Jigjiga(Cakaaranews) Sabti 12ka August 2017. Tartankii kubada cagta ee gobolada iyo maamul magaalooyinka  Deegaanka oo maalmahanba kasocday garoonka casriga ah ee xarunta deegaanka ee magaalada jigjiga ayaa waxaa bilowday wareega 8da oo ay maanta wada ciyaareen kooxaha gobolada qoraxey, mm jigjiga, gobolka daawa iyo gobolka sitti.

Waxaana saaka aroornimadii ciyaar xiisa leh dhexmartay kooxda gobolka daawa iyo kooxada mm jigjiga ciyaartan oo tageero aad utira badan soo buux dhaiyeen garoonka ayaa waxay wakhtigii loogu talagalay ku dhamaatay 1-0 oo ay guushu ku raacday kooxda gobolka daawa, sidaasna ay kooxda gobolka daawa oogu gudbeen wareega 4ta.

Dhanka kale waxay galinkii danbe maanta ciyaar aad uxiisa badan oo lawada sugayay dhex maratay kooxda gobolka Sitti iyo kooxda gobolka Daawa, Ciyaartan oo ay kooxda gobolka sitti soo bandhigtay ciyaar wanaaga ayaa waxay wakhtigii loo talagalay kusoo dhamaatay 1-0 oo ay guusha ku raacday kooxda gobolka Sitti islamarkaana ay iskaxaadiriyeen wareega 4ta.

Sikastaba ha ahaatee tartanka ciyaaraha kala duwan ee ka socda xarunta deegaanka ayaa maraya gabagabo meesha ciyaaraha qaar koodna ay dhamaadeen. Kuwan socdana ay sidii loogu talagalay usocdaan.

Jigjiga(Cakaaranews) Sabti 12ka August 2017. Munaasabad si qurux badan loo soo agaasimay oo ay dulucdeedu ahayd mid lagu qorfaynayay sidii loo xakamayn lahaa loogana hortagi lahaa shilalka gawaadhida loona xoojin lahaa bad-baadada wadooyinka ayaa ka dhacday madasha shirarka ee sayid MCX ee xarunta deegaanka.

Munaasabadan oo uu soo diyaariyay xafiiska Gaadiidka Ganacsiga iyo Warshadaha DDSI ayaa waxaa ka soo qaybgalay masuuliyiin heer deegaan ah, shaqaalaha xafiisyada heer deegaan, ciidanka baanboyda iyo qaybaha kala duwan ee bulshada ku dhaqan caasimada deegaanka ee jigjiga. Munaasabadan oo socdaal lug ah lagu soo maray qaarka mid ah wadooyinka waawayn ee caasimada deegaanka ayaa waxaa ugu horayntii ka hadlay wasiir ku xigeenka madaxtooyada DDSI mudane Cabdiwali Xaaji Maxamed Dalmar oo sheegay in loo baaahan yahay in siwada jir ah looga hortaga sidii loo xakamayn lahaa shilalka gawaadhida iyada oo xooga la saarayo bad-baadada dawooyinka wuxuuna ku booriyay qaybaha kala duwan ee bulshada gaar ahaan cida ay sida tooska ah u khusayso in ay xooga saaraan sidii loo xakamayn lahaa shilalka gawaadhida.

Hadaba  Munaasabadan oo halku dhig looga dhigay”ka hortaga shilalka iyo bad-baadada wadooyinka ayaa ku xaqiijinaynaa dib u curashadeena” ayaa waxaa dhankiisa ka hadlay wasiir ku xigeenka ganacsiga, gaadiidka iyo warshadaha DDSI mudane Axmed Shurgi oo sheegay in xafiiska ganacsiga gaadiidka iyo warshaduhu dadaal xoogan ugu jiro sidii uu u xaqiijin lahaa xakamaynta ,ka hortaga shilalka iyada oo la raacayo shuruucaha deegaanka iyo dalkaba u yaala wasiir ku xigeenka ayaa ku booriyay wadayaasha gawaadhida in ay muujiyaan dadaal xoogan oo lagu xakameeyo shilalka gawaadhida iyo bad-baadada wadooyinka. Dhankooda qaybaha kala duwan ee bulshad ka soo qayb-gashay munaasabada ayaa sheegay in ay siwayn uga soo baxayaan kaalinta kaga aadan sidii loo yarayn lahaa shilalka gadhaadhida iyo bad-baadada wadooyinka.

Jigjiga(Cakaaranews) Axad 13ka August 2017. Inaa-lilaah wa inaa ilayhi raajicuun waxaa maanta ku geeriyooday xarunta deegaanka ee magaalada jigjiga allah ha u naxariistee Marxuumad Faisa Aadan Xuseen oo kasoo shaqaysay mudo warbaahinta deegaanka. Waxayna XDSHSI iyo xukuumada DDSI   tacsi tiiraanyo leh u direen ehelkii, qaraabadii iyo guud ahaanba xukuumada DDSI iyo shacabwaynaha DDSI ee ay  ka geeriyootay marxuumada . Waxayna marxuuda illaahay uga baryeen in uu jano fardowsa ka waraabiyo ehelkii, qaraabadii iyo dhamaan umada ay ka geeriyotdayna samir iyo iimaan kasiiyo.

Jigjiga (cakaaranews)Axad 13ka August 2017. Kulan balaadhan oo uu sooo agaasimay xafiiska waxabartashada DDSI islamarkaana loo qabtay macalimiinta xiliga xagaaga waxkabarata jaamacada jigjiga iyo kuliyada macalimiinta ee Dr Cabdimajiid Xuseen ayaa si habsamileh uga qabsoomay hoolka shirarka ee isla kuliyad.

Kulankan ayaa waxaa kasooqaybgalay wasiir-kuxigeenka xafiiska waxbarashada DDSI mudane Maxamuud Axmed Nuur, maareeyaha kuliyada macalimiinta ee Dr Cabdi-Majiid Xuseen Mudane Kifaax Macalin, sidookale, waxa ka soo qaybgalay agaasinada xafiiska waxbarashada, ururka macalimiinta DDSI iyo masuliyin kale

Hadaba, kulankan oo uu shirgudoon ka ahaa wasiir-kuxigeenka xafiiska waxbarashada DDSI mudane Maxmuud Axmed Nuur (Heeryo) ayaa ugu horayn u mahadceliyay dhamaan macalimiinta iyo masuuliyiinta kasooqaybgalay shirkan. Wuxuuna sheegay in shirkan ujeedadiisu tahay in macalimiinta fahan buuxa laga siiyo geedisocodka waxbarasho iyo higsiga waxbarasho islamarkaana la isla falanqeeyo Gaabka iyo dhaliilaha kajira dhanka baris barasho iyo dugsiyada ay kakala yimaadeen macalimiintani. Wuxuuna intaa kudaray in sidookale ujeedada kulankani yahay mid kor loogu qaadayo garaadka waxbarasho ee macalimiinta. Waxuuna tilmaamay in kulankan lagu soo bandhigayo qorsheyaasha xafiiska waxbarashada DDSI, yoolka lahiigsanayo, iyo waliba sidiiloo sixilahaa goldolooladii kajiray dugsiyada sanadkan 2009 T.I. iyo waliba sidii kor loogu qaadi lahaa tayada waxbarashada ee guud ahaan deegaanka..

