utaagan yihiin ladagaalanka argagixisada iyo garab istaaga shacabka soomaaliya isagoo xukuumada puntland uga mahadceliyay guulaha ay kakeeneen dagaaladii ay lagaleen argagixisada kuna booriyay inay halkaa kasii wadaan.

Dhinaca kalana, madaxwaynaha puntland mudane Cabdiwali Maxamed Cali iyo xubnihii weheliyay ayaa mahadnaq balaadhan halkaa uga soo jeediyay JDFI ee uu hogaanka uhayo raisal wasaare Hailemariam Desalegn, xukuumada DDSI oo ugu horeeyo madaxwayne CMC iyo guud ahaan shacabka dalka gaar ahaana shacabka DDSI iyagoo sheegay inay aad ugu faraxsan yihiin kulankan iyo waliba inay khibrad dhaxal-gal ah kaqaateen.

Ugudanbayna, kulan sharafeedkii ayaa kusoo gabagaboobay guul iyo in si wadajir ah loola dagaalamo ururada argagixisada ee gabbaadka kadhiganaya diinteena islaamka.

Hadhagaale(Cakaaranews )Khamiis 21ka April 2016, Gudoomiyaha Degmada Hadhagaala Ee Gobolka Siti mudane khadar Abiib Cimsmaan oo u waramay shabakada wararka ee cakaaranews ayaa sheegay in lagu guulaystay qorshihii cagaarinta, tabicii beeraha iyo waliba kafaa’iidaysiga Biyo-xidheenkii Degmada Hadhagaale oo bilaabay adeegii loogu talagalay kadib markii ay raxmadihii roobku buux dhaafiyeen.

Gudoomiyaha oo hadalkiisii sii wata ayaa cadeeyay In biyo xidheenkii degmada uu si fiican u buuxsamay kadibna uu bilaabay adeegii shacabka oo ahaa in looga faaiidaysto beeraha. Wuxuuna  intaa kudaray in ka maamul ahaan ay guda galeen inay shacabka ku abaabulaan sidii ay beero uga qodan lahaayeen islamarkaana qaar kamida bulshada ay bilaabeen qodoshada10kii hector ee ugu horeeyay.

Dhinaca kale wuxuu gudoomiyuhu xusay in lagu guulaystay qorshihii cagaarinta iyo wax soosaarka beerihii qorshaysnaa islamarkaana calafkii xoolaha ee lagu beeray dhulbeereed dhan 300 hector qabalaha Gabi uu sifiican usoo baxay. Wuxuuna hadalkiisii ku gabagabeeyay in lagu guda jiro goyntii calafka xoolaha iyadooy  garab socoto qaybintii calafka xoolaha ee loogu talagalay shacabka ay saamaysay abaartu.

Jigjiga( Cakaaranews ) jamce, 22ka April 2016. Madaxwaynaha DDSI mudane Cabdi Maxamuud Cumar ayaa kadib markay usoo xidhmeen shirarkii kaladuwanaa ee todobaadyadanba uga socday xarunta dalka ee lagaga wada hadlayay xaaladaha guud ee horumarka dalka iyo higsiga sanadaha xiga ayaa maanta dib ugu soo laabtay xarunta deegaanka ee magaalada jigjiga isagoo wakhti xaadirkan soo gaadhay xarunta.

Waxaana madaxwaynaha socdaalkan kuwehelinaya wafti balaadhan oo uu kamid yahay wasiiru Dawlaha wasaarada waxbarashada JDFI mudane Dilaye Getu maadaama oo shirka waxbarashada heer qaran oo ay kasoo qaybgalayaan dhamaan dawlada deegaanada dalka iyo ismaamuladuba lagu qabanayo xarunta deegaanka ee magaalada jigjjiga.

Hadaba madaxwaynaha iyo waftigan weheliya ayaa kusoo beegmay xili ay deegaanka kabilaabmeen roobabkii gugu oo dhulku wada cagaaran yahay islamarkaana aad ugu riyaaqay raxmada roobka. Wuxuuna madaxwaynuhu si wayn eebe uga mahadceliyay raxmada roobka ee sida balaadhan deegaanka uga curatay.