Sidookalana, Wasiir kuxigeenka  ayaa bareyaasha iyo hogaaminta waxbarashada kula dardaarmay in dugsi kasta laga furo 0 class iyadoo la dardar galinayo waxbarashada caruurta baahida gaarka ah qabta iyo waxbarashada dadka waawayn.

Dhanaca kale, shirkan ayaa waxaa iyana fariimahooda ku’aadan macalimiinta kabixinayay qaarkamid ah agaasimayaasha xafiiska waxbarashada DDSI , waxaana casharada soo bandhigayay khabiiro katirsan xafiiska waxbarashada DDSI.

Ugudanbayna, kaqaybgalayaashii kulankan oo dareenkooda kahadlay ayaa si aad ah u bogaadiyay shaqooyinka wax ku oolka ah iyo guulaha waawayn ee uu xafiisku kasoo hooyiyay hawlaha baris-barasho ee sanadka 2009 T.I taasoo aan suuro gasheen hadii aysan hogaaminta sare ee xafiisku kago’naansho la iman lahayn. Waxayna  ballan qaadeen in ay si adag ugasoo bixi doonaan xilka iyo waajibaadka saaran.

Jigjiga(Cakaaranews) Axad 13ka August 2017. Tartankii kubada cagta ee gobolada iyo maamul magaalooyinka  Deegaanka ee kasocday garoonka casriga ah ee xarunta deegaanka ee magaalada jigjiga ayaa waxaa bilowday wareega 8da oo ay maanta wada ciyaareen kooxaha gobolada Faafan, mm wajaale, gobolka Shabeele iyo gobolka Dollo.

Waxayna saaka aroornimadii ciyaar xiisa leh dhexmartay kooxda gobolka Faafan iyo kooxada mm wajaale ciyaartan oo tageero aad utira badan soo buux dhaiyeen garoonka ayaa waxay wakhtigii loogu talagalay ku dhamaatay barbaro 1-1 waxaana loo dhigay rigoore oo ay guushu ku raacday kooxda mm wajaale , sidaasna ay kooxda mm wajaale oogu gudbeen wareega 4ta.

Dhanka kale waxay galinkii danbe maanta ciyaar aad uxiisa badan oo lawada sugayay dhexmaratay kooxda gobolka Dollo  iyo kooxda gobolka Shabeele, Ciyaartan oo ay kooxda gobolka Dollo soo bandhigtay ciyaar wanaag ayaa waxay wakhtigii loo talagalay kusoo dhamaatay 2-0 oo ay guusha ku raacday kooxda gobolka Dollo islamarkaana ay iskaxaadiriyeen wareega 4ta.

Sikastaba ha ahaatee tartanka ciyaaraha kala duwan ee ka socda xarunta deegaanka ayaa maraya gabagabo meesha ciyaaraha qaar koodna ay dhamaadeen. Kuwan socdana ay sidii loogu talagalay usocdaan.

Dhagaxbuur(cakaaranews), Isniin, 14ka August , 2017. Kulan  balaadhan oo shaqo abuur loogu samaynayay dhalinyaro dhan 797 xubnood  oo ka kooban 78  iskaashato oo laga soo kala xulay xaafadaha maamulka magaalada dhagaxbuur ayaa maanta ka dhacay madasha shirarka ee mm dhagaxbuur.

Haddaba,kulankan  shaqo abuurka loogu samaynayay dhalinyarad  isugu xidhan iskaashatooyinka  ayaa waxaa ka soo qaybgalay masuuliyiin sare oo ay ka mid yihiin wasiirka madaxtooyada DDSI mudane Cabdimahad Maxamed Cabaase, wasiirka maaliyada iyo horumarinta dhaqaalaha DDSI mudane Axmed Cabdi maxamed , maareeyaha ha’yada lacagaha yar yar DDSI mudane maxamed Cabdiraxmaan, masuuliyiin kale iyo xubnaha dhalinyarada shaqo abuurka loo samaynayo.

Waxaana ugu horayntii ka hadlay  kulankan wasiirka madaxtooyada DDSI mudane cabdimahad maxamed cabaase oo si qoto dheer uga warbixiyay jihooyinka iyo istaraatajiyadaha horumarineed ee  u dajisan xukuumada DDSI ee lagu tir tirayo saboolnimada korna loogu qaadayo koboca dhaqaalaha deegaana taasi oo meelaha shiishka la saarayaa tahay shaqo abuurka dhalinyarada deegaanka loona baahan yahay in dhalinyaradu noqdaan kuwa ka midho dhaliya yoolasha loo dajiyay ee la hiigsanayo. Wasiirka ayaa sheegay in ujeedada kulankana tahay sidii loo dhalinyarada bilaa calamka ah loogu samayn lahaa shaqo abuur iyada la dayminayo lacaga ay ku shaqaystaan si  hirgaliyo tir tirida fikirka ma shaqayste nimada wasiirka ayaa intaa ku daray in ka hor inta aan la daymin dhalinyaradan lacagaha loo furayo tababar gaaban oo ku saabsan xirfadaha kala duwan ee ganacsiga

Dhankiisa wasiirka maaliyada iyo horumarinta dhaqaalaha DDSI mudane Axmed Cabdi maxamed  oo ka hadlay kulankaasi ayaa sheegay in  ujeedada kulankani  qayb ka tahay   qorshayaasha ay xukuumada DDSI ku    xoojinayso   abuuritaanka bulsho ku baraarugsan iskuna sharafta shaqada  isku filnaanshaha iyo wax soo saarka kana madaxbanaan  fikirada mashaqayste nimada, shaxaadka iyo dulsaarnimada wasiirka ayaa ku booriyay dhalinyaradan iskugu xidhan iskaashatooyinka in ay xooga saaraan sidii ay u taaba galin lahaayeen meelmarinta qorshahan kana faa’iidaystaan fursadahan ay siiyay xukuumada DDSI.

Ugu danbayntii maaha markii ugu horeesay ee ay xukuumada DDSI shaqo abuur u samaysay dhalinyarada DDSI ee waxay sanadihii ugu daneeyay xooga saartay sidii loo tir tirilahaa saboolnimada iyo mashaqaysta nimada loona taaba galin lahaa gaadhida horumar waara oo joogtaysan   taasi oo kumanaan dhalinyaro ah  oo markii hore  bilaa camal ah inta la baray xirfadaha kala duwan ee ganacsiga ka dib shaqo abuur loo sameeyay.

Qabridahar(Cakaaranews) Isniin, 14ka August , 2017. Kulan  balaadhan oo shaqo abuur loogu samaynayay dhalinyaro dhan 1,300  xubnood  oo ka kooban iskaashatooyin kaladuwan  islamarkaana laga soo kala xulay xaafadaha maamulka magaalada qabridahar ayaa ka qabsoomay madasha shirarka ee mm qabridahar.

Haddaba,kulankan  shaqo abuurka loogu samaynayay dhalinyarada  isugu xidhan iskaashatooyinka  ayaa waxaa ka soo qaybgalay masuuliyiin sare oo ay ka mid yihiin Wasiirka kuxigeenka xafiiska maamulka DDSI Mudane Deeq Cabdulaahi Buraale, Wasiirka Xafiiska Tababarada, Xirfadaha iyo farsamada gacanta DDSI mudane Naasir Xasan, Gudoomiyaha gobolka Qoraxey mudane Yuusuf Aadan Yuusuf iyo dhalinyarta shaqo abuurka loo samaynayay ee mm qabridahar.

Waxaana ugu horayntii kulankan ka hadlay wasiir kuxigeenka xafiiska maamulka DDSI mudane Deeq Cabdulaahi Buraale oo si faahfaahsan ooga hadlay in nidaamka iyo qorshayaasha u dajisan xukuumada uu yahay sidii loo tirtiri lahaa cadowgeena koobaad oo ah saboolnimada islamarkaana si taas loo gaadhana shiishka la saarayo  shaqo abuurka dhalinyarada deegaanka loona baahan yahay in dhalinyaradu noqdaan kuwa ka midho dhaliya yoolasha loo dajiyay ee la hiigsanayo. Wuxuuna mas’uulku intaa kudaray in ujeedada kulankan tahay sidii loo dhalinyarada bilaa calamka ah loogu samayn lahaa shaqo abuur iyada la dayminayo lacaga ay ku shaqaystaan si loo hirgaliyo tir tirida fikirka ma shaqayste nimada islamarkaana in ka hor inta aan la daymin dhalinyaradan lacagaha loo furayo tababar gaaban oo ku saabsan xirfadaha kala duwan ee ganacsiga.

Dhankiisa Wasiirka Xafiiska Tababarada, Xirfadaha iyo farsamada gacanta DDSI mudane Naasir Xasan oo kahadlay kulankan ayaa isana sheegay in  ujeedada kulankani uu qayb kayahay  qorshayaasha ay xukuumada DDSI ku    xoojinayso   abuuritaanka bulsho ku baraarugsan iskuna sharafta shaqada  isku filnaanshaha iyo wax soo saarka kana madaxbanaan  fikirka cidhiidhyoon ee mashaqayste nimada, shaxaadka iyo dulsaarnimada. Wuxuuna wasiirku ku booriyay dhalinyaradan iskugu xidhan iskaashatooyinka in ay xooga saaraan sidii ay u taaba galin lahaayeen meelmarinta qorshahan kana faa’iidaystaan fursadahan ay siiyay xukuumada DDSI.

Ugu danbayntii maaha markii ugu horeesay ee ay xukuumada DDSI shaqo abuur u samaysay dhalinyarada DDSI ee waxay sanadihii ugu danbeeyay xooga saartay sidii loo tir tirilahaa saboolnimada iyo mashaqaysta nimada loona taaba galin lahaa gaadhida horumar waara oo joogtaysan   taasi oo kumanaan dhalinyaro ah  oo markii hore  bilaa camal ahaa inta la baray xirfadaha kala duwan ee ganacsiga ka dib shaqo abuur loo sameeyay.

Jigjiga,(cakaaranews),Isniin, 14ka August 1, 2017. Wasiir ku xigeenka xafiiska waxbarashada DDSI mudane Maxamuud Axmed Nuur oo xafiiskiisa ugu waramayay warbaahinta deegaanka ayaa ka warbixiyay guulaha laga soo hooyay qorshihii sanadka 2009TI ee ku salaysnaa dhinaca kor u qaaditaanka tayada waxbarashada deegaanka .

Wasiirku xigeenka ayaa sheegay in bilowgii qorshihii   sanad dugsiyeedka  2009TI uu  xafiiska waxbarshada DDSI   dajiyay  tabo iyo xeelado suurta galinaya gaadhida iyo ka midho dhalinta natiijada qorshaha taasi oo sal looga dhigay iskaashiga bahda waxbarashad iyo baw-wadaagtooda iyada oo si gaar ah diirada loo saaray iskaashiga joogtada ah ee ay leeyihiin  xafiiska waxbarashada, macalimiinta ardayda  iyo waalidiinta ardayda   taasi ayaa suurta galisay ayuu yidhi wasiir ku xigeenku in dhamaanba qaybaha kala duwan ee waxbarshada  sidii uu qorshuhu ahaa loo fuliyo lana gaadho natiijo wax ku ool ah.

Wasiir ku xigeenka oo hadalkiisa siiwata ayaa tilmaamay in ka guul gaadhida qorshihii sanadkii 2009it ee dhinaca  tayada baris barasho ay ka  mid ahaayeen  in dhamaan dugsiyada deegaanka gaar ahaan kuwa ku yaala degmooyinka iyo  tuulooyinka DDSI ee ay wakhtiyadii hore ku yaraayeen macalimiintu in bilowgii sanadkan  la daboolay baahidii dhinaca barayaasha iskuulada iyada oo  lagu xoojiyay macalimiin tayo aqooneed leh. sidoo kale waxa xooga la saaray ayuu yidhi wasiir ku xigeenku in la soo saaro manhajka  waxbarashada  oo tiro iyo tayaba leh kaas oo kor u qaaday  tayada waxbarashad deegaanka. Wasiir ku xigeenka ayaa intaasi ku daray xooga la saaray laguna guulaystay  in abaartii ka dhacday   qaarka mid ah gobolada iyo degmooyinka deegaanka darteed uuna ardayna u joojin waxbarashada iyada oo dhamaan dugsiyad ku yaala degmooyinka abaaruhu saameeyeen laga bilaabay quudinta laguna guulaystay in uuna ardayna u joojin/ u loox-tuurin  abaarta darteed.Sidoo kale waxa uu sheegay wasiir ku xigeenku in guulaha laga gaadhay qorshihii sanadkii 2009TI   ay tahay ta ka muuqata guusha ay ardaydii  deegaanku ka soo hooyeen natiijada imtixaanaadkii heer qaran ee dugsiyada sare  oo guud ahaanba ardayda deegaanka ka soo hoysay natiijo sare.