Hargeele( Cakaaranews ) Jamce, 22ka April 2016. Waxaa maanta xarunta gobolka afdheer ee magaalada hargeele kabilaabmay ol-olihii talaalka cudurka dabaysha wareegiisa 8, aad oo uu weheliyo talaalka cudurka jadeecada ee carruurta da'doodu kahoosayso 5ta sano iyo waliba diwaangalinta hooyooyinka isufuranku kudhacay.

Hadaba daah-furkii ololahan ayaa waxaa kahadlay gudoomiye kuxigeenka gobolka afdheer mudane Cabdi Maxamed Ibraahin oo ay weheliyaan kusimaha xafiiska maamulka degmada hargeele mudane Isaaq cabdulaahi qayliye, madaxa xafiiska caafimaadka ee degmada mudane axmed soocane iyo waliba focalka personka caafimaadka gobolka afdheer oo dhamaantoodba bulshada usheegay inay caruurtooda katalaalaan cudurada dilaaga ah sida: cudurka dabaysha iyo jadeecada iyagoo kuwacyigaliyay inay dawadoodu tahay cudurada noocan ah talaalkan oo kali ah. Halkaas oo uu dhibicdii ugu horeysay gudoomiyuhu kuxigeenka gobolku kudhibciyay ilmihii 1,aad.

Talaalkan oo guud ahaanba kabilaabmay deegaanka ayaa si habsami ah uga socda gaar ahaan degmooyinka gobolku kakooban yahay iyadoo ay kafulinayaan xirfadlayaal caafimaad goob kasta.

Dhanka kalana, hooyooyinka degan dhamaan degmooyinka gobolka afdheer oo si fiican ugu baraarugsan waxtarka uu talaalkani leeyahay ayaa soo dhaweeyay bilawga talaaladan iyaggoo caruurtoodana udiyaariyay inay katalaalaan cudurada dilaaga ah.

Jigjiga(cakaaranews) jimce, 22 April 2016, Waxaa guud ahaanba maanta deegaanka ka bilowday ol-olaha isku dhafka ah ee talaalka ka hortaga  cudurka dabaysha iyo jadeecada haddaba Xaflad si heer sare ah loo soo agaasimay oo lagu daah'furayay ol'olaha talaalka isku-dhafka ah ee ka hortaga cudurada Jadeecada iyo Dabaysha/Polio  ayaa maanta ka qabsoontay hoolka Shirarka ee xafiiska caafimaadka DDSI.

Xafladan   ayaa waxaa ka soo qaybgalay masuuliyiin  sare   oo ay ka mid yihiin madaxwayne ku xigeenka DDSI ahna wasiirka waxbarashada  mudane Mawliid Haayir Xasan,  wasiirka caafimaadka DDSI mudane cabdifataax siciid maxamed, masuuliyiin heer deegaan ah, shaqaalaha xafiiska caafimaadka DDSI iyo qaarka mid ah  bulshada qaybaheeda kala duwan.

Waxaana   ugu horayn ka hadlay daah-furkii xafladan wasiirka  caafimaadka DDSI mudane Cabdifataax Siciid Maxamed oo si kooban u soo jeediyay ujeedada iyo ahmiyada uu leeyahay talaalka isku dhafka ah ee ka hortaga cudurada Jadeecada iyo Dabaysha ee laga talaalayo caruurta dadoodu ka yar tahay 5 sano jir halka cudurka jadeecadana laga talaalayo caruurta da,doodu ka yar tahay 15 sano jir.Wasiirka ayaa fariin u diray dhamaan masuuliinta heer deegaan, gobol, degmo, heer tuulo, xirfadlayaasha caafimaadka iyo waliba waalidiinta dhashay caruurta in laga wada shaqeeyo sidii ilmo kasta u  heli lahaa talaalka isku dhafka ah ee dabaysha iyo  jadeecada

Madaxwayne ku xigeenka DDSI ahna wasiirka waxbarashada  mudane Mawliid Haayir ayaa wakhti ay masuuliyiintani ku guda jireen socdaal  xaafadaha u dhaw goobta ay xaflada ka dhacaysay gacantiisa ku talaalay  qaarka mid ah caruurta joogtay  guryahaasi  madaxwayne ku xigeenka oo la hadlay warbaahinta deegaanka  ayaa ka warbixiyay ahmiyada uu leeyahay talaalkani isaga oo  u mahad celiyay xafiiska caafimaadka dadaalka uu ugu jiro sidii loo gaadhsiin lahaa talaalkan dhamaan caruurta ay tahay da,doodu in la talaalo. Wuxuuna kula dar-daarmay waalidiinta u badka dhalay inay uga faa'iideeyaan u badka si looga guulaysto ka hortaga  cudurka dabaysha iyo jadeecada.