Ugu danbayntii waxa uu sheegay wasiir ku xigeenku in sanadka cusub ee 2010TI  uu xafiiska waxbarashada DDSI xooga saarayo sidii uu u xaqiijin lahaa   taamyeelida tayada waxbarashada iyada oo xooga la saarayo waxyaabaha gashiga u ah tayada waxbarashada sida in la daboolo baahida dugsiyada, tan macalimiinta oo sanadka qorshuhu yahay in dhamaan macalimiinta deegaanka la daboolo baahidooda iyada oo loo dhisayo guryo waxaa kale oo la  suurta galinayaa  sidii ardayda iyo macalimiinta looga xaqabtirilahaa helidaanka aaladaha casriga ah waxaa kale oo aan xooga saaraynaa ayuu yidhi  wasiir ku xigeenku kor u qaaditaanka ka qaybgalka waxbarashada  dumarka  iyo tayaynta indaamka baris barasho ee dugsiyada deegaanka si looga guul gaadho xaqiijinta tayada waxbarashada deegaanka.

Hadhaawe(Cakaaranews) Talaado 15ka August 2017.  Xukuumada DDSI ayaa si is daba jooga guula uga gaadhaysa mashaariicaha waraabka beeraha Mudo kooban ayaa laga jooga markii madaxwaynaha DDSI mudane Cabdi Maxamuud Cumar uu xadhiga ka jiray 4 biyo xidheen oo kuwa waraabka beeraha ah oo laga hirgaliyay gobolada jarar iyo qoraxay Kuwaas oo wakhtigan la joogo bulshadu ka abuuratay kumanaan hictar oo dalaga kala,duwan ee beeraha ah.

Hadaba Mashruuca waraabka hadhaawe ee degmada godey ayaa waxaa ku socota balaadhin iyada oo la jeexayo kanaalo dhaadheer oo loogu talo galay in beeraha lagu waraabiyo Waxaana booqasho kormeer, qiimayn ah kusoo sameeyay qaabka dhismuhu u socdo wafti isugu jira heer deegaan, heer gobol iyo heer degmo,Kuwaas oo si qoto dheer ugu kuur galay geedi socodka shaqada iyaga oona qiimayn ku sameeyay mudada lagu soo afmeeri doono dhismahan mashruucan.

gud ku xigeenka gobolka shabeelle Mudane Nuur Xayir Qaasin, ayaa Kormeerka kadib  wuxuu warbaahinta deegaanka uga xog waramay ujeedada uu salka ku hayo kormeerkoodani islamarkaana ay u xaqiijin lahaayeen qaab dhismeedka uu usocdo mashruucan

Dhanka kale gadh wadeenka geedi socodka barnaamijka dajinta iyo wacyi galinta bulshada ee xafiiska waraabka iyo dooxooyinka DDSI mudane  Farxaan Maxamuud Aadan oo isana la hadlay warbaahinta deegaanka ayaa sheegay inuu u yimid biyo xidheenkan inuu xaqiijiyo heerka uu marayo dhismaha biyo xidheenkan qabalaha hadhaawe oo uu maalgaliyay dhismihiisa xafiiska waraabka iyo dooxooyin DDSI islamarkaana ay dhismihiisu gacanta ku hayso wakaalada dhismaha, iibka iyo adeega gaarka ee  poliska DDSI. Wuxuuna xusay in ay soo arkeen Biya xidheenkan oo ah kii ay fuliyeen maamulka degmada godey sanadkii hore ee 2008 TI ayaa waxaa balaandhinta lagu wado kasakaw bar bar socda in maamulka degmadu ay ku bilaabeen abuurista beer ay ugu talo galeen inay tusaale uga dhigaan shacabka.

Ugu Danbayna waxaa si kooban ooga warbixiyay biyoxidheenkan gudoomiyaha deg godey mudane Xasan Cali Cabdi oo sheegay inuu Biyo xidheenkan markuu dhamaado suurta galin doonaa sida qorshuhu yahay in looga faaiideeyo boqolaal qoys oo ku dhaqan qabalaha hadhaawe iyo guud ahaan nawaaxiga agaas.

Jigjiga,(cakaaranews),talaado, 15ka August, 2017. Waxaa garoonka diyaaradaha caalamiga ah  ee garaad wiil-waal lagu soo dhaweeyay masuuliyiin heer faderaal ah oo ay hogaaminayso wasiir ku xigeenka wasaarada xanaanada xoolaha iyo horumarinta kaluunka  JDFI marwo Dr Misraq Mokonen iyada oo ay si qurux badan ugu soo dhaweeyay garoonka masuuliyiin heer deegaan ah oo ay ka mid tahay wasiir ka xoolaha iyo horumarinta reer guuraaga DDSI marwo Maajida Maxamed Maxamuud.

Soo dhawayn ka dib waftigan  heer faderaal ee ay hogaaminayo wasiirku xigeenka wasaarada xanaanada  xoolaha  iyo horumarinta  kaluumaysiga JFDI marwo Dr misraaq mokonen ayaa   ka  qaybgalay  furitaanka kulan balaadhan oo lagu qorfaynayay  waxqabadka iyo jihooyinka mashruuca dabar-gaynta cudurka suusanka / kalidii cunaha dhiiga xoolaha islamarkaana ah cudur ku dhaca xoolaha waana cudur caqabad ku keeni kara horumarinta khayraadka xoolaha. kulankan ayaa waxaa kale oo ka soo qaybgalay masuuliyiinta xafiiska xoolaha iyo horumarinta bulshada reer guuraaga DDSI oo ay ugu horayso wasiirka xoolaha iyo horumarinta bulshada reer guuraaga DDSI marwo Maajida Maxamed Maxamuud, masuuliyiin ka socday hay’adaha bah-wadaagta la ah xafiiska xoolaha iyo horumarinta reer guuraaga DDSI iyo madax xafiiseedyada xafiisyada xoolaha iyo horumarinta bulshada reer guuraaga ee 30 degmo oo ka mid ah degmooyinka deegaanka.

Waxaa, furitaankii kulankaasi ka hadashay wasiirka xoolaha iyo horumarinta bulshada reer guuraaga DDSI marwo Maajida Maxamed Maxamuud oo ka warbixisay istaraatajiyadaha  jihooyinka iyo qorshayaasha lagu horumarinayo xoolaha dalka iyo khayraadkooda  gaar ahaan deegaanada xoolo dhaqatada kaasi oo uu ugu  horeeyo deegaanka somalida itoobiya oo ah deegaan hodan ku ah dhinaca khayraadka xoolaha wasiirka ayaa sheegtay in xooluhu yihiin laf-dhabarta dhaqaalaha bulshada bulshadeena taasi oo ay deegaanka somalida itoobiya xoolaha toos uga faa’iidaystaan  inka badan 85%. Wasiirka ayaa sheegtay in wakhtiyadii hore aan sidii loogu talagalay looga faa’iidaysan khayraadka xoolaha balse sanadihii ugu danbeeyay dalkeena itoobiya iyo deegaankuba xooga saareen sidii loo horumarin lahaa nidaamka dhaqashada xoolaha iyo ka faa’iidaysiga khayraadkooda iyada oo la adeegsanayo farsamooyin kala duwan ee casriya islamarkaana xooga la saarayo sidi looga hortagilahaa cudurada faafa ee ku dhaqa xoolaha . wasiirka ayaa intaasi ku dartay in si loo xaqiijiyo tayada caafimaad qabka xoolaha ta dajiyay taba iyo xeeladu lagu dabar-goynayo cudurada ku dhaca xoolaha  kuwaasi oo ay ka mid yihiin mashruuca  dabargaynta   cudurka suusanka ee ku dhaca xoolaha gaar ahaan adhiga kulankana yahay mid lagaga hadlayo sidii loo xoojinlahaa waxqabadka mashruucan.

Dhankeeda waxaa furitaankii kulankaasi ka hadashay wasiirku xigeenka wasaarada xanaanada xoolaha iyo  horumarinta kaluunka  JDFI marwo Dr Misraaq Mokonen oo sheegtay in dalkeena itoobiya ka mid yahay wadamada geeska Africa ugu xoolaha badan, deegaanka soomalida itoobiyana yahay deegaanada ugu xoolaha badan dalkeena itoobiya  sidaasi darteedna sanadihii ugu danbeeyay guulo waawayn laga gaadhay  xaqiijiyo tayada xoolaha iyo khayraadkooda   iyada oo  sameeyay qorshayaal lagu tayaynayo horumarinta xoolaha nool iyo ka faa'iidaysiga , khayraadkooda gaar ahaan suuqgayntooda.

Kulankan ayaa waxa inta u socdo lagu soo bandhigayaa daraasaad lagu sameeyay sidii loo Xaqiijin lahaa tayada xoolaha loogana hortigilahaa cudurada faafa ee ku dhaca xoolaha gaar ahaan cudurka susanka  iyo guud ahaanb jihooyinka casriga ah ee lagu horumarinayo xoolaha nool iyo khayraadkooda.

Jigjiga,(cakaaranews), Arbaca, 16ka August , 2017. Waxaa  lagu soo dhaweeyay garoonka caalamiga ah ee garaad wiil waal airport ee magaalada jigjiga gudoomiye ku xigeenka jaaliyada DDSI ee wadanka Belgium   ahna mulkiilaha shabakada wararka ee Raasonews mudane Maxamed Badri Macalin

waxaana, si qurux badan ugu soo dhaweeyay garoonka diyaaradaha qaarka mid ah masuuliyiinta xukuumada DDSI oo ay ka mid yihiin maareeyaha wakaalada Arimaha  xidhiidhka qurba joogta DDSI mudane Badri Yuusuf iyo maareeye ku xigeenka ururka horumarinta soomalida itoobiya mudane Cabdilaahi Maxamed Cabdi (dhagalaab).

Soo dhawayn ka dib gudoomiye ku xigeenka jaaliyada DDSI ee wadanka belgium mudane Maxamed Badri macalinayaa qolka nasashada ee madaarka kula hadlay warbaahinta deegaanka  isaga oo  siwayn ugu mahad celiyay soo dhawaynta meeqaamka sare ah ee ay xukuumada DDSI ugu soo dhawaysay deegaanka  wuxuuna ku amaanay xukuumada DDSI iyo shacabka deegaanka guulaha laga soo hooyay dhinacyad horumarka nabadgalyada hirgalinta kaabayaasha dhaqaalaha deegaanka iyo hirgalinta xidhiidhka saraxka tiran ee ay xukuumada DDSI la leedahay qurba joogta DDSI. 

Ugu danbayntii gudoomiyaha jaaliyada DDSI ee Belgium ahna mulkiilaha shabakada Raasonews ayaa ah  ah xubin xubin qurba joog ah fir-fircoon islamarkaana    kaalin mug leh ka qaata hirgalinta qorshayaasha horumarineed gaar ahaan dhinaca warbaahinta deegaanka,  gudbinta iyo  soo bandhiga xogaha horumarineed ee deegaanka.  

jigjiga,(cakaaranews),Arbaca, 16ka August, 2017. Madaxwayne ku xigeenka DDSI ahna wasiirka beeraha iyo horumarinta khayraadka dabiiciga ee DDSI marwo Sucaad Axmed Faarax oo xafiiskeeda ugu waramasay warbaahinta deegaanka ayaa ka warbixisay guulaha waawayn ee laga soo hooyay qorshihii dhinaca wax soo saarka beeraha ee sanadkii 2009TI.

Madaxwayne ku xigeenka ayaa sheegtay in xukuumada DDSI  sanadihii ugu danbeeyay  dajisay qorsheyaal cilmiyaysan iyo  istaraatajiyado lagu gaadhayo wadamada dhaqaalahoodu meel dhexaadka yahay sidoo kalena lagu tir tirayo saboolnimada  iyo shaqo la’aanta taasi oo sal looga dhigay hirgalinta iyo xoojinta nidaamka  wax soo saarka beeraha  oo casriya  iyada oo lagu  hagayo nidaamka warshadaha oo ah tubta  lagu gaadhayo horumar waara joogtaysan oo aan soo noqod lahay, madaxwayne ku xigeenka ayaa sheegtay in la xoojiyay  awooda fulineed ee geedi socodka  lagu gaadhayo natiijooyinka wax ku ool ka ah.