Dhankiisa  ku simaha  gadhwadeenka geedi socodka ka hortaga cudurada, kor uqaadida caafimaadka iyo fidinta caafimaadka ahna xidhiidhiyaha kor uqaadida caafimaadka, nadaafada iyo fayadhowrka xafiiska caafimaadka DDSI mudane Cabdishakuur Cabdulaahi ayaa u sheegay warbaahinta deegaanka  in  talaalkan isku dhafka ah lagu talaalidoono caruur tiradoodu dhan tahay 3,813,724 ilmood. isaga oo tilmaamay masuulku  in uu talaalkani ka socon doono guud ahaanba deegaanka  muddo 7ba maalmood ah.

Jigjiga( Cakaaranews ) Sabti, 23ka April 2016. Hogaanka nabadgelyada maamulka iyo cadaalada DDSI mudane Yaasiin Cabdi Waris ayaa sheegay in maleeshiyaad isugu jiray al-qushaash iyo galmudug oo si qabiil ah uwada socday oo ay hogaaminayeen hogaaminta gal-mudug  ay ciidamada sida raha ubooda ee liyuu boolisku  indhaha ugu shideen cashar lama ilaawaan ahna kusiiyeen qabalaha Daac-dheer ee degmada Galaadi ee gobolka doolo kadib markii ay dhawr jeer iskudayeen inay si xoog ah calankooda ugataagaan qabalahaas iyagoo weerar gardaro cad ah maanta kusoo qaaday maleeshiyo qabalee iyo shacabkii deganaa daac-dheer oo waliba baryahanba warbaahinada kalagadisan kasheegayay inay weerar qaadi doonaan. Dhinaca kalana iskadhigayay kuwo dacwo, waan-waan iyo wada hadal kula jira xukuumada DDSI.

Weerarkan xaq-darada ah oo ahaa shirqool argagixisonimo oo ay baryahanba maleegayeen maleeshiyaadka al-qushaash iyo galmudug rabeena inay kuwaxyeeleeyaan shacabka rayidka ah ee degan qabalaha Daac-dheer ayay kufashilmeen iyagoo halkaa ay ciidamada sida gaarka ah u tababaran ee liyuu boolisku talaabo sharci ah oo aysan dib danbe u hawaysanin gudaha xadka deegaanka kaga qaadeen. Tiknikadii ay wateena kugubeen islamarkaana kaga furteen goobtaas hubkii ay wateen. Shacabkii iyo deegaankii ay kusoo duuleena halkaa kaga bad-baadiyey.

Ugudanbayna, hogaanka ayaa xusay inay layaab tahay dharaar kuriyoodka maleeshiyada al-qushaash iyo galmudug ay kudamceen inay tuulooyinka ay kamid tahay daac-dheer ay kataagaan calankii al-qushaash iyagoo si dhab ah u og kana dharagsan inay tuulooyinkaasi kamid yihiin deegaanka soomaalida itoobiya.

   Wixii dib kasoo kordha kala soco www.cakaaranews.com

Jigjiga (Cakaaranews) Sabti, 23ka April 2016. Madaxwaynaha DDSI mudane Cabdi Maxamuud Cumar ayaa Gagida diyaaradaha caalamiga ah ee garaad wiil waal si heer sare ah saaka ugu soo dhaweeyay wasiirka wasaarada waxbarashada JDFI mudane Shiferaw Shigute.

Soo dhawayn kadibna, waxaa wasiirka loo sii qaaday hoolka shirarka ee qaryaan dhoodaan oo ay diyaar ku ahaayeen dhamaan xafiisyada waxbarashada dawlad degaanada dalka iyo ismaamulada ee ka qayb Qaadanaya shirwaynaha qiimaynta waxqabadka waxbarashada 9ka bilood ee sanadkan 2008TI isagoo sii indha-indheeyay dhismayaasha xarunta madaxtooyada ee cusub.