Madaxwayne ku xigeenka ayaa sharax dheerka bixisay fulinta iyo meelmarinta qorshihii u dajisnaa xafiiska beeraha iyo horumarinta khayraadka dabiiciga ah ee DDSI gaar ahaan nidaamka fidinta wax soo saarka beeraha oo ay qorshaysnayd in sanadka 2009TI  la abuuro dhul beereed dhan 801,481 hector taasi oo lagu guulaystay in la abuuro 709,977 hector taasi oo u dhiganta in qorshihii la fuliyay 88.6%.  sidoo kale waxaa la sameeyay ayay tidhi madaxwayne ku xigeenku daraasaadyo ku taxa-luqa noocyada carada deegaanka si loo xaqiijiyo nooca wax soo saarka goobkasta ku haboon deegaanka sidoo kale waxaa la qaybiyay lana gaadhsiiyay goobkasta  ayay tidhi madaxwayne ku xigeenku  noocyada kala duwan ee abuurka wax soo saarka beeraha oo tayada leh iyada oo dhinaca kale tababaro kor loogu qaadayo garaadkooda aqooneed la siiyay xirfadlayaasha fidinta beeraha dhinaca kalena  sanadkii 2009IT la soo iibiyay 5 mishiin oo ah miinada waawayn  ee casriga ah ee lagu gooyo sareenka, sinsinta, galayda iyo calafka xoolaha

Madaxwayne ku xigeenka oo sheegay in dhamaanba qorshayaashii u dajisnaa xafiiska laga soo hooyay guulo waawayn oo gashi u ah fidinta wax soo saarka beeraha. Waxayna  sheegay madaxwayne ku xigeenku  in qorshaha cusub ee 2010TI  diirada lagu saarayo xaqiijinta wax soo saar taya leh  islamarkaana gaashaan u noqda xaalada abaaraha ee keenta cunta yaraada iyada oo laga faa’iidaysanayo khayraadka deegaanku hodanka ku yahay sida ka faa’iidaysiga Wabiyada deegaanka, mashaariicaha biyo xidheenada waawayn ee ay xukuumada DDSI hirgalisay iyada oo dhinaca kalena xooga la saaraya sidii loo soo saarilahaa calafka xoolaha . madaxwayne ku xigeenka ayaa intaasi ku dartay in sanadkan la sii xoojindoona soo iibinta iyo qaybinta agabyada casirga ah ee loo adeegsado wax soo saarka beeraha oo ay ka mid yihiin cagaf-cagafyadu kuwaasi oo la gaadhsiindoono degmooyinka deegaanka.

Ugu danbayntii madaxwayne ku xigeenka DDSI ayaa fariin u dirta qaybaha kala duwan ee bulshada deegaanka taasi oo ah in xooga la saaro wax soo saarka beeraha islamarkaana laga faa'iidaysto khayraadka deegaankeenu hodanka ku yahay  si  uu iskaashigeenu u noqdo mid lagu hirgaliyo qorshaha ay xukuumada DDSI sanadkan dajisay ee ah waan soo ceshan karaa inku filnaanshaheenii.

Jigjiga(Cakaaranews) Arbaco 16ka August 2017.  Tartankii kubada cagta ee gobolada iyo maamul magaalooyinka  Deegaanka ee kasocday garoonka casriga ah ee xarunta deegaanka ee magaalada jigjiga ayaa waxaa bilowday wareega gabagabo islamarkaana ay gobolada Daawa, MM Wajaale,Dollo iyo Sitti ay iskasoo xaadiriyeen wareega 4ta ee loogu gudbayo ciyaarta kamadanbaysta ah ee finaalka.

Waxayna saaka aroornimadii ciyaar xiisa leh dhexmartay kooxda gobolka Daawa iyo kooxada mm wajaale ciyaartan oo tageero aad utira badan soo buux dhafiyeen garoonka ayaa waxay wakhtigii loogu talagalay ku dhamaatay 3-1  oo ay guushu ku raacday kooxda gobolka daawa , sidaasna ay kooxda gobolka daawa oogu gudbaan ciyaarta finaalka ee ugu danbayasa koobkan gobolada iyo mm deegaanka oo in muda kasocday xarunta deegaanka ee magaalada jigjiga.

Dhanka kale waxay galinkii danbe maanta ciyaar aad uxiisa badan oo lawada sugayay dhexmartay kooxda gobolka Dollo  iyo kooxda gobolka sitti , Ciyaartan oo ay labada kooxba  soo bandhigeen ciyaar wanaag ayaa waxay wakhtigii loo talagalay kusoo dhamaatay barbaro 1-1 ah. Intaas kadibna Waxaa loo dhigay rigoore oo ay guusha ku raacday kooxda gobolka Sitti iskaxaadiriyeena ciyaarta finaalka ee ugu danbaysa koobkan gobolada iyo mm deegaanka islamarkaana ay tartankan kubada cagta ee gobolada iyo mm deegaanka ay ciyaarta ugu danbaynta fiinaalka isugu yimaadeen labada kooxood ee gobolka Daawa Iyo Gobolka Sitti.

Sikastaba ha ahaatee tartanka ciyaaraha kala duwan ee ka socda xarunta deegaanka ayaa maraya gabagabo islamarkaana ay labada kooxood ee gobolka Daawa iyo Sitti ay wada ciyaari doonaan kulanka kaga danbaysta finaalka.

Qabridahare(cakaaranews)Khamiis 17ka August 2017. Waxaa xarunta gobolka qoraxey kaqabsoomay kulan lagusoo dhawaynayay maareeyayaasha cusub ee lagusoo qoray xarumaha caafimaadka gobolka qoraxey islamarkaana ay kasooqaybgaleen gudoomiyaha gobolka qoraxey iyo waliba gudoomiya yaasha iyo madax xafiiseedada caafimaadka degmooyinka gobolka qoraxey.

Hadaba, kulankan soodhawaynta ah ayaa waxaa ugu horayn kahadlay Gudoomiyaha Gobolka Qoraxey mudane Yuusuf Aadan Yuusuf oo sheegay in gacmo furan ay kusoodhawaynayaan maareeyayaasha cusub ee xarumaha caafimadka gobolka qoraxey lagu soo qoray. Wuuuna intaa kudaray in maareeyayaashan lagsooqoray 14ka xarumo-caafimaad ee gobolka qoraxey. Wuxuuna xusay gudoomiyuhu in maareeye yaashani ay yihiin gabdho kuwaasoo ah xubnihii ugu kartida badnaa ee lagasoo kalaxulay dhamaan deegaanka islamarkaana tababarka hogaaminta ee xarumaha caafimaadka kusoo qaatay xarunta deegaanka ee magaalada jigjiga.

Wuxuuna tilmaamay gudoomiyuhu in ka maamul ahaan ay garabtaagan yihiin dhankaata oo xaga maamulkooda ah, iyagana looga baahan yahay in xilkooda iyo waajibaadkooaba ay si toosa uga soo baxaan.

ugudanbayna, maareeyayaashii cusbaa oo dareenkooda kahadlay ayaa sheegay in xilka waajibaadka ay usoo idmatay xukuumada DDSI ay si wadaniyad leh oo daacadnimo ku dheehanatahay uga soobaxayaan.