Hadaba shirwaynaha qiimaynta waxqabadka waxbarashada ee 9ka bilood ayaa waxaa si rasmi ah u  furay madaxwaynaha DDSI mudane Cabdi Maxamuud Cumar oo uu masraxa kusoo dhaweeyay Mw kuxigeenka ahna wasiirka waxbarashada DDSI mudane Mawliid Haayir Xasan. Madaxwayne CMC ayaana halkaa kasoo jeediyay khudbad uu kaga waramayay isbadalka guud ee deegaanka ka hanaqaaday isagoo si gaar ah xooga usaarayay isbadalka guud ee xaalada waxbarashada deegaanka. Wuxuuna cadeeyay in si loo tayeeyo waxbarashada la isu dheelitiray saamiga ardayga iyo macalinka, ardayga iyo buuga, ardayga iyo fasalka, iyo ardayga iyo kursiga. Waxaana arintan tusaale cad u ah ayuu yidhi madaxwaynuhu in sanadkan gudihiisa lasoo daabacay buugaag dhan 4 milyan iyo dheeraad.

Dhanka kalana wasiirka wasaarada waxbarashada JDFI mudane shiferaw shigute oo  isna furitaankii  shirwaynaha qiimaynta ka hadlay ayaa sheegay in uu shirwaynuhu sidaa ugu furan yahay oo ay guda gali doonaan qiimayntii waxqabadka waxbarashada 9kii bilood ee lasoo dhaafay iyo waliba qorshaha higsiga sanadaha xiga.

Kala soco wararka shirwaynahan www. Cakaaranews.com

Jigjiga (cakaaranews) sabti 23, April, 2016 Waxaa maanta ka furmay xarunta deegaanka ee jigjiga  tababar ku saabsan jihooyinka looga hortaga cudurka  HIV/AIDIS, waxaana tababarkaasi soo diyaariyay xafiiska ka hortaga iyo xakamaynta cudurka HIV/AIDISKA  ee DDSI.

Tababarkaasi oo  loo qabtay xubnaha hormuudka ah ee xaafadaha  maamulka magaalada jigjiga ayaa waxay ujeedadiisu ahayd sidii  xubnahani fahan buuxa looga siin lahaa  nidaamka looga hortago loona xamakeeyo cudurka HIV/AIDISKA.

Waxaana  furitaankii tababarkan  ugu horayn  ka hadashay wasiirka  xafiiska ka hortaga iyo xakamaynta HIV/AIDS KA Marwo Kaamil Axmed Nuur oo sheegtay in ujeedada tababarku yahay sidi fahan buuxda looga siin lahaa xubnaha ka soo qaybgalayaasha tababarka nidaamka ka hortaga iyo xakamaynta HIVAIDIS ka,  Iyadoo wasiradu kula dardaarantay xubnihii ka soo qaybgalayaasha in mudada uu socdo tababarkani ka faa-iidaystaan  iyada oo tidhi”  si uuna qofna si cusub u qaadin HIV/AIDIS ka aan ka soo baxno masuuliyada inaga saaran ka hortaga iyo xakamaynta HIV/AIDISka.

Jigjiga( Cakaaranews ) Sabti, 23ka April 2016. Madaxwaynaha DDSI mudane Cabdi Maxamuud Cumar ayaa galinkii danbe ee maanta shirkii qiimaynta gobolada iyo degmooyinka kafuray hoolka xarunta madaxtooyada DDSI.

Hadaba shirkan qiimaynta ah oo ay kasoo qaybgaleen maamulada gobolada iyo degmooyinka ayuu madaxwaynuhu u sheegay in ujeedadiisu tahay qiimayn si gaar ah loogu eegayo biyo-xidheenadii ay degmooyinka deegaanku sameeyeen iyadoo qiimaynta lagu cabirayo baaxada, dhererka, balaca, goobta laga xushay, awooda uu uleeyahay biyo-xidheenku inuu biyo aad u badan kaydin karo iyo in kale, sida loo tashiilay miisaaniyadii loo qabtay iyo waliba biyaha galay haatan inta ay le’egyihiin. Wuxuuna madaxwaynuhu tilmaamay inuu gobol kasta warbixinta degmooyinkiisa projector kusoo jeediyo una soo dhigaan warbixintooda si itus oo taabsii ah oo cad-cadaani kudheehan tahay iyadoo gudigii dabagalkuna ay halkaa kasoo jeedinayaan warbixinta wixii ay kusoo arkeen qiimayntii ay kusoo mareen biyo-xidheenada.