Jigjiga (cakaaranews)Khamiis 17ka August 2017. Sida lawada ogsoon yahay caasimada DDSI ee magaalada jigjiga ayaa 5tii sano ee u danbaysay  si aad xawli u ah u koraysay marka la eego dhinacyada adeegyada aasaasiga ah iyo kaabayaasha dhaqaalaha ee magaalada islamarkaana kamid noqotay caasimadaha magaalooyinka dalka ee wakhtiyar gudihii isbadalwayn ka sameeyay dhanka jidadka, dhismaha iyo waliba nadaafada iyo cagaarinta caasimada. Iyadoo baryahana ay maamulka magaaladu dadaalbalaadhan ugu jiraan dhanka qurxinta iyo nadaafada magaalada maadaama oo ay sanadkan magaaladu martigalinayso xuska magaalooyinka dalka.

Hadaba, waxaa maanta magaalada jigjiga si wayn uga qabsoomay olole balaadhan oo dhanka nadaafada ah oo ay kasooqaybgaleen masuuliyinta ugu saraysa MMJ oo uu ugu horeeyo Kusimaha Maayorka ahna Maareeyaha MMJ mudane Fadxi Shugri Axmed oo halkaas kula hadlay warbaahinta deegaanka. isagoo sheegay in baryahanba ay ku hawlanyihiin dhanka qurxinta iyo nadaafada maagaalada jigjiga islamarkaana ay maanta si aad u balaadhan u samaynayaan ololo nadaafadeed oo ay wada fulinayaan shaqaalaha MMJ iyo waliba halyay’yada ciidamada Gaarka ah ee Liyuu-boolis. Wuxuuna xusay in maanta  ay nadaafadani kuwajahantahay goobo kamid ah magaalada oo ay islahaayeen waxaa kajira qashin.

Ugudanbayna, kusimaha maayorka ayaa bulshada  kunool caasimada kuladardaarmay in ay kala shaqeeyaan ilaalinta nadaafada iyo bilicda magaalada jigjiga, si wada jira ahna ay ugala qayb-qaataan.

Jigjiga(Cakaaranews) Jumce 18ka August 2017. munaasabad si qurux badan loo soo agaasimay oo lagu xusayay xuska 14aad ee maalinta dhalinyarada dalkeena ayaa ka dhacday madasha shirarka ee qaryaan dhoodaan ee xarunta deegaanka.

munaasabadan maalinta dhalinyarada dalkeen oo sanad kasta la xuso bisha nahaase 12keeda ayaa waxaa munaasabadan maanta ka soo qaybgalay masuuliyiinta sare ee xukuumada DDSI oo ay ka mid yihiin madaxwayne ku xigeenka DDSI ahna wasiirka xafiiska horumarinta beeraha iyo khayraadka dabiiciga ee DDSI marwo Sucaad Ahmed Faarax, Wasiirka xafiiska maamulka DDSI mudane Cabdimahad Maxamed Cabaase masuuliyiinta xarunta dhexe ee XDSHSI  oo ay ka mid yihiin wasiirka xafiiska ganacsiga gaadiidka iyo warshadaha DDSI ahna madaxa arrimaha xisbiga xarunta dhexe ee XDSHSI mudane Khadar Cabdi Ismaaciil, Madaxa arrimaha siyaasada xarunta dhexe ee XDSHSI mudane Cumar Maxamuud Cabdi ,golaha wasiirada DDSI iyo qaybaha kala duwan ee ururada dhalinyarada DDSI.

Hadaba munaasabadan oo halku dhig looga dhigay" xoojinta ka qaybgalka iyo ka faa'iidaysiga dhalinyarada ayaa ku xaqiijinaynaa nabadeena iyo midnimadeena ayaa waxaa ugu horayntii ka hadlay madaxwayne ku xigeenka ahna Wasiirka xafiiska horumarinta beeraha iyo khayraadka dabiiciga ah ee DDSI marwo Sucaad Axmed Faarax oo sheegtay in ay dhalinyaradu tahay lafdhabarta bulshada islamarkaana yihiin cududa ka midho dhalinaysa hirgalinta qorshayaasha horumarineed ee lagu gaadhayo wadamada dhaqaalahoodu meel dhexaadka yahay waxayna ka warbixisay madaxwayne ku xigeenku in ay dalkeena itoobiya iyo deegaankeenu dajiyeen istaraatajiyado iyo qorshayaal lagu horumarinayo dhinyarada islamarkaana loogu samaynayo shaqo abuuro taas oo loo baahan yahay inay dhalinyartu ka faaiidaystaan fursad qaaliga ah ee ay ka heleen dawladooda.

Dhankiisa wasiir ku xigeenka dhalinyarada iyo ciyaaraha DDSI mudane Cabdishakuur Cismaan ayaa ka warbixiyay ahmiyada ay leedahay munaasabadan lagu xusayo maalinta dhalinyarada aduunka wuxuuna sheegay in xukuumada DDSI guulo waawayn ka soo hoysay istaraatajiyadaha lagu horumarinayo dhalinyarada gaar ahaan ahmiyada ay xukuumada DDSI siisay dhinaca shaqo abuurka dhalinyarada deegaanka.

ugu danbayntii fadareeshinka dhalinyarada DDSI ayaa shahaadooyin sharaf gudoonsiiyay xafiisyadii kaalinta muga leh ka qaatay hirgalinta qorshayaasha lagu horumarinayo dhalinyarada deegaanka.

Jigjiga(Cakaaranews) Jumce 18ka August 2017. Tartankii kubada cagta ee gobolada iyo maamul magaalooyinka  Deegaanka ee kasocday garoonka casriga ah ee xarunta deegaanka ee magaalada jigjiga ayaa waxaa maanta kaalinta 3aad wada ciyaaray kooxda gobolka dollo iyo kooxda mm wajaale.

Hadaba ciyaartan  xiisaha lahayd ee dhexmartay kooxda gobolka Dollo iyo kooxada mm wajaale  oo ay tageero aad utira badan soo buux dhafiyeen garoonka ayaa waxay wakhtigii loogu talagalay ku dhamaatay 2-1  oo ay guushu ku raacday kooxda gobolka Dollo islamarkaana ay ku noqdeen kooxda 3aad ee tartanka ciyaaraha kubada cagta ee gobolada iyo mm deegaanka.

Sikastaba ha ahaatee, tartanka ciyaaraha kala duwan ee ka socda xarunta deegaanka ayaa maraya gabagabo islamarkaana ay labada kooxood ee gobolka Daawa iyo Sitti ay wada ciyaari doonaan kulanka kaga danbaysta finaalka.

Jigjiga(Cakaaranews)Sabti 19ka August 2017.Saraakiisha ciidamada booliska ayaa 400 oo geed ku beeray kuliyada tababarada ciidanka ee shaalaqe mahad soofe, halkaas oo ay si wada jir ah dhirta ugu beerayeen saraakiisha kaladuwan ee booliska DDSI iyo waliba ciidamada tababarku u socdo ee ku xaraysan kuliyada.

Hadaba, komishineerka Komishinka Booliska DDSI mudane Farxaan Daahir Barkhadle oo kasooqaybgalay dhirbeeristan ayaa sheegay in ololahani yahay mid dhir beeris ah islamarkaana ay saraakiisha ciidamada boolisku si wada jir ah dhir ugu beerayeen kuliyada tababarada ciidanka ee shaalaqe mahad soofe. Wuxuuna intaas kudaray in dhir beeristani ay qayb kaqaadanayaso bilicda kuliyada.

Dhankooda saraakiishii kasooqaybgashay dhirbeeristan oo iyana dareenkooda kahadlay ayaa sheegay in maanat 400 oo geed kubeereen kuliyada tababarada ciidanka ee shaalaqe mahad soofe, waxayna tilmaameen in ka ciidan ahaan dhankooda ay si balaadhan uga qaybqaadanayaan hirgalinta qorshayaasha horumarka cagaaran.

Iskusoowada duuboo, waxaa xusid mudan in baryahan ay si balaadhan uga socoto ololaha dhir barista iyo nadaafada ee caasaimada DDSI ee magaalada Jigjiga.

Jigjiga(Cakaaranews) Sabti 19ka August 2017.  Waxaa xarunta deegaanka ee magaalada jigjiga lagusoo gabagabeeyay koobkii tartanka kubada cagta ee gobolada iyo mm deegaanka oo ay finaalka isugu yimaadeen kooxda gobolka sitti iyo kooxda gobolka Daawa.

Hadaba ciyaartan finaalka ah ayaa waxaa kasoo qaybgalay mas’uuliyiinta  sare ee xukuumada DDSI oo ugu horeeyo afhayeenka goloha xildhibaanada ahna gudoomiyaha XDSHSI mudane Maxamedrashiid Isaaq , Madaxwayne kuxigeenka ahna Wasiirka xafiiska horumarinta beeraha iyo khayraadka dabiiciga ah DDSI marwo Sucaad Axmed Faarax, Wasiirka xafiiska maamulka DDSI mudane Cabdimahad Maxamed Cabaase,Wasiir kuxigeenka xafiiska dhalinyarada iyo ciyaaraha DDSI mudane Cabdishakuur Cismaan Khayre, qaar kamid ah golaha kaabaneega, agaasimayaasha xafiisyada heer deegaan, taageerayaasha labada kooxood iyo qaybaha kaladuwan ee bulshada ku dhaqan xarunta deegaanka.

Hadaba ciyaartan  xiisaha lahayd ee dhexmartay kooxda gobolka Sitti iyo kooxada kooxda gobolka daawa  oo ay tageero aad utira badan soo buux dhafiyeen garoonka casriga ah ee magaalada jigjiga islamarkaana ay labada kooxoodba soo bandhigeen ciyaar wanaag ayaa waxay wakhtigii loogu talagalay ku dhamaatay barbaro 0-0 ah. Waxaana ladhigay rigoore  oo ay guushu ku raacday kooxda gobolka Sitti islamarkaana ay ku qadeen koobkii tartanka ciyaaraha kubada cagta ee gobolada iyo mm deegaanka.

Ugu danbayna waxaa la guda galay abaalmarintii kooxaha kaalamaha hore galay oo ay halkaas abaalmarinta ku gudoonsiiyeen mas’uuliyiin uu ugu horeeyo afheenka golaha xildhibaanada ahna gudoomiyaha XDSHSI mudane Maxamedrashiid Isaaq, Madaxwayne Kuxigeenka ahna Wasiirka xafiiska horumarinta beeraha iyo khayraadka dabiiciga DDSI marwo Sucaad Axmed Faarax iyo Wasiirka xafiiska maamulka DDSI mudane Cabdimahad Maxamed Cabaase islamarkaana ay kula dardaarmeen kooxihii kaalmaha hore galay oo ay ugu horayso kooxda gobolka sitti inay halkaas dadaalkooda kasii wadaan si ay ooga qaybgalaan tartamada dalka iyo kuwa heer caalam.

Ugu danbayna waxaa dareenkooda ka hadlay qaar kamid ah kooxda gobolka sitti ee ku guulaysatay koobkan oo sheegay inay aad oogu faraxsan yihiin koobkan ay ku qaadeen iyadoon hal ciyaarna lagabadinin islamarkana ay dadaalkooda halkaas kasii wadi doonaan.

Jigjiga(cakaaranews)Sabti 19ka August 2017.Waxaa xarunta deegaanka ee magaalada jigjiga kadhacay ololo balaadhan oo isugujira dhir-beeris iyo soobandhig carwo-horumarineed islamarkaana lagu xusayo xasuustii Ra[isal-wasaarihii hore ee aragtida dheeraa mudane Meles Zenewi.

Hadaba, dhirbeeristan iyo soo bandhigida carwo-horumarineedan ayaa laguqabtay xarunta cagaaran ee lagu magacaabo Meles Park ee magaalada jigjiga. Waxaana kasooqaybgalay masuuliyiinta deegaannka oo uu ugu horeeyo Afhayeenka Golaha Xildhibaanada ahna Gudoomiyaha XDSHSI mudane Maxamed-rashiid Isaaq, Golaha wasiirada deegaanka, masuuliyiinta maamulka magaalada jigjiga iyo waliba shaqaalaha DDSI. Iyadoo tanina ay tahay xuska maamuuska sanadguurada 5aad ee kasoowareegtay geeridii Raisal-wasaarihii hore ee Dalka mudane Meles Zenewi. Islamarkaana lagu xusayo argtiyadiisii iyo yoolashiisii ku aadana horumarka cagaaran.

Sidookale, soobandhiga carwo horumarineeda ayaa iyana ahayd mid lagu soo bandhigayo guulaha horumarineed ee laga gaadhay dhinacyada horumarka, nabadgalayada iyo maamulka suuban. Taasoo lasoo bandhigay 5tii sano ee udanbaysay iyo waliba sawiro ka turjumaya xaaladii xumayd ee uu deegaanka iyo dalkuba soomaray.

Iskusoowada duuboo, ololahan dhir beerista iyo soobandhiga carwo horumarineedan ayaa ah mid lagu xasuusanayo yoolashii iyo hadafyadii Raisal-wasaarihii hore ee dalka JDFI mudane MelesZenewi oo ahaa hogaamiye aragti-dheer.