Waxaana ilaa haaatan lasoo afmeeray qiimaynta labada gobol ee afdheer iyo sitti iyadoo halkaa kasii socon doonto maalinta bari ah. Hadii alle idmo.

Jigjiga(cakaaranews) Axad, 24, April, 2016, Waxaa maalintii labaad ka socda hoolka shirarka ee qaryaan dhoodaan shirwaynihii qiimaynta waxbarashada heer qaran ee waxqaadka  sagaalkii bilood ee ugu danbeeyay  waxaana qiimayntan  diirada lagu  saarayaa nidaamka fulineed ee  qorshihii  waxqabadka 9kii bilood ee u yaalay  xafiisyada waxbarashada deegaanada iyo wasaarada waxbarashada  dalka.

Shirkan qiimaynta ah oo uu hogaaminayo wasiirka wasaarada waxbarashada JDFI mudane Shiferaw Shiguteayaa waxa lagu soo bandhigayaa warbixinada waxqabadka xafiisyada deegaanada dalka iyada oo uu deegaan kastaaba soo jeedinayo waxqabadkii iyo guulihii uu ka soo hooyay qorshihii u yaalay xafiisyada deegaanada iyo wasaarada waxbarshada dalkeena itoobiya.

waxaana maanta ilaa shalay la dhagaystay warbixinada qaar ka mid xafiisyada waxbarashada deegaanada dalka taasi oo ay ka muuqatay guulaha laga soo hooyay fulinta qorshihii u yaalay xafiisyada waxbarashada deegaanada shirkan qiimaynta ah ayaa sii socon-doona ilaa maalinta barito ah.

Hudhet(cakaaranews) axad, 24ka, April, 2016   tababar loo qabtay qaybaha kala duwan ee haweenka sida ururada haweenka iyo hooyooyinka ayaa ka dhacay hoolka shirarka ee degmada hudhat ee gobolka Daawa.  Waxayna ujeedadiisu ahayd sidii loo dabargoyn lahaa caadooyinka xun xun ee ay ka mid yihiin gudniinka fircooniga ah, guurka deg dega ah ee hablaha yar yar iyo guud ahaanba wixii la xidhiidhka caadooyinka xun xun.

Waxaana furitaankii tababarkaasi ka hadlay gudoomiyaha degmada hudhat mudane Axmed Ibraahin Xuseen oo sheegay ahmiyada uu tababarkani leeyahay isaga oo sheegay in ay xukuumada DDSI dadaal  balaadhan u gashay sidii loo tir tiri lahaa caadooyinka xun xun ee bulshada saamaynta ku keenaya. Gudoomiyaha ayaa kula dar-daarmay ka soo qaybgalayaasha tababarka in ay  sidii loogu talagalay uga faa-iidaystaan  mudada uu socda.  

Jigjiga(cakaaranews) axad, 24ka, April, 2016 dood cilmiyeed uu soo diyaariyay xafiiska ka hortaga iyo xakamaynta cudurka HIV/AIDISKA  DDSI ayaa ka dhacay caasimada deegaanka ee jigjiga. Dood cilmiyeedkaa ayaa waxa loo qabtay culimo awdiinka ku dhaqan caasimada deegaanka ee jigjiga.

Dood cilmiyeedkan ayaa waxay ujeedadiisu ahayd doorka ay culimo awdiinku ku leeyihiin ka hortaga iyo  la dagaalanka cudurka HIV/ADISKA gaar ahaan ka wacyigalinta  qaybaha kala duwan ee bulshada

Waxaana ugu horayntii ka hadashay dood cilmiyeedkaa wasiirka xafiiska ka hortaga iyo  xakamaynta cudurka HIV/AIDISKA marwo Kaamila Axmed Nuur waxayna soo jeedisay warbixin qoto dheer oo ku salaysan kaalinta ay culimo awdiinku ku leeyihiin xakamaynta iyo ka hortaga cudurka HIV/AIDISKA  wasiirada ayaa sheegtay in dood cilmiyeedkani yahay  mid sii xoojinaya qorshayaasha lagaga hortagayo cudurka HIV/ADISKA.

Isku soo wada duub oo xafiiska ka hortaga iyo xakamaynta cudurka HIV/ADISKA ee DDSI ayaa dadaal xoogan ugu jira  wacyigalinta bulshada iyo dood ciliyeedada lagaga doodayo  siyaabaha looga hortaga cudurkan si  loo helo bulsho ka nadiif ah cudurkan oo aanu qofka u dhiman cudurka HIV/AIDISKA.  

Jigjiga( Cakaaranews ) Isniin, 25ka April 2016. Madaxwaynaha DDSI mudane Cabdi Maxamuud Cumar ayaa Kadib qiimayntii 3da maalmood u socotay gobolada iyo degmooyinka deegaanka ee kusalaysnayd biyo-xidheenadii ay sameeyeen oo lagu kalasaarayay degmooyinka qaab dhismeedkii ay u sameeyeen ayuu maanta soo gunaanaday.

Qiimayntan oo ahayd mid si cad-cadaani kudheehan tahay loo qabtay oo lagu xulanayay degmooyinka biyo-xidheenada ugu wanaagsan sameeyay iyo kuwa kagaabiyay islamarkaana loo diyaariyay abaal-marin gawaadhi ah degmooyinka darajada 1,aad kuguulaysta iyo waliba abaal-marin kale degmooyinka darajada 2,aad gala ayaa hoolka xarunta madaxtooyada lagu soo xidhay.

Hadaba madaxwayne Cabdi Maxamuud Cumar oo kahadlay gabagabada qiimayntan ayaa sheegay in dhamaan degmooyinku ay qabteen shaqo wanaagsan oo bilaw ah laakiin ay kukala horeeyaan dhinaca waxqabadka shaqo badan oo dhimana ay jirto isagoo kadib hoolka usoo bandhigay inay iyagu kudhawaaqaan degmooyinka kaalmaha hore galay maadaama oo ay goob joog u ahaayeen qiimaynta.

Guriga ayaana cod buuxa ku ansixiyay degmooyinka biyo-xidheenada ugu wanaagsan sameeyay ee darajada 1, aad oo kala ah:

1.       Degmada Godey biyo-xidheenka qabalaha Hadhaawe

2.       Degmada Awbare biyo-xidheenka qabalaha Dilaaca Sheekh Cali

3.       Degmada Dhagaxbuur biyo-xidheenka qabalaha Hoodaale

Waxaana biyo-xidheenada darajada 2, aad loo qaatay biyo-xidheenada shilaabo, jigjiga iyo hudhat oo iyana loo diyaariyay shilimaadyo kale iyadoo si guudna xaflad gunaanad ah loo qabanayo habeen danbe dhamaanba gobolada iyo degmooyinka.

Jigjiga( Cakaaranews ) Isniin, 25ka April 2016. Madaxwaynaha DDSI mudane Cabdi Maxamuud Cumar oo uu weheliyo madaxwayne kuxigeenka ahna wasiirka waxbarashada DDSI mudane Mowliid Haayir Xasan ayaa duhurnimadii maanta gagida diyaaradaha caalamiga ah ee Garaad Wiil-waal kusii dhaweeyay wasiirka wasaarada waxbarashada JDFI mudane Shiferaw Shigute iyo waftigii wehelinayay kadib markii ay xarunta deegaanka kusoo gabagabeeyeen shirkii qiimaynta waxqabadka waxbarashada 9kii bilood ee sanadkan 2008TI.

Madaxwaynaha ayaana halkaa Wasiirka ku gudoonsiiyay hadiyad dhaqameed muujinaysa hidaha iyo dhaqanka uu shacabwaynaha deegaanku leeyahay isagoo wasiirka iyo waftigiisu halkaa uga dhoofeen xarunta dalka ee adhisababa.

Jigjiga( Cakaaranews ) Talaado, 26ka April 2016. Madaxwaynaha DDSI mudane  Cabdi Maxamuud Cumar ayaa saaka soo afmeeray shirkii qiimaynta mashaariicaha biyo-xidheenada waa wayn ee kala ah: baka, goomaar, wiji-waaji iyo maraacaato isagoo kubooriyay in mudo 10 cisho ah lagu dhamaystiro waxa dhiman.

Hadaba shirkadaha iyo engineerada gacanta kuhaya mashaariicahan ayaa dhankooda balanqaaday inay kaga soo bixi doonaan mudada loo cayimay dhamaystirka waajibaadka shaqooyinka uyaala.

Dhanka kalana, madaxwaynaha DDSI mudane Cabdi Maxamuud Cumar oo uu weheliyo wasiirka ganacsiga iyo gaadiidka DDSI mudane Khadar Cabdi Ismaaciil ayaa gobolada iyo degmooyinka deegaanka kalahadlay arimaha kontarabanka sharci darada ah ee deegaanka soo gala. In kasta oo kontarabanka sharci darada ah aad loo yareeyay 5tii sano ee u danbaysay marka loo eego sanadihii hore. Wuxuuna madaxwaynuhu xusay in mas’uuliyiinta gobolada iyo degmooyinka deegaanku ay wada-shaqayn layeeshaan hay’adaha kuhawlan kahortaga kontarabanka sharci darada ah ee waxyeelaynaya nolosha iyo ganacsiga xorta ah ee kajira guud ahaan dalka.

Sidoo kale, wasiirka ganacsiga iyo gaadiidka mudane Khadar Cabdi Ismaaciil ayaa kawarbixiyay isbadalka waxkaqabad ee uu xafiisku kakeenay dhinaca ladagaalanka kontarabanka sharci darada ah isagoo wada shaqayn toos ahna laleh jibriyada. Wuxuuna wasiirku kula dar-daarmay gobolada iyo degmooyinka inay kasoo dhalaalaan shaqooyinka kaga aadan ladagaalanka kontarabanka.

 Ugudanbayna, gobolada iyo degmooyinka deegaanka ayaa balanqaad balaadhan kasameeyay arintaasi.

Adama(Cakaaranews) Talaado 26ka April 2016. Tababar uu soo agaasimay Wasaarada Adeega Shacabka iyo Horumarinta Cududa Shaqaalaha JDFI islamarkaana ujeedadiisu ahayd  Ka doodida Mashruuca qiimaynta iyo darajaynta Shaqada Ee Job and Evaluation Grade (JEG) iyo waliba daradar galinta shaqooyinka maamulka suuban oo ay kasoo qaybgaleen masuuliyiinta xidhiidhka dadwaynaha iyo masuuliyiinta warbaahinta ee Fadaraalka, deegaanada Dalka iyo labada ismaamul magaalo ayaa maanta lagu soo gabagabeeyay  Ayu International Hotel ee magaalada Adama ee Deegaanka Oromiya.

HadabaTababarkan oo socday mudo sadex cisho ah ayaa waxaa xidhitaankiisii ka hadlay Wasiiru-dawlaha Wasaarada Adeega Shacabka iyo Horumarinta Cududa Shaqaalaha mudane Tamasgan Tilahun  oo sheegay in tababarkan lagu soo bandhigayay faa’iidooyinka uu leeyahay  mashruuca qiimaynta iyo darajaynta shaqada ee looyaqaano (JEG) iyo waliba in shaqooyinkiisii ay soo dhamaadeen islamarkaana larabo in laga hirgaliyo dhamaan dalka sanadka soo socoda ee 2009 T.I. isagoo mashruucani muhiimadiisu ay tahay midaynta dhamaan mushaarka shaqaalaha dawliga ah ee shaqooyinka isku midka ah qabta. Wuxuuna suurta galinayaa in darajooyinka iyo shaqooyinka isku midka ahi ay mushaar iskumid ah noqdaan.

Sikastaba ha ahaatee mashruucan oo shaqooyinkiisa iyo daraasaadkiisu ay soo socotay mudo 4 sono ah ayaa si balaadhan ay uga doodeen masuuliyiintii tababarka qaadanaysay islamarkaana lagu soo gunaanaday si aad u heer saraysa iyadoo masuuliyiintu ay kalaqateen jahooyinkii iyo sidii uu deegaan kasta uga hirgali lahaa sanadka sooscoda ee 2009 T.i.